2014-15 沙田區巴士路線發展計劃

原帖由 Ravenclaw 於 2014-4-5 01:20 發表
第一， 286C有點屎忽，拉去大角咀起大價，太顯眼，因為大角咀內街呢d垃圾位，比條青沙線佢做咩？老實，86C上青沙其實有少少智障的味道系度，馬鞍山唔系好見得一定要比條青沙線佢。馬鞍山最應該要有的青沙路線系早繁開幾班青沙西隧版的681，用大圍出入口中途不停站前往西隧口，好過你681由頭塞到尾，塞到2046都未過到海...

但馬鞍山過海一定係大老山+東隧最直接最快
如果681變成青沙+西隧版就會變得好兜
而且銅鑼灣區無地方可以做總站

有時候就唔好為想兜而兜...

原帖由 OTIS401 於 2014-4-5 01:35 發表

個人就覺得89X照舊
分擔第一城去沙田火車站既客量，同埋都唔會令大涌橋路冇車出東九龍
佢叫人係大涌橋路搭85A/49X去第一城轉車，但有冇諗過轉第三程車冇轉乘優惠
即係89X既轉乘優惠全部都用唔到 (唔知有冇錯)

而83X經小瀝源路拉去石門
88X既路線已經同你所講既289相若，只係唔去平田

我諗佢縮89X去石門係因為89X路線太長
又要經第一城又要經愉翠
來往沙田站搭89X在車程上會感覺慢
所以先至打算分家
沙田站經大老山出觀塘就搵其他線做(83X)
而且取道沙田圍路上大老山遠比現有89X要經第一城/愉翠苑比較直接
改道後89X就專心做第一城/濱景果邊

另外富豪花園去觀塘會有另一個轉乘優惠
就係85A轉89(雖然是現有但擴大轉乘價格)

[ 本帖最後由 kmb71k 於 2014-4-5 10:02 編輯 ]

原帖由 kmb71k 於 2014-4-5 09:49 發表
但馬鞍山過海一定係大老山+東隧最直接最快
如果681變成青沙+西隧版就會變得好兜
而且銅鑼灣區無地方可以做總站

事實上88R早繁經青沙公路班次唔單止坐滿,甚至可以頂閘
至於正常班次連坐滿都成問題
證明左681早繁塞車情況極之嚴重

原帖由 kmb71k 於 2014-4-5 09:49 發表
另外富豪花園去觀塘會有另一個轉乘優惠
就係85A轉89(雖然是現有但擴大轉乘價格)

1. 呢份RDP一方面話獅隧塞車,另一方面叫人改搭85A轉89即係叫人塞獅隧啦
2. 非繁85A得20分鐘一班,計埋等89既時間差唔多半個鐘時間等車,完全唔可以接受
3. 遲D沙中線通車,85A保唔保得住都成問題,即係變想冇左85A轉89優惠

原帖由 kmb71k 於 2014-4-5 09:49 發表


但馬鞍山過海一定係大老山+東隧最直接最快
如果681變成青沙+西隧版就會變得好兜
而且銅鑼灣區無地方可以做總站

有時候就唔好為想兜而兜...



我諗佢縮89X去石門係因為89X路線太長
又要經第一城又要經愉翠
來往沙 ...

早繁唔系咁講呀...你要留意下我特登唔比果幾班681行翠容橋的，就系知道早繁一去捕公就死硬，所以我特登叫佢用世界花園個位入青沙...

除非你話681舊灣警已經落得7788，否則中上環，早繁青沙+西隧始終會快...

大老山又塞，東隧塞，東廊又塞，早繁好慢架...

仲有，總站？唔洗架，我話開幾班而已，大可以學982X咁樣，去到灣仔踢人落車私去其他地方...

鍋鑼灣？唔洗理佢架，681西行都沒做銅鑼灣...

不過如果你話成條681上青沙就唔好，第一個COST會高左，第二銅鑼灣翻新界比較難處理(680個運力自己唔系太夠，而且慢)，除非又玩大循環西隧南行東隧北行...

281X同281B分拆唔夠車唔夠密,可唔可以將287X同281B合併叫287A,
唔夠車未搞掂好現有路線同客源就唔好做水泉澳至
287A就行青沙跟287X去彌敦道後跟返281B去尖東
用原81C車+87A車隊，合共35部車
當中16部行281B，另外19部就行281X
287X同81C互相路線重複搶客

石硤尾，世界花園，窩打老道,沙角,博康就麻煩轉車
對九巴嚟講改行青沙去尖東可以收返$8.5同81C同價，當然乘客最希望佢收返$7.5

[ 本帖最後由 AD118 於 2014-4-5 11:12 編輯 ]

原帖由 流星☆雨 於 2014-4-5 08:31 發表
如果搞呢場大龍鳳既人真係呢到板友，真係唔該佢食返咁多頁紙落肚

條286完全唔知想點，你又要留72係到獻世，又驚死畀人話你摺左86，開條咁既怪物都算
區內定線又好學唔學照抄舊86慢碌，呢條286真係青沙上腦之作。

246X/286X ...

286點解甘似我先前在F1建議的新86？若其改行富豪入新城市上青沙，就沙田段完全一樣。建議86改道不更名，並改行富豪

作為恆安人的我，之前看預告的時候，我已經想成本「三字經」朗讀一遍。到看畢正式文件加各版友的回文後，不知要播LMF的歌幾多次才能洩憤？去年的99延長、682A開辦和85X改路我開心到幾天都睡不着，今年卻要將89C改兩味、86C改做286C兼加價、85K與86K合併、81C大縮水，那種感覺真是「一封朝奏九重天，夕貶潮陽路八千」。
先言86C改做286C及加價的事。我想作為馬鞍山人，只是想它改為不經大圍，已不是要它一定跟現有87D去獅隧，就算乙明邨後上獅隧都可以接受。現在卻將86C改上青沙、延長至大角咀區甚至加價至$10.3。如果是去大角咀的，車費和時間都可以接受，因為我先乘87D/ MTR至旺角再轉車(旺東站轉綠小，或87D於銀行中心下車後步行至旺角街市轉任何一條去大角咀的路線)，比一程過的286C仍貴(除非搭87D下車後步行入去)，且時間上相若。然而，若作為深水埗的路線，我真是不能接受，一來286C去深水埗的時間可能比現有86C更慢，在預告帖中有版友已做過估計；二來286C的收費比港鐵更貴，但時間上慢港鐵一半；三來86C的主要客源就是深水埗市中心，這類客在非繁和假日更明顯，尤其黃金商場舉辦電腦節時；單單時間和價錢問題，就已經會令更多往來馬鞍山和深水埗市中心的人改搭港鐵，縱使港鐵要轉三次車。而286C的建議的好處只在去長沙灣工商區比現有86C快約15分鐘，可吸引部分邨巴客回流；使馬鞍山有直接路線前往大角咀，吸引到上班客和假日去奧海城逛街的乘客乘搭。這裡我不能接受加價和去深水埗的時間比現時更久，去深水埗和石硤尾我注定要保鐵，去大角咀我搭87D到旺角後再步行過去都可以。

再言89C改兩味。我明白這樣做乃無可厚非的，始終89C有不少競爭對手，除了超過70%的馬鞍山人會選擇乘搭89D外；也有部分屋苑居民會乘搭邨巴到鑽石山站轉乘港鐵，使用這方法主要是聽濤雅苑的居民，因為以89C服務沿線而言，只有這個屋苑才有村巴到鑽石山站；及部分人會乘搭某特快M線(即286M)到大老山隧道口轉乘其他觀塘線，用這個方法主要是77區居民。而在第一城，又有入邨兼更頻密的89X。基本在某程度上89C只是執雞線。不過89C改兩味，我始終是有所保留，先撇開個人主觀因素，始終89D有部分範圍是未有覆蓋，如欣安邨，自從該邨入伙後，89C除服務該邨乘客外，也有部分恆安邨的回流客；而欣安邨又可能有第二期發展，加上烏溪沙站對面的迎海入伙，屆時89D必定不勝負荷。加上在晚間馬鞍山方向和假日，89C都有一定的乘客量，農曆年初一更有多個班次頂閘的。就算89C要改繁時服務，麻煩跟現有83X的方法，但建議平日下繁尾車開11點。


至於85K和86K合併，未知運輸署是否專門針對學生客和「弱勢群體」呢？對於85K沿線的居民而言，85K已非首選的路線(810才是首選)，但810在某些小區是很難乘搭的，尤其是恆安青年會站。而85K在早繁仍有不少學生和上班人士乘搭。如果要一線走天涯，一來令新86K不勝負荷，二來居民會無所適從。

而81C縮至富安和大減班，倒不如281B和281X轉全日，但281X和281B要有互轉式的補差價BBI。因為新281X是不再經全段窩打老道。

實言，一個好的建議，是怎樣將現有路線有更好的分工，而不是一味削資源和加票價那種「賺到盡」的心態。所以，今次的RDP，煩請撤回加價和讓居民分配到合理的資源才好公開。


PS：
這裡也順道講講整個RDP，更理想的應該是：
1. 沙田觀塘線篇
a. 89X不做沙田站也可，但可否改去火炭呢？
b. 88X一日三種走法，若不統一只會讓乘客無所適從。
c. 水泉澳只需將83X拉上去，不需另開新線。
d. 80X應延長至大圍站。

2.沙田黃大仙線篇

a. 286M與84M合併比82X與84M合併更合適，只需加85K/86K與82X的BBI就可以。
b. 77區不應只找286M做老隧駁腳。

3. 青沙網絡篇
a. 不應改線時同時加價
b. 246X和286X班次疏，不太適合做轉乘。
c. 是否應該找一條線去石硤尾做補償？

4. 城隧篇
a. 40X減1車太多
b. 49P應拉過水泉澳，代替47X特車

5. 沙田南九龍線篇
a. 87D改特快建議不錯，但減5車實在太多
b. 287X應該是要雙邊總站。

6. 水泉澳篇
a. 去年288的建議，應該要另加與沙田區內K線的轉乘。

7. 過海線篇
a. 982X開水泉澳特車，應該的。
b. 680P和682延長去烏溪沙站，中途站預多幾分鐘等車吧！
8. 沙田區內線篇
1. 80M與280P合併，留名看81K自顧不暇，不用等火炭公屋入伙。

[ 本帖最後由 AVW28 於 2014-4-5 11:39 編輯 ]

以下是我對重組既意見
1. 大老山組
    a. 89X縮短冇問題，但富豪花園一帶呈真空情況。88x同83x實會鬼打鬼，同埋開條搶錢既88X又唔會快過行觀塘道既大老山線好多，人地798收人10蚊，佢憑咩可以收人9.8? 83x唔該直行觀塘道，不要係循環線，根本係搵九龍灣人笨。我估計甘改法實流失九龍灣班客。
   b. 89C改繁忙時間就唔該加強286M服務，唔好偷雞減哂堆車，以影響錦泰一帶居民! 89d改路我贊成
   c. 82X/84M重組沒有什麼意見
   D. 80X改繁時既話不如佢黎行黃泥頭仲好啦，好過開埋一條廢爆既88X黎浪費資源

2. 青沙組
    A. 286C加價極力反對，完全係十分可惡，加貴1.8元，仲貴過出尖沙咀，有冇搞錯呀? 加完價仲要減車，好啦，深水埗區同石硤尾區俾你魚肉成甘，我覺得真係好過份。
   B. 286 不倫不類，改左等於冇改甘濟，反而仲要少左石硤尾班客。係!長沙灣工廠區會多客點LOR，不過改完都仲係要過河行第一城，真係好低能既走線。我完全睇唔到甘改法，除左工廠區之外，其他區會快左幾多。仲要減車。
  C. 86A縮成甘，真係搵人笨，應該係同286要再好好分工LOR! 86a甘縮法實會被陰乾。
  D.低智的拆線246X同286X，拆完疏哂班次，246X非繁一定運凳。仲要係影響埋286X
    e.280x 贊成

    總結: 根本係將成堆線推去青沙，但又有大量既重疊走線
            長沙灣 工廠區可以一大堆快線，但深水埗區就散得很亂，石硤尾就咩都冇(仲要咩都幾乎剝削)。
   我覺得拉一條青沙以深水埗和石硤尾為藍本都唔過份啦。
    仲有，一下子之間大埔公路沙田段能承受甘多巴士嗎? 疏到架架車都15/20分鐘一班，鬼會有人轉車咩
3. 87D改線沒有問題85B改繁時亦沒有問題
4. 72a減班兼縮短服務時間，我本人強烈反對，72a係應該做埔公接駁線而唔係放逐線，要離開埔公果條係72!

再睇過份RDP，81C/281B好似係不設假日服務。

原帖由 FBI2 於 2014-4-4 23:34 發表


聞說係287X投入服務!

但係RDP寫2014第4季開

原帖由 AVW28 於 2014-4-5 11:01 發表
3. 青沙網絡篇
a. 不應改線時同時加價

同時唔應該改線減車