對新創建之感想

點解近年灣仔去北角咁多架車最後爆果架叫2號呢,
如果肯去入境處睇下就知乜事...

18P?原來家陣有呢條巴士線乎?
18X北角落橋果個位將來就可能會多返D客,
而家果個北角係食唔正堆位...

咁最後堆人得返架2號坐...

所以近年加班果叫條2號根本係有原因,
新創建有心迫人搭貴車點知最後有客果堆叫平車...

仲要越平先越有客,
貴果堆派車大大架但客量就唔好,
平果堆線派車就永遠細車差在唔係一層巴士...(唔洗指正我,我故意用一層)

呢間公司近年畀人不斷在鬧根本好正常,
居民就算唔會有咩太大反應(即係出聲)不過從呢班居民既搭車行為係睇得出呢點...

自從18X通車之後720就幾乎成為太古城至筲箕灣居民既頭號痛罵對象...
以前有下繁720A果陣邊有咁多聲音?

就黎連722下繁返耀東個名都臭埋,
呢間公司得罪幾多居民呢...

我唔評論呢間公司係咪柴小公司,
只不過佢唔當筲箕灣道耀興道英皇道居民係人係事實黎...

siusiupeople 發表於 2016-8-19 20:20
唔好講d唔講d, 720A 成日吊住720尾, 720 係食晒D客720A 得D餅碎,
亦都試過毛都執唔到一條就上公路, 2條線 ...

當年720A條數係33%-84%而720條客數係56%-82%,
咁我又想問點會唔出事?
如果唔出事點解第二日數車可以一大堆人上唔到車搞到巴士公司收大量投訴電話?

事實上區議員由做完路線重組後到而家係收唔少720投訴...
但有無議員肯提出解決方案?至少無反對相關路線重組果班議員從來無提出解決方法...
而有議員有出過問卷調查發現好多人不滿下繁720系服務,
講事實出黎竟然有人會走去話我講D唔講D?

我唔介意非繁收起條720A但好介意下繁收起架720A...

而家?唔好意思,
我住耀東我都唔會坐東行既720/722,
因為,臭的...

其實講到尾做錯重組又唔做返D野補償姐

好似九巴，264M取消比人鬧左幾年
竟然會夠膽建議68E入大馬路，唔講元朗南因素，大家都會話九巴肯做野補償返

好似新創建
車就自己聲稱cut走晒
其餘服務就搞到一堆垃圾

似乎呢度有唔少人都睇唔明呢個事實既因，同埋果..

剩係好似18/18P/18X
未開18X前，炮台山可以等3~4班就上到是但一架18/18P
開左18X，炮台山朝早等40分鐘都上唔到18/18P，咁又合理？
唔好同我講咩2/25/619，25/619都唔係行足18/18P既部份路段

所以先會話取消18，會有咁多人反對，上埋報紙嘈，先迫運輸署讓步保留幾班車嘛

北角同炮台山個情況同西營盤相似

西營盤係地鐵通車前，都係比人陰D陰D削減服務
5X無受惠，18X都無受惠，101X勉強有少少
但1/5/5B/10全部重要路線就多次減班，又疏又上唔到車

地鐵通左，唔再搭巴士，無左18，比條18P當施舍你又如何？
個名做到臭晒，都唔多人上你條18P去東區...

北角炮台山點解仲有唔少人朝早要捱巴士去灣仔中環返工，
原因就係朝早地鐵都好多人，唔計佢地，仲有班東九龍同將軍澳客，一早打爆晒
唔似西營盤朝早繁忙時間仲可以有位坐

但巴士公司係都要cut北角炮台山資源就講唔通
最後開左條唔cut得既18X玩死自己，真係自作自受

kay 發表於 2016-8-19 20:29
其實講到尾做錯重組又唔做返D野補償姐

好似九巴，264M取消比人鬧左幾年

呢條18X廢就廢在無力分流2/18/18P/720/722...

新巴當年提出第一方案果陣係想分流多D客,點知成抽人抽後算帳結果個方案做都做唔到...

siusiupeople 發表於 2016-8-19 20:35
入境處有半條18X 返筲箕灣, 點解唔上車?
灣碼有條包有位坐的2X, 點解唔上車?
唔通你覺得死等720 會好過 ...

你試下由720果條隊度行去18X條隊,
連18X埋站果陣都無乜北角人肯so果陣,
我又想問18X有人搭?

再講就算18X分流到入境處,
我又想問,
中環,上環,灣仔碼頭一帶呢?

灣仔碼頭一帶叫人坐2X?
堆人去太古的話係咪叫人坐果架講就好密實際疏到根本同2號同級班次既2A?

就算灣仔坐2X返去亦唔見得好合理,
因為2X下繁塞車塞得太勁,
灣碼尾站坐720根本係好正常而好合理...

如果坐巴士都要搞到咁辛苦點解仲要坐巴士?
唔夠服務就唔夠服務,
點解要由我地乘客埋單?

Busmtr 發表於 2016-8-19 20:04
一切都係怪胎"東西快線"嘅錯

的確係18X既問題

但2A半個鐘可以返到北角恕我不能同意, 除非係好夜果陣 <-- (呢句咁熟既?)

反而18號返到北角先係10至15分鐘內既事, 要俾多超過10分鐘時間(雖然平左)我就真係唔同意

最唔鍾意鴨仔要兜銅鑼灣...不過閣下話道歉就唔需要既, 閣下冇錯的, 我都明白有時講黎講去三幅屁真係幾煩

錯反而在巴士公司做得唔好果三幅屁完全揮之不去之餘既同時D職員都不斷掩耳盜鈴同助紂為虐就真

brianso198 發表於 2016-8-19 20:09
點解近年灣仔去北角咁多架車最後爆果架叫2號呢,
如果肯去入境處睇下就知乜事...

係, 本身2號都唔算差(東行計), 點知都一樣要兜銅鑼灣; 可能有人當平車搭先忍到兜銅鑼灣, 不過問心我就一定唔制, 真係要揀都係18P先(照正要有果條係18先啱)

brianso198 發表於 2016-8-19 20:38
你試下由720果條隊度行去18X條隊,
連18X埋站果陣都無乜北角人肯so果陣,
我又想問18X有人搭?

正正就係本人痛恨呢間公司既原因