九巴/新巴985開辦和305取消消息

原帖由 Snowbb 於 2015-8-20 11:31 發表


182 出左紅隧基本上 15 分鐘內都去到港澳碼頭 ,
係紅隧拖慢左車程而己 , 並唔代表轉 982X 非繁會多左人搭 .

其實就係九龍段先令唔少人對170同182既印象都唔大好
除非塞住九龍區把口全程飛站同飛橋

不過老老實實去程十個有九個寧願東鐵/馬鐵轉隧巴
等車時間短好多又穩陣好多
回程只求舒服170/182咪好客好多

原帖由 Snoopy@FB8617 於 2015-8-20 11:42 發表
其實就係九龍段先令唔少人對170同182既印象都唔大好
除非塞住九龍區把口全程飛站同飛橋

不過老老實實去程十個有九個寧願東鐵/馬鐵轉隧巴
等車時間短好多又穩陣好多
回程只求舒服170/182咪好客好多 ...

其實只要將 103 同 113 重組 , 182 大可以飛晒九龍區既站 ,
170 就因為有獨市位 , 所以飛走九龍區有一定難度 .

原帖由 Snowbb 於 2015-8-20 11:51 發表


其實只要將 103 同 113 重組 , 182 大可以飛晒九龍區既站 ,
170 就因為有獨市位 , 所以飛走九龍區有一定難度 .

最主要飛到九龍塘D站同上到亞皆老街交界條橋就一定有所改善既
只係窩打老道就算俾你跑都可以慢車同塞車
公主道紅隧口一樣可以繼續塞車

只要飛到聖佐治大廈/九龍醫院已經對車程好有幫助

原帖由 ky927 於 2015-8-20 10:31 發表

真心，681其實係早繁塞東廊，其餘時間真係快到不得了。由馬市出到灣仔警署都只係40mins。車算密。所以馬鞍山青沙過海線，真係開上下繁夠。如果全日，灣仔銅鑼灣真係短期內都無位放大線。 ...

絕對同意, 所以總站都是擺金鐘就算。但是服務時間, 希望是上下繁再加夜晚。

因為現在夜晚7點半打後, 681只做中環交易廣場及金鐘MTR已經可以差不多坐滿一班車, 部車落到灣仔消防局及怡和街都未必上到好多人。

現在馬鞍山越來越多人住, 其實分流問題遲早要面對。

[ 本帖最後由 drbean7218 於 2015-8-20 14:03 編輯 ]

原帖由 Snoopy@FB8617 於 2015-8-20 11:42 發表
其實就係九龍段先令唔少人對170同182既印象都唔大好
除非塞住九龍區把口全程飛站同飛橋

不過老老實實去程十個有九個寧願東鐵/馬鐵轉隧巴
等車時間短好多又穩陣好多
回程只求舒服170/182咪好客好多 ...

我經常都出入愉翠同灣仔,我唔搭182既原因,唔係九龍區問題,主要係

1) 全程時間過長以星期日計)由柯布連道返到愉翠,要用70分鐘;另外用681轉89X,只係45分鐘;就算一程680過,都只係60分鐘;又或者會行去鷹君搭88R,再行返去愉翠,呢個都係60分鐘;所以返沙田係灣仔係非必要都唔會搭182;會搭182係夜晚9點後由沙田出去就會搭; (但其實行哂成條窩打老道,都係10分鐘,況且坐得182,瞓著左,呢段10分鐘係唔會有片架.)

2) 沙田車程坐底20分鐘,我個人覺得呢點先係致命傷(對富豪至愉翠客來講);

170其實入南區方向已經絕少銅鑼灣客,反而返沙田就仲有捧場客0既.

原帖由 ky927 於 2015-8-20 14:20 發表

我經常都出入愉翠同灣仔,我唔搭182既原因,唔係九龍區問題,主要係

1) 全程時間過長以星期日計)由柯布連道返到愉翠,要用70分鐘;另外用681轉89X,只係45分鐘;就算一程680過,都只係60分鐘;又或者會行去鷹君搭88R,再行 ...

第二個問題基本上好難解決
所以之前都講過
182係就係做晒城東
不過其實兜到爆
致命傷係入一入沙角圈真係用好多時間

至於第一點
我都知182可以飛得好快
N182狂跑既情況下紅隧口到新翠村12/13分鐘都到(仲快過搭鐵)
不過前題係紅隧口至九龍塘成段時塞時唔塞咁
俾我就真係唔敢博
乖乖地搭東鐵到紅磡轉隧巴穩陣好多

原帖由 siusiupeople 於 2015-8-20 09:13 發表


咁960同961 一樣都面對緊中上環非繁少客的問題喎，
佢地又駛唔駛行番紅隧過海呢?
郁埋182 仲好，成條改行青沙，車都唔駛加。
總站問題就仲簡單，行完西隧跟936 去棉花路做總站就得啦。 ...

960 961 點同？本身新界西北出來，行紅隧又好順路？
而且新界西北入紅隧，一係就行佐敦道，一係就行加士居道天橋，入紅隧方向兩種行法都塞餐飽，
而紅隧入新界西北，就避唔開理工出面交叉位，情況同沙田出來的 182，只係塞港島方向，九龍方向無咩事，又有無分別？

又，佔中果陣試到紅隧版 968 都只係比正常路線快少少，但如果成堆 9 系隧巴改晒行紅隧，紅隧巴士流量大幅增加，情況又係咪一樣？

如果 182 改行西隧擺棉花路，怡和街 quota 從何來？

原帖由 siusiupeople 於 2015-8-20 11:24 發表

既然只要改一改982X 走線，停埋第一城 (早繁唔停)，
點解有需要並存?

再者，要並存2條線只會攬炒，182 根本無前景倒不如早尐送佢上路轉型仲實際。

咩叫難度高? 係咪下下都要考慮地區感受先? 九龍區有晒替代品喎，
巴士公司只會考慮你有無車搭，速度係唔會考慮。
無左182，仲有109/113，沙田去何文田仲有BBI。

邊個話 182 無前景？灣仔客長做長有，而且又可以屎忽數做中途流水，
一單 182 收入如果仲高過 982X projected revenue，巴士公司有咩誘因改線？

正如你話齋，「巴士公司只會考慮你有無車搭，速度係唔會考慮」

我自已就幾同意 182 982X 並存的 idea，不過係仲有細節問題要解決，並存咪可以盡食中上環同灣仔兩家茶禮囉。
182 非繁大部分客量都集中灣仔，縮佢落金鐘，又會同 982X 有幾多重疊？真係攬炒？

同埋雖然何文田有 109/113，但其實 113 比 182 更值得改行西隧，
首先灣仔返沙田，182 有優勢，但返中九龍一帶，唔搭 113 仲有 109 同 111。
其次何文田落中上環灣仔，182 比起 109 113 更接近巿區心臟地帶。

雖然灣仔非繁客量遠多過中上環，但 113 本身先係有唔少替代品果條，
營運狀況亦遠較 182 差，如果 113 培正後直插落西隧經西營盤返中上環金鐘，
可以做到油麻地/旺角 <-> 西營盤特快，俾區會放生條 104，亦可以同西港島線競爭，
善用兩個方向的運載力，又可以大幅加快中九龍往返中上環車程。

又可以配合到黃大仙成日想將 113 拉上慈雲山的意願，如果定線吸引，潛在客源其實唔少。

[ 本帖最後由 S3BL100 於 2015-8-20 15:58 編輯 ]

原帖由 Snoopy@FB8617 於 2015-8-20 10:54 發表
其實182同982X並唔係唔可以並存

沙田區過海需求係唔係完全靠182可以顯示到
答案一定係唔係
182係就係做城河東
不過有幾多會選擇182又係一個問題

982X可以主打返中上環既
其實就係而家東鐵+隧巴冇咁大優勢既地方
實際上可以加以利用
而最緊要既係982X有青沙轉車站既情況下
可以將成個coverage拉大到大半個沙田
而唔使好似而家咁齋做城東

182方面做返紅隧最近既地方已經足夠
182要取消難度一定好高
反正紅隧有佢近有佢快既地方

調返轉最大問題果條叫170

我其實幾 buy 182 982X 並存，不過仲有細節問題要解決，例如 982X 時段分配，點樣平衡兩間巴士公司的利益

無詳細研究過 182 時間表，但或者可以 982X 非繁開 30 分一班，
愉翠 - 水泉澳 - 博康 - 原線 - 港島，擺金鐘定灣仔可以再議

而 182 就定點開 20 分一班，縮落金鐘減少脫班同踢車，咁拆法應該需要加人，蛇轉正，但未必需要加車

至於 170，只要填到銅鑼灣<->沙田沿線，或者可以另拆一條行西隧薄扶林落南區，
值搏率分分鐘高過 982X，不過資源係問題。
或者如果沙田方向銅鑼灣一段改下世界級走線，改行禮頓道、邊寧頓街、怡和街，跟 112/116 入紅隧，
避開維園、興發街同景隆街，已經好好多。

[ 本帖最後由 S3BL100 於 2015-8-20 15:54 編輯 ]

原帖由 drbean7218 於 2015-8-20 10:21 發表
睇下過了區議會選舉後, 出年的rdp會否搞馬鞍山經青沙過海線。

我寧願在唔改現有馬鞍山過海路線的情況下, 額外再開新線。

我覺得額外開新線的可能線唔大，可能都要靠現有路線重組。

同埋今年 RDP 傳聞新城本來入紙開兩條馬鞍山青沙過海線，最後未出文件已拉倒，因為照顧唔到另一間巴士公司的利益同時段分配。

原帖由 GL3789 於 2015-8-18 14:03 發表


680下繁金鐘根本開唔足車，仲要拆線，你係咪諗大左?
各自20分鐘一班都未必得啦，北角客真係多得你唔少

沙田點都要有回程西隧線(那怕只得一、兩班)，但絕對唔係再用86C方式兜完沙田先入馬鞍山，搵馬鞍山資源找數
有青沙轉乘， ...

近期頗經常下繁搭 619 過銅鑼灣

見到對面的 680 雖然有少部分班次頂閘，但平均其實差過 601 619 少少，大部分班次去到港運城都仲可以上到人，
有部分只係坐滿，甚至見過有未坐滿就上東廊

680 的情況其實唔算真係太差，絕對可以按一眾沙田過海線下繁實際客量，再作洗牌，
如果開一條碌晒大涌橋路去亞公角、填海區的 981X（唔係 980X），第一如上所言，唔咁行未必夠客，
第二係沙田馬鞍山都有份用，原則上唔會只抽馬鞍山資源，182 都應該有份找數。