GK3258 發表於 2017-5-28 01:12
九巴都唔係boom一聲變個系統出黎，推出前都做左好耐前期工作。
只能講本身兩間公司vision唔同，一間覺得E ...
就算九巴幾早開始做前期工作，
都唔會早過新巴城巴，因為人地由搞報站開始目標已經係自動化，所以一路目標都係用 GPS 定位，
雖然九巴同期都有試玩 GPS 實時到站預報，但當年效果唔好，根本就無諗住發展落去，報站就手動叫車長搞掂晒算數，低科技當然快趣。
當年根本無人會估到 10 年後人人都拎住部智能電話上網，呢樣野在當時係無法想像。
套 system 又點預備定呢個擴充？依家話新巴城巴 2007 年時無諗到九巴 2012 年諗既野，都有欠公道吧？
搞咁多年研發同全個車隊應用 Telargo 成本都唔少野，要全線做 ETA 等於要推倒重來，點解大家又會覺得呢樣野係 boom 一聲就可以生到出黎？
何況中間呢咁多年，城巴本土線一毫子都未加過，而九巴全冷再加左四次價，有o的路線已經就快比當年收貴左一個 double。
今時今日簡單野如車廂 Wifi，又睇下新城有左幾多年之後，九巴先至有？
簡單野無變有都尚且要咁耐，何況係推翻一套洗左好多錢搞而全個車隊都用緊無耐既 system？
3ASV174 發表於 2017-5-28 02:00
就算九巴幾早開始做前期工作，
都唔會早過新巴城巴，因為人地由搞報站開始目標已經係自動化，所以一路目 ...
但係唔好忘記 F2 堆車都係 2012 年有 A 線 ETA 功能
買套流量細嘅server緊係1個月有2-3日全部車 lost communication 啦......
其實2011年智能手機都開始普及，2011年城巴新巴app推出，2012年亦已經可以用智能手機查詢城巴A線抵站時間…新創建旗下某啲路線就算係開得密，都好容易因為塞車而搞到等勁耐都無車，例如路線11晚繁大概10分鐘左右一班，但係灣仔銅鑼灣軒尼詩道成日塞車搞到路線11啲車炒埋一碟，睇下ETA就知，有時要等4個字先有車黎。如果俾乘客知道你有車黎緊，只不過係因為塞車而遲黎，佢地等車都等得安心啲。嗰啲脫班嚴重既南區同流水線更加唔洗講。實時系統可以讓站長預早知道巴士大約咩時間返到總站，從而更有效率調動車輛以舒緩脫班情況。2013年陳生本書正正講左實時系統對班次調動既好處。所以2012年建造專營權二車隊實時系統既同時，點解唔順便擴展至全線呢？ 不過今時今日GPS大量應用於巴士，城巴同新巴多年努力不懈既嘗試可以話係構成重要既一環，由2003年路線97既實時巴士追蹤、2005/2006年路線15自動報站、2006年路線A10自動報站及實時抵站短訊查詢服務、以及2007年KGIS自動報站，經過多年嘗試、失敗與努力，自動報站終於在2011年開始大規模採用，而與城巴專營權二自家車務系統如站長紙連結既實時系統亦喺2012年末開發完成。真係要俾credit負責開發有關系統既城巴營運支援部一眾員工，無佢地既努力相信難以有今日既成果。 九巴參與過既測試則鮮為人知。現有Openmatics亦係由2012開始試用，直至2014年末先至開始逐步擴展至全線。所需時間亦不少。其積極態度亦值嘉許。 不過比較下兩間公司實時系統既表現，就唔難明白點解新創建唔採用九巴已經完成開發既系統、而研發另一套系統既原因。例如比較下午4點幾至5點幾路線681九巴班次於中環畢打街巴士站既預計抵站時間，以及城巴路線11及12A於同一巴士站既預計抵站時間，即使係測試中既LECIP都有相當高既準繩度。
3ASV174 發表於 2017-5-28 02:00
就算九巴幾早開始做前期工作，
都唔會早過新巴城巴，因為人地由搞報站開始目標已經係自動化，所以一路目 ...
講到尾呢個世界不嬲都係達者為先 ;P
我淨係知道我可以用九記個 apps 睇時間
用 T 定係 O？關我乜事？
who_r_u 發表於 2017-5-28 08:31
講到尾呢個世界不嬲都係達者為先
我淨係知道我可以用九記個 apps 睇時間
用 T 定係 O？關我乜事？
我想講
我黃大仙返將軍澳坐巴士只坐A29
城巴個預報，十分鐘前寫14分到，直到架車14分到時仍然寫14分到
九巴個預報，十分鐘前寫8分鐘後到，過多2分鐘寫5分鐘後到，過多1分鐘改為7分鐘後到
結果等足15分鐘先到
作為乘客，我覺得準繩度比推出速度重要
Charon1999 發表於 2017-5-28 11:14
我想講
我黃大仙返將軍澳坐巴士只坐A29
城巴個預報，十分鐘前寫14分到，直到架車14分到時仍然寫14分到
如果大家都唔塞車，車速正常，城巴同九巴都係差不多準確
但如果塞車，九巴會出現塞車未到站而寫到達/離開，有時就會寫行車受阻@
而假設城巴原本預計5分鐘後7:30分到站的車，如果塞車停左係度半個鐘，睇APP仍然係預計5分鐘後的時間，即係會變左8:00分
Charon1999 發表於 2017-5-28 11:14
我想講
我黃大仙返將軍澳坐巴士只坐A29
城巴個預報，十分鐘前寫14分到，直到架車14分到時仍然寫14分到
大部份乘客都無得用
任你 internal 幾準又有咩用？
3ASV174 發表於 2017-5-28 02:00
就算九巴幾早開始做前期工作，
都唔會早過新巴城巴，因為人地由搞報站開始目標已經係自動化，所以一路目 ...
現在老人家都用無限4G，Wifi有幾多人需要？心照啦
唔加價就可以冇服務？基本上大把在職人士寧可俾多幾幾蚊換取快捷可靠的服務
你睇下南港島線開左後，有幾多人棄新城投港鐵就知啦;P
學樓上師兄講，乘客淨係知道可以用APP查171幾時有車，而新城冇:sleepy:
Charon1999 發表於 2017-5-28 11:14
我想講
我黃大仙返將軍澳坐巴士只坐A29
城巴個預報，十分鐘前寫14分到，直到架車14分到時仍然寫14分到
作為乘客，我覺得「有得用」比「準繩度」重要囉;P;P;P;P;P
3ASV174 發表於 2017-5-28 02:00
就算九巴幾早開始做前期工作，
都唔會早過新巴城巴，因為人地由搞報站開始目標已經係自動化，所以一路目 ...
10年前無法想像今日人人手持智能手機？
如果成間公司都係得前線司機同維修工，呢個辯解或者成立。
但係班管理層唔係應該有前瞻vision？
喺公司入面唔係應該有IT、IS專才提出創新理念？
承標公司入proposal唔係應該有分析未來發展需要？
系統唔係應該預留擴容空間同增加額外功能嘅兼容性？
幾乎每年賺突唔係應該有資源提早更新升級系統去做全線ETA？
到底係滿足於現狀，自詡已經比對家超前好多，
定係真係預視唔到科技發展，我諗唔係咁難判斷。
點解總係有人唔肯面對現實。