053h4 發表於 2018-5-30 21:28
你引述個教授話8成居民支持活化元朗明渠，你咪問下環保人仕支唔支持加渠蓋lor
重有，偷位起天橋同活化無 ...
邊度嚟個環保人士反對加渠蓋先？
環保人士一直反對嘅係元朗明渠起天橋
暗渠一直都冇詳細討論
何來有人出嚟反對或支持？
嗰個調查只不過係講師
唔係教授
另外係嗰時未講元朗天橋要成十七億
亦都冇講過輕鐵改行朗屏
咁係咪應該再重新研究要天橋、暗渠同活化方案呢？
環保人士一定唔會要天橋
相反冚明渠有幾唔環保啊？
既解決環保人士嘅通風問題
又可以滿足地區人士增加休憩空間及改善南北交通
活化明渠就解決到天橋問題嗎？
朱議員有冇提過活化明渠？
區議員有冇提過活化明渠？
冇人提過活化明渠
得個調查話支持活化明渠
一個團體嘅調查就可以直接活化明渠
會唔會咁兒戲啊？
你咁like 環保人士
你應該先支持朱議員反對起天橋長城
拉倒天橋方案後再討論暗渠或者活化明渠方案
唔係喺另一個post鬧環保人士阻住政府起天橋
呢頭又自己搵啲環保人士話要活化明渠
你成日搬龍門
又成日冇睇資料冇睇文件冇自己研究去虛構一大堆理由去批評你想批評嘅嘢
我真係唔識點樣同你認真討論
053h4 發表於 2018-5-30 22:00
前面#16已經指出有"環保人仕" 話要活化明渠
而你自己都已經指出有學者要求做活化
而佢做的調查訪問居民話8 ...
我問咗你邊個環保人士要活化元朗明渠幾次
你冇答過我
環保人士要求活化明渠唔代表反對暗渠
暗渠上面有休憩公園、行人通道
改善居民生活環境都可以接受
如果加埋輕鐵路軌及改大馬路嘅步行環境
我睇唔到有咩環保人士非活化明渠不可
佐敦谷明渠覆蓋都冇環保人士反對
環保人士重視通風同保留原始河道
活化明渠點整都係假嘢
環保人士才不會執著條渠活唔活化
改善城市環境及避免環境問題惡化才是核心問題
環保人士唔會話一定要活化明渠先支持
但元朗明渠起天橋環保人士一定反對
除非你講得出環保人士非活化明渠不可嘅出處
咁我就同你繼續討論
053h4 發表於 2018-5-30 23:14
你上網睇下資料，元朗明渠係政府做到變假野，定原本係天然河道啦，環保人仕有介紹過，重強調佢原名叫山貝 ...
你都係冇答我問題
活化明渠係無法還原原本嘅河道生態
元朗明渠市中心段仲駁住唔少渠
無可能變返自然河道
呢啲專業環保人士都唔會理解唔到
掛住名叫環保人士就可以乜都合理？
你既然支持冚渠嘅話
就等其他真正嘅環保人士回應暗渠起輕鐵取代天橋方案
唔好自己扮
053h4 發表於 2018-5-30 23:29
https://hk.lifestyle.appledaily. ... e/20150910/19288816
根據2011年人口普查，元朗區人口約60萬人，為 ...
你反對立法會通過天橋方案先好嗎？
然後同環保人士研究點樣活化明渠之餘又解決行人南北向嘅通達性好嗎？
我都支持活化明渠㗎
元朗公路以南做到我就收貨了
你唔收貨嘅話請與地區人士討論天橋替代方案
同我討論係冇結果嘅
結論係你同我都係反對起天橋就得啦
我淨係講四個箱形暗渠改一個做返明渠活化都仲得啊
反正廿米都夠起輕鐵路軌同月台
係啲居民想揀條假活化水渠定真休憩公園囉
053h4 發表於 2018-5-30 23:40
我支持天橋或封渠比行人行
夠清楚未啊？
既然你自己本身都仲支持天橋就自己諗下點回應環保人士好嗎？
依家你只不過係不停問我答案咁
你自己都冇以你自己嘅立場去諗點回應
就唔好扮環保人士問我好嗎？
呢啲根本唔係討論
山貝河要完全無遮擋可以啊
環保人士話拆咗朗屏站同元朗公路就更完美
你支持天橋嘅又點回應呢？