九巴40P增加班次及調整開出時間

原帖由 卡達哥 於 2009-12-4 23:36 發表


睇你去九龍何處吧~
講出九龍吧：31B去唔到旺角，32去到弼街，36B叫方便D，可惜只出到佐敦。
回程：32,36B上唔到石梨巴總；31B行大角嘴道
你可以話「行咪得」，對，我搭31M轉地鐵都得 =] ...

咁多選擇，真係辛苦你
難為葵盛、葵涌村呢D咁大條村先得一條西九龍線，
雖然呢個世界無公平，不過講野唔使有風使盡里

原帖由 GK9636 於 4/12/2009 23:28 發表


32兄不用這麼勞氣, 今次加車暫時未知有冇其他區犧牲, 不過部42C-S40就做就了3條線加班 (上段一單40P, 一單42C, 一轉42A, 下段兩轉42C)

真係辛苦哂 九巴"製造"咁既加班安排

原帖由 32 於 2009-12-5 00:33 發表


咁多選擇，真係辛苦你
難為葵盛、葵涌村呢D咁大條村先得一條西九龍線，
雖然呢個世界無公平，不過講野唔使有風使盡里

有風駛盡艃，艃字是特別字形

唔單止香港，世界都有好多唔公平的事，
所以作為一個小市民，要發聲，也要用自己的一票選出代表到自己的民意代表！

確實好多個地方出九龍的交通比石梨不便，
但不表示服務因此不用進步，對嗎？




[ 本帖最後由 卡達哥 於 2009-12-5 01:46 編輯 ]

原帖由 卡達哥 於 2009-12-5 01:10 發表


有風駛盡艃，艃字是特別字形

唔單止香港，世界都有好多唔公平的事，
確實好多個地方出九龍的交通比石梨不便，
但不表示服務因此不用進步，對嗎？

...

响資源有限既情況下,應該係去幫服務更差既地方,
再之後先為已有一定服務水平既地方去提升服務吧...

p.s. 閣下既回文甚有朱門酒肉臭,路有凍死骨既感覺

可能小弟表達得不好，令師兄誤會左意思，
我的立場同師兄一樣，首先應該改善服務更差既地方，
而非用服務久佳之資源，支援其他服務差既地方...

葵盛、葵涌村之處服務確比石梨更不足，
雖然小弟不熟那邊，但也看過各網友搭33A 的「奇遇」，
唯問題是：為何九巴和運輸署沒有計劃過提升服務計劃？

還是那句：選一個代表到你的區議員替你發聲吧 =]

原帖由 卡達哥 於 2009-12-4 23:16 發表


下，出文澄清？
我講左咁多野就唔出攪到個討論好似鬧交咁，
就如有版友咁講，討論35A同40P可以適可而止。
難聽D講，坦白D講，想著起火頭引起罵戰咪出聲，
學你果句：咁肉酸。

但我同大部分i-talk網友一樣，理性討論，
唔係好似一些滋 ...

老實講，好似之前樂仔等講的比喻未嘗無理。巴士公司加部車俾你唔代表Ｄ乜。
掛牌編號只係編號咁間單，以現時巴士公司資源緊拙加埋運輸署審批加班的嚴緊程度，
一部車唔做幾條線就真係奇怪。
樂仔講個比喻唔算貼切，如果講261部蛇車字軌除左行261P一單之外，全日走去做其他柯打。
259E一部蛇車淨係做人地，一單259E都無行。可見，掛牌只係一個名義，為這個名義去爭論，
一點意義也沒有。

現在一切塵埃落定，從GK9636兄提到的S40字軌安排，根本正正反映加部車唔同廿年前，
一部車無乜特別柯打，時間表靚一靚。加一部車就時間表上加八九班車。
申請加車仲要左砌右砌，加完東一班，加埋西一班，你柯打我，我柯打你先有今日班次亂中有序。
加部35A車亦唔代表甚麼，如果加左發覺需求唔到，咪俾人拎去做其他柯打。
又可能人地又柯打返落黎。

我咁講，係想話，加一個字軌完全不能代表甚麼，可以代表的，最實際係時間表。
時間表又會隨著巴士公司安排私底下又會執。各有各難處，就算區議會都未必做到乜野。

原帖由 KC3555 於 2009-12-5 02:14 發表


老實講，好似之前樂仔等講的比喻未嘗無理。巴士公司加部車俾你唔代表Ｄ乜。
掛牌編號只係編號咁間單，以現時巴士公司資源緊拙加埋運輸署審批加班的嚴緊程度，
一部車唔做幾條線就真係奇怪。
樂仔講個比喻唔算貼切，如果講261 ...

謝謝師兄的教導，依家個社會真係唔同廿年前，
對於我這個老人家，看見巴士服務由盛轉衰，確有一點的感概。

時代的進步，迫使我們向前看
以特區政府「注重環保」的保鐵政策，
可能可見的將來，香港巴士已成為歷史名詞。

原帖由 卡達哥 於 2009-12-4 23:36 發表


睇你去九龍何處吧~
講出九龍吧：31B去唔到旺角，32去到弼街，36B叫方便D，可惜只出到佐敦。
回程：32,36B上唔到石梨巴總；31B行大角嘴道
你可以話「行咪得」，對，我搭31M轉地鐵都得 =] ...

咁多條線揀,,,仲同人嘈一日開少果 1~2 班車...
咁 對面山頭 33A 37 仲有一千零一班既 237A ...咪要嘈到成頁都係？

你都幾大條道理喎

原帖由 天瑞總站 於 2009-12-5 13:46 發表
一時口語一時書面語,睇你回文真係夠哂辛苦

睇回文重點係睇可讀性，唔係下下咬文嚼字就叫做好，
KC3555兄明顯講到一個重要訊息就係巴士公司加車的難度，
一方面受政府傾向鐵路的政策令加車唔容易，另一方面受車隊嚴重萎縮，
加班亦需要多方面調配，舉出一D例子俾大家參考，
我覺得呢D回文遠勝某些講左等如無講既回文，
當然每個人看事物唔一樣，重點亦唔一樣，
如果你覺得辛苦，我覺得你應該選擇唔好睇，亦唔好回文，
你唔會辛苦之餘，亦令希望得到該訊息既人搵到答案