E22A 快過 A29P？

如果a車只係貴e車幾蚊,我會揀坐a車
但如果a車貴十幾廿蚊,我揀e車囉........
時間又唔好差好遠
有得選擇都盡量坐e車好

053h4 發表於 2015-10-10 13:52
A22 縮去啟德發展區，新開藍田油塘觀塘直去機場的可能性更大啦

A29P定線非常合理，除非將南尾站，否則A29P ...

A22 縮去啟德發展區，講就簡單，咁觀塘可以換咩返黎？
又整多條 30/60 分鐘既龍翔道線？咁 A29 回程又點算？

將北唔想兜將南，無問題，難道而家將北唔大貪咩？日日想 A29 全日 20 分鐘一班。
A29 有討論過將南尾站，做完坑口、寶林再出將隧，原因係坑口打死都要尾站，任何坑口唔係尾站方案唔考慮。
貪心到入機場果程，打死唔比停觀塘，有位都唔比人上，因為驚阻住自己入機場時間。

問題係根本 A29/A29P 客量低，非繁一部 E400 載得頂盡 10 個人出將軍澳，
麻煩將軍澳撫心自問，有咩條件、客量可以支持兩條全日 A 線？

其實E22P升格做A車，非繁1個鐘1班，到時觀塘山可以一個鐘多一班車，可能城巴有誘因搞

始終A車都係靠繁時多客頂返非繁條數

而且依家都已經有唔少需求低，但又有實際需要既線開緊60分鐘1班

已經成為新常態，如果因為一個鐘一班太疏唔開，咁真係無乜得搞

dennis28a 發表於 2015-10-10 15:24
A22 縮去啟德發展區，講就簡單，咁觀塘可以換咩返黎？
又整多條 30/60 分鐘既龍翔道線？咁 A29 回程又點 ...

將北唔想兜將南，無問題，難道而家將北唔大貪咩？日日想 A29 全日 20 分鐘一班。
A29 有討論過將南尾站，做完坑口、寶林再出將隧，原因係坑口打死都要尾站，任何坑口唔係尾站方案唔考慮。
貪心到入機場果程，打死唔比停觀塘，有位都唔比人上，因為驚阻住自己入機場時間。

問題係根本 A29/A29P 客量低，非繁一部 E400 載得頂盡 10 個人出將軍澳，
麻煩將軍澳撫心自問，有咩條件、客量可以支持兩條全日 A 線？

咁坑口咁難得先爭到條 A29 比 E22A 快半粒鐘入機場，在情在理好難要人走回頭路架喎。

我覺得值得考慮抽 A22 車俾 A29 加到 20 分一班換加停觀塘，但 A22 本身仲有藍田站的問題要解決，唔好以為將條線由觀塘縮走真係咁容易。
同埋如果油塘的問題真係咁迫切的話，與其抽三部車加落 A29 變 20 分一班，不如真係開多條半粒鐘一班的 A26，油塘經碧雲道、藍田、觀塘道、龍翔道入機場，
埋單都只係六部車，A22 就可以縮去啟德，甚至同 A21 重組（尖沙咀去機場慢都係一個問題），避開佐敦個黑洞。

到時回程 A26 同 A29 仲可以做到聯合班次 15 分一班，E22 可以安心減班

當然成件事仲好視乎城巴到底捨唔捨得放棄堆 $7 流水客

A29P 唔開都開左，鍾意與否都好，事實係無兩條全日 A 線都好難滿足得晒個個區的要求，
唔通又要好似 E22A 咁將軍澳遊 30-40 分鐘花園先係正確？況且呢兩條線亦唔係只做將軍澳，我唔覺得係浪費資源，
唔見得 A29P 只做山上比起拉埋入將南係更善用資源。

如果之後有得再由其他線抽車俾 A29P 加到半粒鐘一班，我覺得再提 A29/A29P 重組，縮 A29P 落寶林，唔會係問題。
但將南一樣會爭唔到尾站返來，最多係 A29 康城開經將軍澳站、調景嶺站出返坑口再入隧道，不過咁行唔見得快得過行山版 A29P 幾多。

dennis28a 發表於 2015-10-10 15:04
但而家個問題係，A29P 搞到碧雲道、油塘連全日線都無。難道佢地都唔係「渣都無」？
我點都唔應為單靠 A22 縮線，就可以解決 A29/P 非繁浪費緊資源依個事實。

我一直唔鼓勵 A 線行秀明道，而應該行秀茂坪道。
甚麼要「拉住個行李上山」係藉口，除左近中秀、商場果幾幢樓，
大部份上返秀茂坪道根本唔遠。

就算係而家既 A29P，行秀茂坪道最少可以避免秀明道慢車既問題。

係，油塘係無全日線（碧雲道我唔計，因為係咪可以行去搭 E22 係有得討論），不過翠林康盛 E22A 兩粒鐘先到機場都係一個好大的問題

而翠林康盛本身一定要行山走，油塘就行山或者行觀塘道都可以（雖然行山會再快少少），結果當然係 A29P 入埋將軍澳先合理，油塘反正日後仲有得重組。
但如果今次係新線行山去油塘，咁翠林康盛應該無咩可能解決到 E22A 車程太耐的問題，及/或康城應該永世連渣都無。

而 A29 A29P 始終有地區訴求，將軍澳無可能一條 A 線做得晒，我真係睇唔到 A29 A29P 到底有幾浪費資源囉。反正都係用咁多車。

而 A29P 行秀茂坪道？無錯唔少座數其實唔遠，而且其實更方便安達村，但係你覺得有可能過到骨，尤其曉麗苑果關？
先前將荃未拆開兩條，我一直都係主張跟返九巴早幾年區域重組初稿定線，行秀茂坪道但四順入內街。
但係你望下，即刻有秀茂坪版友覺得唔公平。再望下果班口裏話好關心安達臣交通配套，但口裏說一套，做就另一套的果班議員的咀臉？諗下好喇。

老老實實，只要A29P唔係行6頭豪或者E50D，我唔覺得有值得講既地方.....

正如當年101係快過A20到中環一樣......

siusiupeople 發表於 2015-10-10 21:31
邊個叫A29 開廿分鐘一班? 潑將北污水等同還將南清白? 笑話...
我就淨係見將南有尾站E車仲想要尾站A車。 ...

你錯啦，你睇下近年將軍澳區議會討論。

除左將南果班朋友每隔幾個月提出「A29 延伸至將軍澳南、E22A / A29 加密至 20 分鐘一班」，
將北既朋友每隔一陣都會提出過「A29 / E22A 加密至 20 分鐘一班」。

咁坑口咁難得先爭到條 A29 比 E22A 快半粒鐘入機場，在情在理好難要人走回頭路架喎。

...

A29P 唔開都開左，鍾意與否都好，事實係無兩條全日 A 線都好難滿足得晒個個區的要求，
唔通又要好似 E22A 咁將軍澳遊 30-40 分鐘花園先係正確？況且呢兩條線亦唔係只做將軍澳，我唔覺得係浪費資源，
唔見得 A29P 只做山上比起拉埋入將南係更善用資源。

E22A 最初方案係將南尾站、寶琳、坑口，城巴證明過，咁行係可行。
只係將南區議員打死要拆線，而且康翠強烈反對咩都無，所以無左件事。

另一個方案係，E22A  逆走上山，將南講明要齊 A 線同 E 線，就算無 E22A 一定唔可以行山，坑口堅持唔可以再慢，一定要尾站。
你問我，點解搞成咁？
「就係開左 A29 係坑口尾站，唔鐘意又點，在情在理好難要人走回頭路架喎」
「就係改左 E22A 係將南尾站，唔鐘意又點，在情在理好難要人走回頭路架喎」
再講「A29P 唔開都開左」，我可以好肯定，將來唔需要改線，問題係個補償合唔合理，而唔係開車得 10 幾個客出將軍澳。

係，油塘係無全日線（碧雲道我唔計，因為係咪可以行去搭 E22 係有得討論），不過翠林康盛 E22A 兩粒鐘先到機場都係一個好大的問題

碧雲道行去搭 E22，仲未計要行落去搭車，你估下到時翠林入機場快，定係廣田去機場快？
廣田部 215X、216M、63 有時多人上落，真係夠膽死連行李都唔比上車。

我真係唔多覺得佢地問題細過翠林康盛，最少有車係寶琳北路。
就算係德田，E22 兜完麗港城、再兜樂富，又係要個半鐘車程入機場。
最好笑係，再行落藍田站，下面 A22 有可能同 E22 一樣時間到機場，問你死未？
明知 A22 慢，但有得選擇咩？

我覺得值得考慮抽 A22 車俾 A29 加到 20 分一班換加停觀塘，但 A22 本身仲有藍田站的問題要解決，唔好以為將條線由觀塘縮走真係咁容易。
同埋如果油塘的問題真係咁迫切的話，與其抽三部車加落 A29 變 20 分一班，不如真係開多條半粒鐘一班的 A26，油塘經碧雲道、藍田、觀塘道、龍翔道入機場，
埋單都只係六部車，A22 就可以縮去啟德，甚至同 A21 重組（尖沙咀去機場慢都係一個問題），避開佐敦個黑洞。

到時回程 A26 同 A29 仲可以做到聯合班次 15 分一班，E22 可以安心減班

藍田站的問題係其次，你要說服到將軍澳點解 A29 加停觀塘同時，要處理康城問題，佢地會第一時間衝出黎，
另外，將南又會要求優先處理 E22A 加密 20 分一班。如果過到將軍澳區議員果關，我深信 A29 一早加左站。

你個 A26 無建議 5 部車都唔好考慮，假設 A26 出現，將北係時候要求全日來回不停觀塘道。
A22 本身唔係無客（不知幾好生意），無可能係 A22 抽  5 部車做 A26。

另外，E22 可以安心減班？東涌、麗港城、樂富唔會放過你。
更何況，係都唔應該 E22 減班，而係將佢全日送入東涌北。

將軍澳無可能一條線做得晒，但有無需要 3 條全日線做晒？咁成個觀塘區更加無可能，面積大成將軍澳成倍，
你明白個道理對將軍澳好似好合理，但唔代表人地區無更合理理由，而且佢地既地區訴求比將軍澳更早。

而 A29 A29P 始終有地區訴求，將軍澳無可能一條 A 線做得晒，我真係睇唔到 A29 A29P 到底有幾浪費資源囉。反正都係用咁多車。

另一個問題係，將軍澳三條機場線，A29／E22A 入機場果程做緊幾多個區？
非繁 A29／A29P／E22／E22A 去到黃大仙，平均每隔 10 分鐘就有車，仲唔係供過於求？
藍田山、油塘無日車，觀塘道上車仲慢過坑口，將軍澳三條機場線，仲係唔係浪費緊資源？

而 A29P 行秀茂坪道？無錯唔少座數其實唔遠，而且其實更方便安達村，但係你覺得有可能過到骨，尤其曉麗苑果關？

由頭到尾係城巴傻，曉麗苑根本 A29P 開線，只要第一日唔講，已經過到骨。