053h4 發表於 2018-12-17 10:55
機場客多得你唔少。
係好像用環島，中旅，廣通，永東咁幾間公司合營營辦過大橋的全日通！而家灣仔去皇江口岸都係咁營運！
要全數A車停口岸，至少做左擴建工程起多條迴旋位先講啦
要睇情況。
有啲路線本身係少人嘅，咁係要靠港珠澳救下條數，嗰啲梗係唔好搞啦黐線
咁但係有啲本身已經多人坐嘅，其實係有條件搞。例如A21、A31咁，本身已經多人，再加埋港珠澳嘅旅客其實未必應付到，其實係可以考慮開一條B分流。
不過A21旁邊仲有一條A20。當深水埗內城區開始經歷士紳化，其實A20係有條件再做大嘅。咁我會覺得將啲車放落去A20，一齊入港珠澳會好過再拆B。不過比較麻煩嘅就係如果出E車嘅話，有機會比人投訴。
咁但係荃灣嚟講，我反而就會傾向拆B30，再順便再做埋沙田，一條線接載曬要出去荃灣同沙田買嘢嘅人。因為因為荃灣同沙田冇第二條A做分流，由零開始咁就冇必要再搵條A綁住自己，尤其因為係B線，唔一定要用A車嚟做，冇車起上嚟求其搵一架你吹佢唔脹，價錢就算平少許比你，載多咗人仲要方便咗車務運作，兼且收沙田嘅價錢入荃灣，計完條數都有賺。
至於港島區大部分人應該都會繼續坐船，咁我諗A11+A12已經夠。而東九龍主要都係住宅同商業區，我諗會比較少人入嚟購物。既然都係居民為主嘅話，居民熟路就大把選擇，唔需要為佢擔心。而新界區嘅話，屯門天水圍嗰邊可以等赤鱲角連接路開通咗之後再睇下點樣先，而上水大埔嗰邊都係住宅區為主，現有嘅應該已經足夠應付。
OT：其實依家最大嘅問題都係佢哋嚟到香港最主要係一日遊，澳門嘅好處係因為細咁所以容易出到去一啲旅遊區，而香港因為相對上大，要尋找一啲遊客區係比較困難嘅，咁所以先至會令到大部分人都集中咗喺東涌，因為近。
我同意係要再改善口岸對外路線嘅。最主要係因為好多遊客未必知道有咩地方可以去，咁如果有多啲選擇，再配合埋一啲宣傳單張，比佢哋知我原來大約40分鐘左右就已經可以出到旺角、可以見到香港嘅舊樓、可以掃街、可以去購物，又或者坐30分鐘車出去荃灣原來可以體驗香港堅尼地嘅生活，又或者去一間茶樓坐低飲杯茶，甚至係坐30分鐘車可以去到荃灣海濱公園，做下文青打卡之類，咁我諗應該會有效分流到部分嘅旅客，無論對旅客、對經濟定係對東涌居民而言，都係一件好事。
但係點樣平衡口岸旅客同原有往返機場嘅人，以及點樣去拿捏同吸引佢哋呢，呢個我諗要再商討一下，亦都唔係我哋一時三刻可以做到嘅嘢。
本帖最後由 Charon1999 於 2018-12-17 13:36 編輯
053h4 發表於 2018-12-17 13:18
究竟寧願12-15分鐘一班, 機場因為行李架擺門而要留後等下班, 等多12-15分鐘
定寧願條線加班都7-8分鐘一班, ...
其實有一個好重要嘅前提冇考慮到。
港珠澳大橋啲背包客最大嘅行李就係背包，係可以放大髀嘅，最多放喺腳下面。咁但係機場旅行嘅行李係一整個行李箱。
機場客點解會嘈，除咗怕冇位坐之外，就係擔心行李架冇位比佢放。因為一直以嚟A車都係機場旅行為主。多一個人就多件行李，多10個人就會多10件行李。依家呢批旅客大部分都唔使拎行李，所以反對嘅聲音明顯係細咗。
但係個問題係，長遠嚟講，港珠澳大橋係咪真係淨係希望做即日嘅旅客呢？其實近年香港政府都好努力積極拓展過夜旅客人嘅情況之下，日後就好大機會會出現機場客最擔心嘅嘢。
再加上條例講明，行李架爆滿冇位放行李嘅話，司機係有權唔比手持大件行李嘅旅客上車。所以我會話多人嘅A車最好搵辦法分流一下，無論係好似A21咁樣搵A20分流，定係好似上面提咁額外開一條B都好，因為呢件事係不久嘅將來係有機會發生嘅。如果分流咗嘅話，就能夠令到大家都可以享用到足夠數目嘅行李㗎，唔需要擔心有呢個問題出現。
再加上A車嘅定線最主要都係經一啲住宅區又或者係酒店區，同旅客所需要嘅旅遊景點未必完全一樣，係得個別直達市中心嘅A車先至會出現酒店等於旅客區嘅狀態。咁嘅情況之下，為旅客再開辦一條直達佢哋要嘅旅遊景點嘅路線上其實某程度上係有助吸引佢哋再嚟消費。
Charon1999 發表於 2018-12-17 13:13
要睇情況。
有啲路線本身係少人嘅，咁係要靠港珠澳救下條數，嗰啲梗係唔好搞啦黐線
沙田同荃葵各自仍然有區域冇A線cover理應可以借港珠澳再拆
加大覆蓋範圍
咁做法先對本地人同旅客有得益
條A31咁
拆走綠楊至環宇一段連埋東北葵開新線
點計都好過開條B30
Snoopy@FB8617 發表於 2018-12-17 13:39
沙田同荃葵各自仍然有區域冇A線cover理應可以借港珠澳再拆
加大覆蓋範圍
咁做法先對本地人同旅客有得益
我個出發點係旅客身上。一條路線連接幾個旅遊景點，對佢哋嚟講係方便，對巴士公司而言亦抵做。
但係如果出發點落返嚟本地人身上嘅話，當然分拆多幾條A車係更加方便佢哋嘅，咁但係如果考慮埋個客嘅問題，現時淨低落嚟嘅地區係咪真係夠支持一條全日嘅A車？
如果到時一出去係荃灣幾個大型嘅商場，之後先至入去呢啲住宅區，的確係一個幾平衡嘅方案。咁但係居民又會點睇呢？尤其是佢哋會唔會面對自己唔夠人呢個現實呢....
Charon1999 發表於 2018-12-17 13:46
我個出發點係旅客身上。一條路線連接幾個旅遊景點，對佢哋嚟講係方便，對巴士公司而言亦抵做。
但係如果 ...
如果去荃灣既B30當然冇問題
但去沙田既要入荃灣轉一個圈
其實又唔見得真係吸引
就講東北葵同大圍
各自都好明顯值得有條A線啦...
以前都仲可以話得機場客未必夠做
而家多一個港珠澳幫補下
客量更加容易達標
同埋另一個重點係
港珠澳唔係單單服務遊客
同時要諗埋方便自己友出入既...