ahken 發表於 2018-8-6 21:29
得罪都要講句, 成日都話北角朝早冇事塞多一個半個完全冇問題果堆人真係唔知咩心態(先不論出發點), 更加唔 ...
坦白講，692P咁嘅客量，比以前692仲差
692以前見都可以維持半滿上清風橋去銅鑼灣，放工去到北角坐得滿，有時無位坐，但692P就…無眼睇
巴士公司亦擺明唔想要，搬去坑口純粹敷衍議員，留嚟都幫唔到手清客
但北角轉車站朝早的確有嚴重擠塞問題，而且係沒有最差，將軍澳仍有可觀人口增加，日出入咗伙嘅樓數三分一都應該無，將南亦有唔少樓未起好，之後由將北到百勝角都有公屋要起
增加人口仍然係大量去中環灣仔返工，北角以西人流只會愈來愈多，線就得一條，搭回頭車去到邊調頭都無用
北港島線未有耐起好前，呢個樽頸只會愈滾愈大，已經超過局長話「等多班」，係等多幾班，喺地底塞人都塞兩三個字，將鐵路運輸準時嘅優點大幅減低
053h4 發表於 2018-8-7 08:45
舒緩北角轉車站擠迫，最快見效就係係遠離地鐵站的地區開巴士出港島北，即安達開全日線
而唔可能要求乘客 ...
同意，將軍澳搭地鐵就算塞人，時間仍然比692P化算，特別用都會票單程只需10蚊零幾毫，692P價位都輸埋
但將軍澳多人搭鐵，塞爆北角，就害苦東九過海客
東九客即使係觀線沿線，已經要喺油塘轉多一次車，有不少更係山上客，要另外課金搭駁腳
幾經辛苦去到北角，卻要塞人，準時優點大幅減少
與其塞人，不如開快線巴士，希望喺灣仔繞道通車後，可以有東九過海線加以善用，疏導人流，對將軍澳鐵路客都有益
HV7025 發表於 2018-8-7 08:59
同意，將軍澳搭地鐵就算塞人，時間仍然比692P化算，特別用都會票單程只需10蚊零幾毫，692P價位都輸埋
但 ...
好彩觀塘唔似將軍澳，過海接近係港鐵獨市，可以搭巴士過海。:lol
ctb8107 發表於 2018-8-7 00:17
呢度太多非使用者講埋哂啲離地三萬尺既野，同香港政府一樣
因為如果我朝早要搭地鐵我寧願喺炮台山坐倒頭車去北角甚至QB坐返轉頭...所以我係好唔鐘意搭地鐵的, 因為炮台山想上到車真係要等運到(當然到咗朝早9點9後都會好番啲)
心繫香港 發表於 2018-8-7 01:29
其實，只要 澳景路 可以畀巴士行，
全個將軍澳南ge巴士線問題，應該可以解決到一半......
...
同意, 而家只能寄望將藍隧道:dizzy:
本帖最後由 ahken 於 2018-8-7 17:11 編輯
053h4 發表於 2018-8-7 17:03
你咁講，似乎代表你平時唔係坐港鐵wor
炮台山有人落會吉番多少位之餘，無理由會去北角掛？北角唔係同層轉 ...
老實講我真係唔多搭地鐵的, 去QB轉倒頭都只係一次咁大把, 原因都唔需要多講
而喺北角轉倒頭都唔見得好過QB好多, 因為同樣係逼鬥逼, 只不過係可以搏吉車啫...
所以3年前連舊18都冇埋其實真係好火滾(明顯想人硬上619/690俾多啲錢...但唔好意思, 而家有九巴月票我就偏係只上呢兩架, 加埋671又點話?)
差在我未忍唔住一齊渣車出嚟大家鬥塞啫老實講...:dizzy:
P.S. 見你edit過POST我都補充下, 正如我上面所講, 去北角主要都係搏吉車, 否則意義的確不大 (炮台山有冇人落要等運到vs可否即時上到北角吉車)
所以唔鐘意等運到嘅本人, 真心唔鐘意搭地鐵, 最重要係我都唔係喺地鐵十五分鐘步行範圍內...
692p最終變成點我唔知 但經過今日陳帆既大爆料之後 只要任何改動叫班客推落條“做假“既港鐵 區議會應該會插到運吉飛起;P