巴士公司手機app用家意見討論

Mueller 發表於 2016-11-15 07:30
真係唔明, 某公司已經招標邀請承辦商提供樣版機, 同埋已經有幾條市區路線測試緊, 某啲人都重係不斷抽水,  ...

有得用,就算每十次得八次中,都叫有八次用得著
冇得用,比你每十次中夠十一次,都係完全用唔著，完。

放工搭287X 遇過ETA有2個問題

1. 假拖卡
明明只有一部車, 但eta 顯示2班車拖著行。 如果你以為後面有車拖卡追緊來, 咁就中伏。

2. 行車受阻但eta 太遲先有反應
一路見eta 在倒數時間, 什至見到顯示到達/離開, 最後顯示班車走埋。但實際無車出現過/5-30 mins 先有反應行車受阻@XXXX。

drbean7218 發表於 2016-11-15 11:41
放工搭287X 遇過ETA有2個問題

1. 假拖卡

九巴個 ETA 似乎係會到下一個站先會 update，如果架車一直都去唔到下一個站，佢夠鐘都只會 show 到站/離開..

呢個 case 響佐敦道成日會出現，搞到亂晒..

當年九巴全線有報站，新城粉就話：新城咪研發緊囉，嘈乜姐？最後慢九巴唔知幾多年先開始續步推出報站。
當年九巴無ETA，新城粉就話：九巴真係落後，連ETA都無 （其實新城當年都剩係得4條線有）

當年九巴全線有ETA，新城粉就話：新城咪研發緊囉，嘈乜姐？九巴嗰套又唔準，同埋等車使乜靠ETA！

最後慢九巴唔知幾多年先開始續步推出ETA。

當年九巴行大包圍班次，新城粉就話：九巴服務真係垃圾，咁既班次點等丫？
最後新城推出多條大包圍班次，佢地就話有ETA咪得囉。

當年九巴殺慢線，再推貴價特快線（而家都仲係），新城粉就話：九巴剩係識呃錢！
最後，新城咪又係不斷CUT慢線，迫你上快線。
嗱嗱嗱，開8H係為左方便你地JA，雖然短過以前條8號仔，不過你地而家方便左，所以收貴D係理所當然架。
唔關事既2A都要幫下手，減返一兩架車，班車仍然係好「頻密」架。上唔到車？邊個叫你唔一早轉搭電車／地鐵？

mrm23 發表於 2016-11-15 11:53
九巴個 ETA 似乎係會到下一個站先會 update，如果架車一直都去唔到下一個站，佢夠鐘都只會 show 到站/離 ...

閣下講得無錯, 系統成日都倒數至到達/離開, 但實情根本未有車到.
呢個情況喺唔少地方都會出現, 經隧道/繁忙時間港島北岸都成日係咁.

以下係11月17日早上905P既截圖, 九巴負責一班車開往灣仔, 經過西隧後第一個站係均益大廈第二期.
09:00 均益大廈第二期至修打蘭街所有站都係  到達/離開
09:01 港澳碼頭 2分鐘 (即係預計09:03 到達)
(其實08:53均益大廈第二期係 到達, 不過無截圖.)

系統依然繼續倒數:
09:03 均益大廈第二期顯示 --分鐘 ( 到達/離開顯示超過10分鐘後, 就會變做 --分鐘)
09:04 西區警署至港澳碼頭所有站都係 到達/離開.

不足一分鐘後, 均益大廈第二期打後既站重新倒數:
09:04 均益大廈第二期 2分鐘
09:05 港澳碼頭 11分鐘 (即係預計09:16到達)

留意港澳碼頭既預計抵站時間從新倒數前後相差足足13分鐘 (09:16-09:03).

由此可見, ETA系統由08:53至09:04呢段時間似乎完全唔偵測唔到架巴士確實位置, 唔知係唔係因為行經隧道既緣故.
系統只會繼續倒數, 直至系統成偵測巴士位置為止.
其實唔止一次係咁, 上星期二朝早905P都有同一情況出現.

九巴ETA 其實手機Apps 更新會快過巴士站個屏幕，部車走左都仲係出緊「即將到達」
不過都係果句，有eta你唔用係一回事啦。咩熟唔熟客呢d簡直垃圾廢話。
收車/塞車無車返總站點都好，有個eta起碼比到你知咩情況要跳船/行PLAN B,C,D...無嘅就繼續係個站食西北風囉

鬼唔知自己知13X尖東開002040，出到佐敦+10(+/-10差距)分鐘車程，要睇多唔多人上。
最尾今朝班距係40分鐘一班，無ETA係未乞米？

17/11/2016
299x部白板替 02車 KR1722....
唔知係咪認唔到部車, 定真係好幾單都係部車 (或救兵) 在總站附近跪低/撞咗......
一輪到呢架, 過幾分鐘就出 "行車受阻@西貢巴士總站"


18/11/2016
299x部白板替 KC6705 (如果推論冇錯就係替 06 車) 睇落就冇異樣

但是日81K-S2車中午時份...
睇著佢出 "行車受阻@新田圍..."
諗住對站 13:21 前後班次又會大執有郁動啦...
但一路站頭都冇改前後車開車時間,
而去到 13:25左右, 嗰班車就全部變晒做 "行車受阻@穗禾......"
假如部車真係在 "新田圍總站-富圍樓" 之間跪低/撞咗, 唔通真係咁巧合...搵到另一輛救兵去對站頂上,
但又真係咁巧合, 部救兵在 "穗禾總站-穗禾路" 之間又跪低/撞咗...???

定係有 bug ???

GK3258 發表於 2016-11-15 08:10
只能講係兩間公司睇野同發展方針南轅北轍，先會有咁嘅情況。雖則柴小公司科技方面做野的確係要求高，想有 ...

柴小唔肯投放資源，入面班人又眼高手低。你想一個系統整合所有嘢，兼顧乘客、管理同車務需要，個ETA又要整到好似巴士追蹤器咁？理論好好，但好大想頭！柴小班IT斷估已經唔係Google Microsoft嗰皮，自己Inhouse搞搞唔掂又要判出去，搵個Vendor分分鐘又係價低者得，搞幾年先整得幾條線（仲有講到咁巴閉，柴小嗰幾條線嘅報站都唔係百分百準啦，九巴分分鐘準過你），搞搞吓又有新技術，結果成套嘢落後晒又要從頭再做。
想搞到完美先出街？咁乘客就要陪新城等到天荒地老？科技嘢根本不斷推陳出新，iOS出到Version 10都仲改良緊啦，唔通柴小覺得自己個開發團隊勁過Apple?

總之而家事實係九巴全線ETA，人地講明係Estimated Time of Arrival，無錯只係預計呀，但一日有幾百萬乘客受惠。柴小呢？一心要搞「實時」，一開始就設定咗自己達成唔到嘅目標，Project Objective從一開始就Set錯，你之後咪搞幾年都一鑊粥，到最後即使係11、25A嗰幾條線，其實都係唔準，學咩人笑九巴套GPS?

我以前成日鬧九巴，但換咗CEO後真係唔同晒，柴小笑人地九巴套嘢唔夠水平，而家已經講緊點改良，同埋下一步要喺新車裝晒Wifi再加USB充電啦。

GK3258 發表於 2016-11-15 08:10
只能講係兩間公司睇野同發展方針南轅北轍，先會有咁嘅情況。雖則柴小公司科技方面做野的確係要求高，想有 ...

我就覺得係兩間公司營運環境屬性不同而造成.
新創建路線網絡覆蓋範圍相對集中,
特別係新橙命根嘅過海線 & 銅鑼灣 東廊路線
路線大多數班次較密, 客量+票價亦足夠推動業者放大量資源出頻密班次

講真如果我等8P, 或者聯營線如112, 116...可能我都會懶得CHECK 要等幾耐
除非真係等耐咗先至會CHECK係咪大塞車.

但九龍公司唔同. 歷史遺留下一堆新界市區路線,
同對面海2X, 8P比較, 真係回車時間耐  or 里數長.
當然好似九汽35A咁有成個東北葵涌山頭嘅客量, 就繁忙方向&時段開個位數班次,
由尖咀碌到荔枝角都係咁多人搭.

但九汽有好多服務緊嘅小區, 收得貴又趕客, 開頻密班次想留住班客, 要投放成本又太高...



簡單直白D講, 依家九龍公司我相信真係要靠ETA留著班客
堆41A, 213X, 269B, 280X開緊15甚至20分鐘一班, 如果冇ETA, 有幾多%客會搭返地鐵呢?
班客都係希望有個位坐又舒服D...我知架車8分鐘才來, 我甚至可以為咗有得坐, 去襟吓錢之類再返站頭都可以捧場,

但如果候車時間unknown, 分分鐘送晒班客落地底 or 東西鐵...


有人跟著會講, 專心做頻密鐵路接駁咪得囉...
但一出鐵路站, 又有小巴爭客, 大巴班次又唔夠密...
票價可能有吸引力...唯有用ETA話俾客知, 我架3分鐘就到 (平過綠小)...才能KEEP到一D市場分額...



但最慘有D小區做鐵路接駁係蝕到喊...九龍塘嗰堆, 以前老牌M線開夠10/11分鐘一班,
但後來客量跌到維唔到皮...依家條M線同280X各自20分一班, 如果冇ETA.....攬炒都似
(當然後者夠價錢, 回車時間亦唔太差...估唔到九汽夠膽死編 尖東開22:35之後火炭私回00:00再返尖東開多轉,
隔離條M線都係九龍塘開22:45 > 穗禾23:25 > 九龍塘 00:00)
放棄唔做夜晚11點出尖咀服務, 就真係俾多10分鐘就可以深入旺區搵客, 咁樣做接駁好 or 長途快線好?? 條M線 headcount 又已經比90年代大跌.
(只不過新公屋未落成&80m不能徹底削, 未夠資源俾X線做15分一班...好似以前淨做m線又唔係辦法, 唯有用住ETA先)



九汽嘅貴價 (特) 快線, 一係里數長, 一係就小區人口密度不如 小西灣咁樣嘅獨市大客倉 可以俾營辦商開頻密班次.
班次上係疏d, 唯有用ETA補救



所以我嘅結論係...ETA對九汽來講...用 "命根" 可能誇張咗,
但 urgently needed, otherwise 流失市場分額.....咁樣形容唔算誇張.
當你有一堆新界市區長途線等住靠 eta 搵客 / 留住乘客 / 搶返若干 market share (例如 尖沙咀 - 沙田市中心 嘅分額)
那怕係兩三分鐘偏差其實已經唔係首要考慮, 真係等住套 SYSTEM 開飯




新城其實都唔係冇呢個問題,
例如 E11/E11A假日一變做20分一班, 夜晚由港島去東涌/機場方向, 班班車都比以前開15分年代吉咗好多,
倒晒客俾鐵路. (因為D客唔知架車幾時到, 就完全 ignore 條 E11 / E11A線嘅存在), 但開15分一班可能成本太重皮.
但畢竟呢類性質嘅路線, 新城唔算太多, 過海隧巴+柴小東廊線+大西北過海 etc 都仲撐得起間公司, 個別少量呢類E11/E11A線 suffering, 未至於致命吧.

但九汽個新界 "地頭"...如果好多條長途線都俾班客咁樣ignore...