西九小確幸 發表於 2018-4-5 18:47
之所以建議改回紅隧線，成本效益乃一考慮因素，眼見條線非繁吉車遊街卻繼續燒錢，才看看能否在保留現有港 ...
無解決到樓主認為最為人垢病既車程問題，反而更加惡化
既然認為車程長係趕客原因，為何又相信車程加長下都可以吸客？:o
groom1002 發表於 2018-4-5 11:32
914往港島,停怡和大廈後改為沿914X,經政府總部,灣仔北直到天后站。回程學A11停百德新街-皇后街 ...
絕對認同上繁保留914P/X（最好全部變曬P添:lol）；至於回程不明甚解：怡和街後要去到杜老誌道先有得右轉出告士打道喎……
本帖最後由 paul2357paul 於 2018-4-5 19:49 編輯
西九小確幸 發表於 2018-4-5 08:47
所謂復活其實只是重用114編號，而非直接恢復舊時走線；新114從海麗至渡船街後將取道佐敦道、加士居道、紅 ...
關富榮咩事？富榮是在大角咀南部海泓道沿線。
而仲有一個新屋苑都只是在欣翔道沿線。
但擺明宜家914南行最累事既地方係無無謂謂要兜多個渡船街南段但事實上吸引唔到幾多保巴客既無謂獨市位，
又偏偏因而隨時受廣東道佐敦段塞車而嚴重阻時間，
連大角咀客都嫌搭914過海太慢。
而97_系又偏偏可以唔駛為果段渡船街南段著墨。
本帖最後由 西九小確幸 於 2018-4-6 00:54 編輯
groom1002 發表於 2018-4-5 15:48
914往港島可由渡船街右轉佐敦道,再經D1A路支路上西隧,無需兜圈
查實呢個都係一直想問嘅問題，嗰個位又唔係唔俾右轉，除咗要cut三條線之外真係諗唔到有咩問題
FYR: https://goo.gl/maps/zV3841HfGJF2
本帖最後由 西九小確幸 於 2018-4-7 22:46 編輯
tunghang 發表於 2018-4-5 19:36
無解決到樓主認為最為人垢病既車程問題，反而更加惡化
既然認為車程長係趕客原因，為何又相信車程加長下 ...
的確，冗長車程係趕客嘅主因，但並不能一概而論，應該分析一下客源問題。現時914主要提供深水埗西／大角咀／柯士甸＜＞中環／灣仔／銅鑼灣嘅服務，當中深水埗西＜＞中環完全被701/702+東涌綫比下去；大角咀＜＞中環因距離港鐵站較遠，轉乘小巴（海泓道43M；大角咀道70/70A）又有欠便利，都叫做未死得曬；柯士甸＜＞中環文華新村後面已有有蓋嘅天橋全天候送你去Elements，就算巴膠都唔會用多成三四個字搭啦！所以趕客都要睇趕咗啲咩客，中環嗰啲就真係算吧啦，留得翻尾站已經要謝天謝地（本來諗過直接縮去金鐘［西］:lol）
新114將來往深水埗西／大角咀／柯士甸／佐敦＜＞銅鑼灣／灣仔／中環，無疑會令整體車程增加，但若能填補現時未能提供的服務，也許是吸納新客的方法。例如深水埗西＜＞銅鑼灣／灣仔需要三重轉乘（701/702+西鐵+101/111/112/116）；大角咀＜＞銅鑼灣／灣仔就更麻煩（海泓道都叫有78小巴去Grand Austin；大角咀道就仲大劑，得70/70A小巴過奧海城去南昌轉西鐵）；柯士甸＜＞銅鑼灣／灣仔似乎就最方便，但都要轉多程隧巴；即使紅中綫（甚至北港島綫）通車後也要多次轉車（紅磡、金鐘［上下兩三層］／會展），未見便利。再者，新增路段並非毫無意義，如佐敦一直係彌敦紅隧線嘅盲點，去銅鑼灣／灣仔就只能保鐵，但依家金鐘轉車咩情況應該唔洗多講，隨時過緊紅隧都未仲上到車，只要喺志和街整翻個預計到達時間（唔會等到夠鐘先開嘅定時點）並標明「直達天后、銅鑼灣 最快只需20分鐘」，紅轉個站就咁丟佢喺行政大樓出邊（115/182個站）費事俾裏邊啲車塞鬼住曬，相信就能吸引到唔想逼沙甸嘅過海客。
本帖最後由 西九小確幸 於 2018-4-6 04:22 編輯
paul2357paul 發表於 2018-4-5 19:41
關富榮咩事？富榮是在大角咀南部海泓道沿線。
而仲有一個新屋苑都只是在欣翔道沿線。
但擺明宜家914南行最 ...
其實又真係唔關架，講出黎純粹係考古，但點解南行要經渡船街就真係無從稽考，可能只係因為懶諗走線，富榮後有路翻到佐敦道原線就算（嗰陣應該冇咁多山頭主義:lol）btw當年真係寫for富榮：http://web.archive.org/web/20020 ... news_id=434&yr=1999
而欣翔道個御Ｘ國峰其實只不過係近5年前嘅事遮，見橫掂經開咪加個站囉
至於廣東道個圈聲稱係拜膠鐵所賜，不過正如前post話齋，完全唔明點解唔直接右轉佐敦道跟97_系咁行
最後都係嗰句，想飛走渡船街？問過鼠黨走狗（少棠兄）未:lol
AtrHenu 發表於 2018-4-4 07:01
914的確係九巴聯營隧道線啲蝕錢路線之一,但未必係最蝕的條.
因為部份客量偏低的隧巴而隧道費又貴的路 ...
少少離題觀柴搭606 搭到2046 都未到
本帖最後由 tunghang 於 2018-4-6 16:19 編輯
西九小確幸 發表於 2018-4-6 00:43
的確，冗長車程係趕客嘅主因，但並不能一概而論，應該分析一下客源問題。現時914主要提供深水埗西／大角咀 ...
你所講既盲點，而家914都做到，未見新線有何優勢
再者，佐敦客源既開拓，換來就係車程再加長，而車程再加長，後果就係趕客
914九龍段與東涌線有點距離，東涌線又與港島線有點距離，東涌線又較疏落，你尚且認為乘客唔搭914係正常
而荃灣線直達佐敦核心，荃灣線與港島線只係對面月台之遙，荃灣線又較頻密，便利程度大勝東涌線，反而認為114吸到客，正是矛盾之處
本帖最後由 西九小確幸 於 2018-4-6 21:05 編輯
tunghang 發表於 2018-4-6 16:15
你所講既盲點，而家914都做到，未見新線有何優勢
再者，佐敦客源既開拓，換來就係車程再加長，而車程再加 ...
冇錯，荃灣綫嘅便利程度真係無容置疑，往返佐敦及灣仔區所需時間本來肯定較114短。然而，近年喺金鐘站轉港島綫可謂係惡夢，要等多N班車先上到隨時已經用咗10分鐘:lol
儘管114行車時間會較趕鐵長至少5分鐘，直達天后、銅鑼灣仍是賣點之一，因此唔排除114會從趕鐵獲得一定數量嘅過海客。
西九小確幸 發表於 2018-4-6 20:05
冇錯，荃灣綫嘅便利程度真係無容置疑，往返佐敦及灣仔區所需時間本來肯定較114短。然而，近年喺金鐘站轉港 ...
中環站轉車係咪真係差?
仲有,
如果話你知110紅隧去尖沙咀可以行兩個鐘四個字仲要一個幾鐘係佐敦道郁都唔郁既話我就唔知道究竟114好定914好啦...