Charon1999 發表於 2018-6-24 09:00
每次見到呢啲咁嘅題目都好多笑話
永遠有幾個住南區又或者北角嘅人，分別好懷念當年中巴完全唔用公路嘅作風 ...
點解一定要宏觀?
做得唔好就要插係非常合理
kay 發表於 2018-6-24 10:31
點解一定要宏觀?
做得唔好就要插係非常合理
插同借題發揮
咁大個人，自已識分啦
中巴當時每次專利權都係兩年、三年咁批，投資買新車回報期就要長達18年，根本就係政府迫中巴專行做地產。如果當時政府係有心協助中巴改善服務的話，應該係協議一個較長嘅專利權（如10年），但就訂明要喺頭3年內買幾多架新車（如400架），又或幾多年內要將平均車齡降到咩水平。但政府只會削線，唔去協助中巴改善服務，明顯係具針對性只想取代中巴。
arhang2001 發表於 2018-6-19 21:49
我有日搭290, 個司機著條牛仔褲戴頂cap帽加副太陽眼鏡,我以為呢位師兄放假兼兩轉, 當然係無名牌
另外藍 ...
你講既野對面海一早已經習以為常……
戴超開工其實有乜問題？揸車有時食正陽光反光，無副超隔一隔睇唔到路仲危險……
阿偉 發表於 2018-6-18 23:21
三間巴士合併算數
俾埋龜記搞好唔好？巴鐵任轉正呀喂！
又想整多隻怪獸出黎食人唔骨？
一係好似新加坡咁全部巴士公司收歸政府
本帖最後由 3ASV174 於 2018-7-8 19:45 編輯
PB602 發表於 2018-6-24 11:39
中巴當時每次專利權都係兩年、三年咁批，投資買新車回報期就要長達18年，根本就係政府迫中巴專行做地產。如 ...
呢樣野係互為因果，
中巴就係表現唔得先會短期短期咁批專營權，政府明知佢表現差，點敢大手批十年八年俾佢？
政府最後既絕招，
就係靠鍊住個專營權逼佢逐步改善服務，大手推左長期出去，佢中間玩野，政府係幾乎吹佢唔漲。
最重要係，當年中巴都唔見得合作，批末代冷馬只係做樣，佢根本唔覺得政府真係會收佢專營權。
驚佢就唔會試政府底線，串到過期唔續專營權諗住大政府，需知道港島無左一間專營巴士公司服務係大件事，但佢無諗過你敢黎佢敢去，如果政府放生中巴，就以後都無佢符，結果政府真係收佢專營權，然後就有新巴。
當年黎講，政府舖路養大城巴，目的就係要令自己有籌碼同中巴 show hand，證明係成功。
但今時今日既官同當年係唔同質素，唔會舖呢條路，就算九巴玩野走中巴舊路，政府係無條件同佢講和，只會俾人食住。
除非有紅色資本有心買起呢個範疇，今日既政府同保皇派就可能會不惜一切配合既。
當年中巴既服務差，係講緊木板凳背，唔肯裝八達通，甩班唔係無車無人，係班司傅o係站頭賭緊啤唔出車喎，
今日邊間公司衰，都未衰到呢個程度。好似收費機呢 d 問題，你驚佢裝多部機俾人磨電話過 QR code 好過。