九巴加價3.9% 7月6日生效

原帖由 AVD1 於 2014-6-10 17:04 發表

一, 呢幾年九記已經取消唔少所謂蝕錢線, 結果佢都係年年加,
二, 冇人想阻你重組, 但唔該有返小小誠意先. 重組應該係以市民為本, 但而家所謂重組倒頭黎原來就係想 cut 車了事, 一係就叫人行路, 邊個會同意重組計劃. ...

同意, 加價的理由仲要話有一大堆蝕錢路線, 但係其實有時我想問返佢, 到底佢知唔知問題出於那裡. 明明有時有些路線係有客, 一係就遊花園;
再唔係就整一D趕客班次出來, 人地見到你個時間表都驚左你. 其他競爭者自然會同你講一句: ' Thank you very much.'

重組好似北區禁, 個人覺得係唔搞好過搞.  宜家個人覺得北區重組搞到好似四不像禁........

九巴出咁多新車唔加價揾邊個埋單?

原帖由 ctb8100 於 2014-6-10 19:08 發表

單單放棄小政府和增加政府對某些市場, 如電力, 房屋等市場的干預, 已經可以減低通脹. 如果像倫敦一樣干預交通服務, 大幅降低車費, 效果更好.

房屋都已經失敗

原帖由 tsoikc 於 2014-6-10 19:23 發表


同意, 加價的理由仲要話有一大堆蝕錢路線, 但係其實有時我想問返佢, 到底佢知唔知問題出於那裡. 明明有時有些路線係有客, 一係就遊花園;
再唔係就整一D趕客班次出來, 人地見到你個時間表都驚左你. 其他競爭者自然 ...

其實今日張炳良放過口風

就算九巴可以透過重組收支平衡，轉虧為盈，盈餘都未必好多

如果九巴班管理層依家想透過九巴去賺大錢或者豐厚盈餘，似乎都只係妄想

原帖由 kay 於 2014-6-10 19:13 發表
其實睇返九巴2013年報d數字同2012年比

車費收入上升4.37%
廣告收入(我估應該唔計RS)上升3.53%

員工成本上升10.55%
燃油成本下降3.85%
零件及物料上升12.38%
隧道費上升0.74%


其實2013年已經有好多蝕錢線無左
但 ...

用轉乘取代直線, 你覺得班政棍會就範?

就正如我一直支持的59A 轉兩味, 荃灣去深水埗用58M轉36A,
咪又係一樣比人插到反晒肚.

原帖由 張偉沖 於 2014-6-10 19:28 發表


用轉乘取代直線, 你覺得班政棍會就範?

就正如我一直支持的59A 轉兩味, 荃灣去深水埗用58M轉36A,
咪又係一樣比人插到反晒肚.

成日想用轉乘取代直達服務，價錢同之前一程車同價，但中間多左段轉車時間，點叫人支持?
你估依家轉鐵路等陣就有車咩，好多轉乘都係疏車轉疏車

九巴肯平一兩蚊我都可以考慮等多十幾分鐘車既

原帖由 3AV53 於 2014-6-10 13:25 發表
運吉而家基本上唔會批准開點到點村巴
新既村巴線只係去附近港鐵站.

政府成日整埋D孤島公/居屋，又唔批/唔逼港鐵開免費K巴，造就大量呢類孤島屋村<>港鐵站駁腳巴士線，呢類線，今次加埋價後，相信大部份都會過$4，就算未到都$3尾，平均每公里接近甚至超過$1，又唔使畀隧道費，又幾乎唔會塞車，用幾部車就可以密密開，對巴士公司黎講，「性價比」絕對和味過$2x一位既長途線過海線。

所以我成日都話，唔好話咩政府保鐵，打壓巴士，事實上政府既房屋規劃同政策，就係塞緊呢類和味線畀巴士公司，尤其九巴。
嶼巴最賺錢最旺場條38，就係咁逼出黎。第日水泉澳架288，唔知又有幾好賺呢？


如果真係保鐵的話，直頭全港都用西北鐵路政策，區內駁腳線都要畀港鐵做，咁巴士公司就仲頭痕。

請過個醒目啲，
可以平衡九巴賺錢同市民需要嘅路線規劃員，
應該有望止蝕嘅。

繼續用個唔會同市民或區議員傾，
再加上唯財是用兼趕客行路嘅地圖劃線員，
另外搭多兩個維穩兵，
繼收車醜聞後，
進一步搞到間公司更臭名更遠播，
唔蝕到空虛蝕到出血? 有鬼啦。

[ 本帖最後由 transbus 於 2014-6-10 19:45 編輯 ]

原帖由 張偉沖 於 2014-6-10 16:44 發表


咩抽水, 我只係講出事實, 區議會一定係最大責任, 不斷幫九巴放血.

區議會唔比重組, 九巴要繼續蝕做那七成路線,
仲要比新車你搭, 加價只係無辦法中的辦法,

所以我咪話囉, 區議會成功爭取全港市民一齊搭貴車.:hand ...

事實?你幾時有講過事實?事實就係九巴服務倒退,脫班收車做齊
就算區議會比重組又如何?重組完條條線班次2/3字頭,咩客都比你趕走晒啦
新車?有新車又如何?有新車好偉大?仲咪計依家D新車咁頂腳
根本就係九巴既問題,唔好再推個責任比區議會

原帖由 kay 於 2014-6-10 19:13 發表
其實睇返九巴2013年報d數字同2012年比

車費收入上升4.37%
廣告收入(我估應該唔計RS)上升3.53%

員工成本上升10.55%
燃油成本下降3.85%
零件及物料上升12.38%
隧道費上升0.74%


其實2013年已經有好多蝕錢線無左
但 ...

取消堆線主要係下半年的事, 只會影響 13/14 財政年度,
你拎 12/13 同 11/12 比較當然唔會見到

取消蝕本線, cut 車, 13 年三月加價
13/14 九巴盤數會好返好多
所以佢要趕喺未出之前用以前蝕錢的數去加價
如果佢堆掠水重組方案過到關, 下年隨時賺突要撥入分享基金