原帖由 virus 於 2006-6-8 21:13 發表
一開免費接駁，
就不是個別地方的問題了，
人有，我亦要有，
到時九鐵一日唔知要用多幾十萬來包車/做優惠，
既然馬鐵的薄利多銷月票行動都不成功，
你認為再掉錢搞區內接駁真有成果，有助增加收入嗎?
非常同意以上版友的意見，
每一個所謂的孤島區都要免費接駁，真係要幾多錢先夠？
而且，$200月票的失敗，亦証明左 D 人唔係怕馬鐵貴，
主因係怕轉車，搞接駁咪即係要轉多一次車，恐怕免費
接駁死得比 $200 月票及慘。
回想六個月前的討論，大部份版友都認為，$200月票會
打殘 81C , 87D，甚至有部份版友更為，680 , 681 , 682 等
也因馬鐵轉乘地鐵較平，會被打殘，但事與願為。
當日，有幾多版友會想到，$200 月票只吸引到 2000 人，
無人估到轉車的影響咁大。
可能某版友又話，計法是 $200 月票加免費接駁，
咁樣的話，九鐵多多錢都唔夠俾。
我明白每一個人都想錢就俾少少，著數就多多，
但現實是否能如此美好呢？
原帖由 virus 於 2006-6-8 21:13 發表
這點可以解釋，是因為馬鐵沿線如乙明等地有大量的乘客流失。
你認為由顯徑坐小巴去大圍站轉馬鐵會比一程小巴快嗎?
顯徑真是流失乘客的主要來源嗎?
只是小巴公司求生的技巧。
一開免費接駁，
就不是個別地 ...
月票搶客，目標都係搶鄰近馬鐵站既客吧，搶成點呢？大家有眼見
反而唔近馬鐵站既客，亦係最需要馬鐵既客，佢又幾時有放過在眼內，幾時有試過搶呢？
冇，可能(只係可能)佢抱著既心態就係，反正呢Ｄ地方都係交通不便，巴士小巴網絡都係唔好得去邊，
競爭對手弱，唔怕你唔來，我唔理你你都會死死地氣走過黎，但明顯事與願違，
尤其而家九巴有轉乘優惠，呢Ｄ地方既客，可以先搭一程九巴區內線去大街，轉乘九巴區外線，
雖然第一程通常最多仲要俾$0.7，但總比先俾最少$3先黎得搭得既東/馬鐵為佳，就更加唔會搭你馬鐵
至於攪免費接駁，會因轉多次車而更趕客之說，就更加荒謬，
對於唔近馬鐵既地區來講，要幫襯馬鐵，就算有冇免費接駁，都係要駁腳轉車，
關鍵係一旦開免費接駁，由住所至馬鐵站一段，費用就由最少$3減至$0，
當然你可以話與其要轉車，不如就o係屋企樓下一程巴士過，但，呢Ｄ偏離馬鐵站既地區，
通常亦同時偏離大路，巴士網絡亦是否足夠，可取代馬/東鐵呢(已經講過N次)？
就算都係要轉車，如以上所講，會透過九巴轉乘優惠，轉九巴區外線，定係轉要俾足錢既東/馬鐵？
請再看看以上美田村的例子吧
如果堅持馬鐵唔同西鐵，可以唔靠免費接駁搶客，馬鐵月票的失敗，又證明馬鐵車費合理，無需減價的話，
那麼，馬鐵是否一條根本不該出現的鐵路，只有死路一條呢？不然的話，還有甚麼搶客板斧？
[ 本帖最後由 mckhgc 於 2006-6-8 23:54 編輯 ]
原帖由 hkmodel 於 2006-6-8 13:27 發表
當 $200 月票都無人買的時候，証實到一樣野，
是那些曾話馬鐵貴，引致無人撘的言論，
不攻自破。
另外，如取消 $200 月票，是否應讓那些連續 6 個月都用 $200 月
票的乘客，轉投 $300 月票呢 ?
否則 $20 ...
當年出$200月票時唔係話過
以前買開東鐵月票既可以用番$300 買番東鐵月票既咩?
死啦...咁真係...:'(
我依家用馬鐵一個月用$270...用票只慳到70蚊....
原帖由 virus 於 2006-6-9 02:05 發表
你有一個假設是本人不表苟同的，
就是遠離馬鐵車站的區域比接近馬鐵站的區域，
對外非鐵路交通網絡差，以及更需要馬鐵。
無可否認其他競爭對手是會加強馬鐵站附近或與馬鐵相類似的服務，
唔，似乎問題總是在原地打轉呢，我再說一次吧
小弟唔熟馬鞍山，恕我唔講喇，但沙田黎講，呢點確係事實，近馬鐵站既村，例如新翠、秦石、乙明沙角博康、一城愉翠等，非鐵路交通網絡，明顯比偏離馬鐵站的顯徑、美田、新田圍、廣源等等更為完善，相信閣下不會反對吧！後者屋村中，除廣源外，全部無去到旺角以南既全日服務(81去唔去美田仲係未知，至於新田圍架70 ，有等如冇，唔好玩啦)，美田及新田圍更係連去馬鞍山都冇。
我做一個比較，先不談九巴轉乘優惠及鐵路交通，新翠、秦石對比顯徑、新田圍，去尖沙咀，前者有81C，後兩者得個吉；去旺角，前者有81C,87A,87B，後者只有87B，新田圍居民仲要飽受遊花園之苦；去馬鞍山，前者有81C,86C,綠小803，後者顯徑只有803，新田圍又係得個吉。
可能閣下會認為，冇免費車佢地都會自己俾駁腳費or山長水遠行去馬/東鐵站進貢田生，唔怕你唔來，使鬼俾免費接駁你，我再講一次
，九巴未有轉乘優惠前，你咁講都可以算o岩，但而家九巴有咁多轉乘優惠，雖然未至於可以完全取代東/馬鐵，但又是否一定要幫襯
你田生？
九巴反而知道呢點，九巴早前新增了88K<>81C及81K<>81C,87A的轉乘優惠，個人估計(只係個人估計，可能係錯)就係因為87A,81C部
份客源被馬鐵搶去(尤其未有馬鐵前，幾多馬鞍山去大圍既學生，都要焗俾81C全費 ，而家九巴明顯冇得再o係呢度謀取暴利)，唯有
開托顯徑、新田圍、穗禾等較遠離東/馬鐵既地區既客源，再講一次，請注意呢Ｄ地方都係冇全日車去旺角以南，後兩者更係冇任何車去馬鞍山。以前未有馬鐵，九巴確係生意唔憂做，唔怕你唔來。但而家馬鐵開左，唔俾轉乘優惠的話，俾你係呢Ｄ屋村既居民，山長水遠行一大餐或俾$3-4.2駁腳費去到大街兼東/馬鐵站(秦石、大圍等)，仲係咪只有九巴一個選擇呢？唔係，但如果選擇九巴的話，由於轉乘優惠，之前一程$3-4.2既駁腳費，可以變成$0.2-$0.7，但幫襯田生就繼續要全部full pay，你會點選擇？
轉乘優惠，其實亦係對孤島區居民免除駁腳費的一種方式，雖然未至於完全免費，但在只有俾足$3-4.2幫襯田生同只俾$0.2-$0.7繼
續幫襯九巴既兩個選擇下，你會點揀呢？反而如果九鐵又有轉乘優惠，駁腳費又係只收幾毫甚至全免，雖然未至於一定要幫襯佢，但
機會率絕對遠比冇為多。
你經常說偏遠區域需要接駁，是一個重大的潛在客源，
但我想問，這些地區的乘客目的地主要是那裡?
美田/顯徑出九龍?一早已坐火車了。
入馬鞍山/沙田區內?當鐵路車資都只是幾元的時候，
扣除要包車的最少三幾元成本，多搶一個乘客又有甚麼價值?
假設九鐵幫顯徑、新田圍、美田既接駁客full pay架綠小去大圍站或車公廟站，俾盡你$3，
而就算呢班客個個都只係搭一個站$3.2，咁只有兩個可能：
1.現有班次足夠應付的話，九鐵無須再增加成本，已經拉多每個最少賺到$0.2既客，當然現實絕不只此數，呢班客冇可能全部只搭一
個站，雖然賺得唔算多，但總好過繼續咁樣拍烏蠅
2.如果因為多左呢批客後，客量會大幅暴升，由客量不足變成班班頂閘，要加卡加班應付，咁就更加證明，呢Ｄ地方有免費接駁的話
，就簡直係一個金礦
不是馬鐵可以唔靠免費接駁搶客，
而是經濟上不可行。
西鐵本身在大西北有輕鐵和巴士這一個沈重負擔，
如果加市區接駁係可以令大西北以致整個西鐵網絡更有效運用，
但問題是馬鐵本身的市場已較西鐵少，
而且馬鐵跟地鐵將軍澳線一樣，
本身有一定數目的乘客係原本的鐵路乘客，
講真要坐鐵路的，一早已駁車去坐東鐵，
當舊有東鐵客+新吸納的鄰近鐵路乘客都不及指標一半的時候，
有誰人可以確保那些「偏遠地區」在免費接駁下會生金蛋?
你可以想像到以小巴95K包一日五萬計，
再去用一一線/轉乘優惠，
要用多少錢?
馬鐵每天十萬人左右，假設一人$10,一人$5，
都只是幾十萬的收益，又包幾條線，
倒不如維持現狀就算了，
除非那些「偏區新客」人人坐頭等，每程好似西鐵客出九龍一樣十幾元一程。
「要坐鐵路的，一早已駁車去坐東鐵」，呢樣野我不敢苟同，原因上面九巴轉乘優惠一段已經講左，唔再重覆了。
如果照閣下理論，我相信馬鐵和將線都無須建造了，
反正要搭鐵路的，都會俾錢駁車去城河西搭東鐵/去觀塘搭觀塘線，起左呢兩條鐵路，都只係吸返原有既鐵路客，
咁起黎做乜？是嗎？
馬鐵的問題不只是區內接駁般簡單，
在市區乘客又會覺得麻煩，
唯一解決的方法，是早日直出市區。
否則主要搶到的，大概只是從前坐九巴87K去大學轉東鐵的一類乘客。
如果馬鐵同81C,87D,681鬥，馬鐵唯一失敗原因係轉車問題的話，咁我好肯定話你知，
就算直出市區亦一樣冇用
馬鐵直出市區既方式，有東鐵過海的烏屯線方案同馬鐵過海既烏中線方案，相信大家都滾瓜爛熟，我唔講了，
問題係不論邊個方案，同81C,87D,681比，都係一樣要轉車。
假設東鐵過海，你搭馬鐵要過海又係一樣要轉車(在紅磡或大圍)，照閣下理論，一樣鬥唔嬴唔使轉既681，
雖然咁樣的話，馬鐵去到尖東，係可以搶到81C,87D去尖沙咀既客，但過海呢？去油旺呢？
相反如果馬鐵過海，或者真係可以打殘681，但去油尖旺又係要轉車，點打得贏81C,87D呢？
除非兩鐵合併後，馬鐵出到九龍就直踩入荃灣線，太子至中環一段變成馬鐵部份或一班荃灣線一班馬鐵，
咁至可以o係唔使轉車下，同81C,87D,681重疊，將佢地既客搶晒過黎，但你話有可能嗎？
最後一句，如果馬鐵收費冇問題，唔做Ｄ野「立」埋唔近馬鐵站既地方既客就叫合理，拍烏蠅全部係因為轉車問題的話，咁就算直出市區兼同地鐵合併埋都一樣冇用
[ 本帖最後由 mckhgc 於 2006-6-9 19:28 編輯 ]
所以點解我一早話沙中線應該由馬鐵過海, 不應用東鐵過海,
就係針對馬鞍山居民不喜歡轉車的習慣, 而東鐵乘客老早
已經習慣轉車這一點 !
如果沙中線起好,
小弟深愛的九巴85C可能會摺:'(
[ 本帖最後由 daiteioh 於 2006-6-9 19:27 編輯 ]
原帖由 shinobu 於 2006-6-9 12:16 發表
當年出$200月票時唔係話過
以前買開東鐵月票既可以用番$300 買番東鐵月票既咩?
死啦...咁真係...:'(
我依家用馬鐵一個月用$270...用票只慳到70蚊....
其實當馬鐵全月通推出至現在，東鐵全月通$300優惠價轉馬鐵全月通，當
下月欲轉回東鐵全月通時，仍可以$300優惠價購買。
所以不受影響。
原帖由 virus 於 2006-6-9 02:05 發表
馬鐵的問題不只是區內接駁般簡單，
在市區乘客又會覺得麻煩，
唯一解決的方法，是早日直出市區。
否則主要搶到的，大概只是從前坐九巴87K去大學轉東鐵的一類乘客。
完全認同。
所以小弟覺得馬鐵一日不出市區，一日都唔會夠客，
記得馬鐵通車前，不同機構的調查都指出馬鞍山居民不願馬鐵只到大圍，
如果要左轉右轉，寧願搭回原先的巴士好過，
問下 d 馬鞍山居民，佢地唔搭馬鐵都係因為唔想左轉右轉，
現在馬鐵的客量只是反應了這個問題，
所以唯一出路只有出市區才有望客量上升。
小弟住馬鞍山，近日和同是住在馬鞍山的朋友搭馬鐵轉車出港島區，
我地都話是被全月通吸引，如果唔係全月通，
肯定會搭 681 好過，大概可以想像 7 月開始馬鐵的客量會如何。
上面板友提到轉車的問題，但我認為無論是「烏紅線」還是「烏中線」，
起碼已經轉少一次車，馬鐵直接轉地鐵比馬鐵 - 東鐵 - 地鐵的吸引力已大大提高，
而且搭馬鐵一程車已經出到鑽石山，
更可以搶到觀塘線一帶 (原 85C, 86C, 89C, 89D )的乘客，
話就話巴士始終係一程車，但出了市區的馬鐵已經多了籌碼，
絕對有能力去同巴士搶客。
原帖由 mckhgc 於 2006-6-9 12:31 發表
假設九鐵幫顯徑、新田圍、美田既接駁客full pay架綠小去大圍站或車公廟站，俾盡你$3，
而就算呢班客個個都只係搭一個站$3.2，咁只有兩個可能：
1.現有班次足夠應付的話，九鐵無須再增加成本，已經拉多每個最少賺到$0.2既客，當然現實絕不只此數，呢班客冇可能全部只搭一
個站，雖然賺得唔算多，但總好過繼續咁樣拍烏蠅
2.如果因為多左呢批客後，客量會大幅暴升，由客量不足變成班班頂閘，要加卡加班應付，咁就更加證明，呢Ｄ地方有免費接駁的話
，就簡直係一個金礦
閣下的理論有一個原則性的錯誤，
假設顯徑及美田原本自行付接駁費到大圍站撘馬鐵的人數為 100 人，
以馬鐵最低收費 $3.2 計算，九鐵總收入為 $320
當九鐵會付 $3 免費接駁的話，呢原本的 100 人好順理成章會乘免費接駁，
九鐵的收入會變成 $0.2 * 100人 = $20
如要等如以前的收入的話，那需要多出的人數為 $300 / $0.2 = 1500 人
乘車人數需要係以前的 15 倍，先可以打個和。
即使以最高收費 $5.8 計算，同以 100 人計算，原收入為 $580，
九鐵免費接駁後的收入為 $2.8 * 100人 = $280
如收入亦要等於之前的話，$300 / 2.8 = 107 人
乘車人數亦需要比以前多 1 倍，收入才能打和。
在 $200 月票的平價吸引下，先吸引多 4% [註一] 的乘客，
好難要人相信免費接駁可吸引多 1 倍人，
誰人會願意用咁既數據去開免費接駁呢？
換轉你做九鐵高層，又會否拿這些數據同老細講，開免費接駁呢？
[註一] 馬鐵每日人次為 100,000 ，即 50,000人。
以新聞稿指出月票多了 2,000 人，即 2000 / 50000 * 100% = 4%
呢 100 人會