cky 發表於 2018-8-5 18:04
北角站冇金鐘咁恐佈，第一班上唔到都好，第二班通常都上到，講到一取消 692P 就會令地鐵會癱瘓咁實在言過其 ...
放工就係
返工肯肯定唔止等2班車
一句唔該嗰日冇吉車喺北角開的話
等6/ 7班車都不是夢
利申: 日日搭港鐵出入將軍澳同金鐘
cky 發表於 2018-8-5 18:04
北角站冇金鐘咁恐佈，第一班上唔到都好，第二班通常都上到，講到一取消 692P 就會令地鐵會癱瘓咁實在言過其 ...
我由黃大仙搭地鐵返炮台山，朝早我係選擇行金鐘過的，包括而家打呢篇文其間
行油塘北角正常係快5分鐘，但時間非常不穩定
北角起載特車正常至少兩架，出晒嘅話2-3班內上到，但只要某日出少一架，北角要得四班或以上先上到
而呢個只係車務調動，無任何服務受阻報告，預多15分鐘車程buffer都可以眼白白無晒
如果響埋故障報告，遲半個鐘閒閒地啦
相反，金鐘朝早去柴灣方向，以我搭咗咁多年，正常第一班已經上到，就算多人啲嘅時間，第二班乜都上到
即使試過朝早響咪報港島線、荃灣線服務延誤，但我照行金鐘過，都可以喺自己預多嘅15分鐘buffer內返到，喺故障下仍然比行北角可靠
至於放工時間，北角的確比金鐘順暢得多，因為放工多人去油尖旺
但金鐘係咪咁恐怖？影出來視覺效果係
但喺無響咪報故障嘅情況下，去荃灣車頭上車，大部分情況下2-3班內係上到
比起朝早北角行邊隻門都可以3班上唔到，我覺得北角較恐怖
ctb8107 發表於 2018-8-5 16:12
我想講而家朝早將軍澳綫已經嚴重超負荷，成日上唔到車，唔加密仲要倒200人落黎，真係「1個都不能多」囉！ ...
將軍澳線幾爆都唔夠港島線爆，而家早繁喺油塘通常第一班車已經上到，北角呢? 冇個3班吉車真係唔使旨意上到車
10598C 發表於 2018-8-5 17:22
不如你叫將軍澳唔好起樓，或者炸左一條邨去仲實際
條692P同地鐵冇競爭力，開嚟都係冇人搭，根本冇辦法疏 ...
每日倒 150 蝗蟲落黎，蛇都死啦
HV7025 發表於 2018-8-6 08:37
我由黃大仙搭地鐵返炮台山，朝早我係選擇行金鐘過的，包括而家打呢篇文其間
行油塘北角正常係快5分鐘， ...
得罪都要講句, 成日都話北角朝早冇事塞多一個半個完全冇問題果堆人真係唔知咩心態(先不論出發點), 更加唔好唔記得如果連北角都上唔到車, 叫炮台山點算? 或者單純啲講, 我會認為佢地離咗地了, 未親身試過"逼"住嚟"被推上車"果種感覺
如在藍田隧道落成前要救 692P, 改坑口開, 到調景嶺後, 行澳景路 (運吉強烈要求發展商開綠燈), 碧雲道, 高超道 (聖安當女書院一段), 鯉魚門道西行, 加停舊灣仔警署, 可以嗎?
呢度太多非使用者講埋哂啲離地三萬尺既野，同香港政府一樣
cky 發表於 2018-8-5 18:04
北角站冇金鐘咁恐佈，第一班上唔到都好，第二班通常都上到，講到一取消 692P 就會令地鐵會癱瘓咁實在言過其 ...
地下鐵每班/每個站ge客量數據 我就無啦，不過呢，我自己試過八月(話晒學校假期，應該少人至啱嘛)上繁去北角站轉車，
日日都幾乎等咗6班車先上到(仲要係吉車先上到)，而最多人果日係足足等咗8班車......
所以「癱瘓」係未必ge，但係「超負荷」就擺明啦
PC2625 發表於 2018-8-6 22:18
如在藍田隧道落成前要救 692P, 改坑口開, 到調景嶺後, 行澳景路 (運吉強烈要求發展商開綠燈), 碧雲道, 高超 ...
其實，只要 澳景路 可以畀巴士行，
全個將軍澳南ge巴士線問題，應該可以解決到一半......
PB602 發表於 2018-8-5 17:50
反正得幾班車，不如轉營搏一搏：坑口開跟91M去清水灣道（不入科大），然後入安泰跟613去藍田，然後啟田道落 ...
我覺得咁樣係會夠客量開線，不過變相「用將軍澳資源服務安達臣」，好難過西貢區議會wo...... (雖然服務清水灣道一帶，但係始終不及山下)
而如果咁開，坑口段應該會繼續載空，因為
坑口：跟91M去清水灣道，然後安秀道屈翻落安達臣，先再落藍田，仲要落啟田 --> 慢過去觀塘/藍田/油塘轉乘、慢過地下鐵、慢過296M轉690
打鼓嶺新村前(科大~坑口道)：同樣要逆兜去安達臣+安秀道+藍田+啟田先過到海 --> 倒不如11小巴/91M落坑口/寶林轉地下鐵/690
清水灣道一帶(打鼓嶺新村~龍窩村)：獨市位，行安秀道、同落山下轉乘其實差別不大 --> 客量估計OK
安秀道/藍田/啟田：快、直接 --> 客量相信高企
總結：變相「用將軍澳資源服務安達臣」，難以用692P換開此路線，而此路線大可以改為科大開，以免浪費資源