將荃線好可能名花有主？

原帖由 CTB690 於 2014-11-21 22:51 發表
有可能中段時間將D雙層調去將荃線,你知架啦,690非繁城記成日玩特見15XX

690中段出單層係因為慳東隧隧道費
而且單層係由其他行走單層既港島路線交換
中段非繁過後就跳番去港島區路線
跳完690仲跳上跳跳去其他路線?
真係貪好玩?

如果話N293少客果位師兄, 我希望你可以通霄係裕民坊睇一晚, 咁你會改觀

原帖由 leeallen 於 2014-11-22 00:57 發表
如果話N293少客果位師兄, 我希望你可以通霄係裕民坊睇一晚, 咁你會改觀

架車仲要係裕民坊坐滿窗口位出旺角，好明顯架車係唔知邊區出黎。
所以我真係唔明點解 N293 少客，明明 N293 盤大數好過 N796 好多。

N796 係一兩點得 4-5 班返去將軍澳多人，其他時間唔蝕都偷笑。

原帖由 S3BL100 於 2014-11-21 04:55 發表


錯…獨巿區唔係無誘因整特快。如果整完特快之後，回車快左，而收入又多左，咁咪有得整囉。
但係 42A 個 case，唔整特快的真正主要原因，唔係無競爭（你睇下倒左幾多尖咀客去綠小/249M 轉地鐵），
而係因為佢地屎忽數，想做埋九龍內陸 ...

大佬42A都去唔到尖咀,咁當然大把人搭249M轉地鐵,
再者42A唔轉特快原因或多或少同242X客量有關,九巴連條類似線都想取消點會放條42A改特快?

當然閣下唔喜歡41A/42A呢個例子咪轉下口味望下42C
睇下42C點解會係青衣山做頭站仲要環島,青衣尾站竟然係有地鐵既長安邨
呢條線九巴就有意整條特快,但價錢喎,獨市係咁架啦



你講果架101就經常係馬頭圍同111一齊到站,永遠其中一架就吉車咁濟
另一方面101拖卡問題都幾嚴重(都仲未計111),非繁都夠膽死經常四拖
等西港島線通車先CUT你車咪比面你囉
削就削梗架啦(雖然繁時都有頂閘,但非繁真係太密),而削既數目絕對唔會係一兩架咁少



有ACCESS咁堅?洗唔洗去生果報/方向報甚至係消委會投訴報道失實?
不過就算你所講既班次成立都好,都仲係密過603
我就唔信601 619山上多人搭啦
你剩係計架車有較多山上客,當然啦,你都未計上唔到車既觀塘市中心至藍田既客



咁除左尚德之外真係唔會有好多將軍澳山下客去選擇38/40/42C,
而上山問題已經係之前討論過,為左上繁果幾個全搞到全日都慢係反智,
加上798係將隧塞車仍取道將隧已經令到"行山快D所以要行山"呢個觀點完全FAIL


順天的確冇29M,不過順利行過去都唔係太遠,
只係遠過尚德行去地鐵站少少,
成日鼓吹尚德邨乘客放棄692改搭地鐵既人,係咪應該同時叫人去順利搭29M?
彩雲就連91M都會搭,仲要幾次見都唔少
當然啦,如果係綠小落山就搭地鐵LIKELIHOOD幾高,但唔好意思有為數唔少既人搭巴士


不過有樣野我睇唔明,
一時就話九巴睇左38/40/42C轉乘數據認為將荃有得做,
一時就話九巴轉乘冇乜人用,
邊句真?

原帖由 dennis28a 於 2014-11-21 18:30 發表


其實呢，以全日通宵時段計，N293 總客量係高過 N796。
而 N 車最多人搭時段除左一點前後，仲有五點前後，
而果個時段偏係 N796 唔多客時段，咁更加反映 N796 出九龍定線完全失敗。 ...

你睇N796條線定線都知主打邊個方向客源
咁佢出九龍又唔做觀塘又飛起九龍城
一條通頂特快真係冇乜用..

所以N293出城方向多客過N796係完全唔意外
不過一直討論緊既係N796入城方向,各位唔好搬龍門
客源理應少過N293(只有將南),但客量竟然可以比N293略勝一籌

N796出城成件事有D似692P,你話692P唔夠客係事實,但692P尚德區上到接近70個客其實已經唔差(甚至同翠林有得揮)

講左咁耐，有個問題你仲迴避緊

就算俾你開條山下將荃，條線又應該邊度擺尾站？寶林，坑口定尚德？係咪成個山下都會以呢條山下將荃作為首選？

如果係寶林尾站，就算唔計繁忙時間慢過行山的因素，坑口同將南都有更直接方法往返荃葵，
坑口可以搭 102 綠小出觀塘，尚德有 296A 兜少兩個區，出到觀塘果陣將荃都仲遊緊寶林，而之後係完全同路。
至於將南，除左 796S，仲有港鐵。

坑口都仲勉強，但係一條咁既將荃，對將南尚德有幾多吸引力？真正會搭的人數又有幾多？
唔好唔記得，就算係只做山下的 798，因為受惠觀塘繞道同沙瀝公路，
優勢比起出到觀塘後同其他交通同路的山下將荃更大，但將南使用量都遠低過坑口同寶林…

又如果係尚德尾站，好似 E22A 咁，到時寶林上車 25 分鐘都入唔到隧道，保證全日慢過行山，
寶林搭 10M 或者 98A 出去轉車仲快，坑口同樣有 102 同地鐵。
咁又對寶林同坑口有咩吸引力？唔好唔記得，當初爆條 A29，除左係想搶錢外，最初係因為寶林坑口嘈 E22A 太慢

咁你話我知，只做山下將荃點樣可以做到對每小區都有吸引力，吸到搭緊其他交通工具的乘客？山下又應該點行？

呢個正正係你一路迴避的重點，只做山下的將荃，目標係搶現有其他交通的乘客，
但原來呢班目標客群有 1/3 到一半人都係用現有方法轉車仲快，咁試問又搶到幾多？

相反，如果行山，即刻多廿萬人口受惠，仲要有至少一半人快過而家用其他方法轉車，
加上寶林根本打和（尤其山下如果將南尾站仲慢過上山），情況又係咪一樣？

原帖由 GW5878 於 2014-11-22 03:32 發表

大佬42A都去唔到尖咀,咁當然大把人搭249M轉地鐵,
再者42A唔轉特快原因或多或少同242X客量有關,九巴連條類似線都想取消點會放條42A改特快?

當然閣下唔喜歡41A/42A呢個例子咪轉下口味望下42C
睇下42C點解會係青衣山做頭站仲要環島,青衣尾站竟然係有地鐵既長安邨
呢條線九巴就有意整條特快,但價錢喎,獨市係咁架啦

咁我又問你，當時 242X 開咩班次？42A 又開咩班次？242X 青衣島上又點行？
你係乘客，見到班次爭咁遠，你會見到 42A 就上車丫，定係慢慢街上食塵等 242X？

你拎 42C 做例子，用而家的標準同交通道路網絡去評論 N 年前的定線，更加係令人啼笑皆非。
我又問你，42C 開線果陣，東涌線通左車啦咩？南橋可以直通三幹上呈翔道咩？
如果想一條線食晒上葵大窩口荃富街同青衣，唔行北橋唔通點行？行北橋唔搵長安做尾站，又可以用邊條村做尾站？

當時荃葵往返東九的需求又有無而家咁大？當然唔係少，但事實係往返兩地需求係 98 年前後突然急速增長…
如果而家 start from scratch，我好肯定 42C 甚至 38 都唔會係咁行。

原帖由 GW5878 於 2014-11-22 03:32 發表
你講果架101就經常係馬頭圍同111一齊到站,永遠其中一架就吉車咁濟
另一方面101拖卡問題都幾嚴重(都仲未計111),非繁都夠膽死經常四拖
等西港島線通車先CUT你車咪比面你囉
削就削梗架啦(雖然繁時都有頂閘,但非繁真係太密),而削既數目絕對唔會係一兩架咁少

就算係西港島線通車份重組建議，101 都只係減四架，仲要係視乎客量跌幾多再決定減唔減。
你唔好幻想人地會大幅減車，況且 101/111 下繁時段相反，兩巴係無太大誘因減車。
反正而家咁多馬頭圍特車，都可以打爆。

原帖由 GW5878 於 2014-11-22 03:32 發表
有ACCESS咁堅?洗唔洗去生果報/方向報甚至係消委會投訴報道失實?
不過就算你所講既班次成立都好,都仲係密過603
我就唔信601 619山上多人搭啦
你剩係計架車有較多山上客,當然啦,你都未計上唔到車既觀塘市中心至藍田既客

咁事實係有段好長時間九巴乳豬紙仲聲稱 601 非繁開 5-11 分一班，當時早就無晒 5 分鐘班次，
非繁亦係開緊 13 分，係到呢一兩年先改返，反映實際班次。

不過而家個班次係無失實架，好似 619，10-17 分一班，可以中間得兩班城巴班次間隔 10 分鐘又得，
我都話左城巴大部分開 13-14，九巴仲要夠膽死開 16-20，唔見得密過條真係定點 15 分一班的 603 囉。

而且事實係，港島方向，除左下晝打後開始少人外，上晝至中段 601 619 都靠山上坐滿。

你又要諗下，603 去程唔停銅鑼灣，如果停埋，結果又係咪一樣？

當然我發覺你有一套好奇怪的思維，就係山上因為位處山上，所以連出行交通需求都會比起山下少。
如果山下係工商住混合，山上得住宅，咁山下需求較多亦唔出奇，
但好多都唔會係住果度既人囉。

但係點解山下就會特別多居民要搭車周圍去，山上又無咁多？山上居民有咩咁神奇，返工返學消閑的需要較低？

而且將軍澳同觀塘山的例子，山上山下都係住宅區，有咩理由山下廿萬人口的交通需求會多過山上廿萬人好多？你解唔解釋到？

原帖由 GW5878 於 2014-11-22 03:32 發表
不過有樣野我睇唔明,
一時就話九巴睇左38/40/42C轉乘數據認為將荃有得做,
一時就話九巴轉乘冇乜人用,
邊句真?

兩樣野無矛盾，首先的確好多人用 38/40/42C 轉東九山上線，
其次只要無得一程直達，就肯定有人用駁腳線轉地鐵，31M/36M/235M 等線同 40 之間的轉乘吸引力欠佳都係事實，
你要諗下，40 果程非繁要 15/20 分一班，31M/36M/235M 直接送你到地鐵站門口…
當然，下繁上唔到 40P，又真係有唔少人搭 40 （如果仲上到）轉呢堆線救命。

所以係唔影響我的立論，想盡食呢班非鐵路沿線客，就要有直達線。

你又試諗下，38 上繁西行單靠藍田山可以坐滿，彩虹特車亦可以一站上滿，當中唔少相信係 29M 轉乘客。
除非你堅持認為山下交通需求大過山上好多，山上人唔需要去荃葵，否則我搵唔到理由
解釋 38/40/42C 班觀塘客係由邊度走出來。

原帖由 GW5878 於 2014-11-22 03:32 發表

大佬42A都去唔到尖咀,咁當然大把人搭249M轉地鐵,
再者42A唔轉特快原因或多或少同242X客量有關,九巴連條類似線都想取消點會放條42A改特快?

當然閣下唔喜歡41A/42A呢個例子咪轉下口味望下42C
睇下42C點解會係青衣山 ...

692P尚德上70個客就咁堅?
你指係幾班車加埋定係點先

如果幾班車加埋既話，就無謂講啦

未佔中前最繁忙時間我見過692P係東廊大把窗口位同走廊位

但係好似601P係未到繁忙時間已經全部頂閘出東廊

我相信601系/619系每朝繁忙時間運走觀塘山上客出港島乘客遠遠超過70人既

你話人地搬龍門，自己都將個龍門set到咁後，你點講都肯定贏架

但又係唔係大家都要跟你個龍門去討論?我肯，只不過我最多幫你點出你既龍門問題

其實大家都忽略佐一様野，就係秀順-將南獨市，有學生全費客

原帖由 最後熱狗 於 2014-11-22 08:57 發表
其實大家都忽略佐一様野，就係秀順-將南獨市，有學生全費客

如果要講埋，還有係聯合醫院至坑口（將軍澳醫院）的醫管局員工及往來該兩間醫院的乘客
之前提過，因聯合醫院擴建工程，部份專科已由聯合遷往將軍澳醫院
部份覆診病人可能要同一日內穿梭該兩間醫院
觀塘區議會亦曾討論聯合醫院擴建工程後的交通需求，並建議部份路線延長至將軍澳醫院
方便往來該兩間醫院的市民
Ref: 觀塘區議會交運會討論文件23/2013（30/5/2013觀塘區議會交運會上討論）
http://www.districtcouncils.gov.hk/kt/doc/common/committee_meetings_doc/TTC/TTC_23.2013.pdf

西貢區議會亦有議員要求開辦直達將軍澳醫院及聯合醫院的綠小服務：
http://www.districtcouncils.gov.hk/sk/doc/en/committee_meetings_doc/SK_ttc_2013_082_TC.pdf
（西貢區議會交運會討論文件82/2013號）

不過，短期來說，恐怕要等將軍澳至荃灣巴士線正式通車後，才有直接連接該兩間醫院的公共交通服務。

原帖由 kay 於 2014-11-22 08:47 發表
692P尚德上70個客就咁堅?
你指係幾班車加埋定係點先

如果幾班車加埋既話，就無謂講啦

未佔中前最繁忙時間我見過692P係東廊大把窗口位同走廊位

但係好似601P係未到繁忙時間已經全部頂閘出東廊

我相信601系/619系每 ...

個post前幾版有條link，入面有運輸處對692P個客量統計
最高一班，單係尚德已經上咗59人
我覺得出現淨尚德上70人個數字都唔係唔可能
不過後面兩班九巴班次就真係客量偏低

有圖有真相