ctb234 發表於 2018-12-19 17:08
E23望到已經唔開胃,而家仲要整條E23A,搭飛機臺灣都到喇!
黃色雜誌做路線規劃果班係咪巴膠黎?
咁鐘頭將啲巴 ...
你個推論有問題，唔該全部倒反轉諗一次
如果依家東涌北要多一條對外嘅路線，可以揀開一條新嘅路線，亦都可以喺現有路線做改動。
開一條新嘅路線嘅話，首先要解決用車嘅問題，其次就係市區點樣行。最好唔好同現有嘅路線重疊，但係又能夠滿足到佢哋嘅需要，而且又可以唔會搶其他路線嘅客（Both A and E）
如果要由現有路線入手嘅話，就要揀一條半身行車時間仲有少許鬆動嘅去搞。
雖然我都覺得拎E23去改唔係一件最好嘅做法，但係喺衡量以上咁多樣嘢之後，唯一可以改嘅其實都係得E23。
當然最理想嘅做法一定係將整個東涌嘅對巴士路線重新再大洗牌一次，令逸東可以有車直接出到去轉乘站、東涌北亦可以有足夠嘅路線往返市區，然後市中心又有一個正常嘅選擇，又可以繼續做每班車20人嘅東涌區內流水。我諗呢度冇人反對嘅，應該都係得哥布林會反對。
問題正正因為新城由數佬話事，所以佢只會令條數好睇，而唔係要令到個網絡好睇。住喺嗰度嘅居民只係會想要一條又平又快又密又出到佢要去嘅地方嘅路線，唔會考慮其他區；一個經濟學數佬只係會繼點樣令到公司嘅營收繼續上升；只有真係要去了解運輸學嘅人，先至會諗點樣可以令到整個區域平衡發展，而又可以各有得益，將個網絡砌好。
其實條條E線繁時都行120分鐘，非繁都90分鐘，真係好無效率囉