本帖最後由 ryandroid 於 2018-12-30 14:21 編輯
GM 發表於 2018-12-30 11:35
大窩西支路通負荷唔到
關華明圈乜事？
不過大窩西支路的交通流量高定
你仲要出嚟7喎
吐露港公路擴闊2012年前已經一早計劃好埋2期啦
關城規會唔通過48區改咩事？
政府2016倍增公屋單位
除咗新增粉嶺公路轉車站之外
2012同2016又有咩分別？
城規會講明「there was insufficient information in the submission to demonstrate that the rezoning would not have adverse traffic impacts to the surrounding areas」
Surrounding Area 咪就係包埋華明圈一帶囉
你估何家園居民行大窩西支路去林村先上公路啊
佢哋都要返百和路先上公路㗎
唔影響華明圈使鬼城規會ban?
仲有你估個個居民都揸車啊？
佢哋都係要入華明轉車
靠73呢條半個鐘一班就死人啦
人哋一千個私樓單位都通過唔到交通評估
政府四千個公屋單位反而通過到交通評估
原因咪就係粉嶺公路轉車站囉
2015年8月政府決定起粉嶺公路轉車站
2016年1月政府將48區改劃交上城規會
城規會喺單位倍增嘅情況下通過改劃
就係因為有粉嶺公路轉車站囉
唔係嘅話政府一早拎48區塊地去改劃啦
使等到2016先正式交上城規會申請改劃?
政府有心為北區起轉車站嘅使起蓮塘口岸連接路同擴闊粉嶺公路起到一半使嘥錢大改設計？
最重要係你估政府真係咁無聊史無前例嘥錢起個單邊轉車站？
北區仲有皇后山 粉嶺北 古洞北發展區, 等啲新發展區落成先諗起, 咁就太遲, 早啲起, 成本都低啲, 而家咪當益下附近鄉郊居民囉!
RE508@41 發表於 2018-12-30 12:22
但274本身收費太高，少＄0.2更已經去到荃灣，所以就算入轉車站都唔會太多人搭 ...
更大鑊係因為埋單價仲貴啦，
用其他轉車站線轉，幾乎咬硬$14.8
本帖最後由 miklcct 於 2018-12-30 18:00 編輯
粉嶺公路轉車站（南行）註定係垃圾轉車站！
以香港嘅環境而言，一個轉車站如果想可以令乘客願意使用，而且能夠改善營運效率，就必需符合以下大原則：
1. 喺轉車站之前嘅每一個小區，都必須有班次頻密（理想就8分鐘以內一班，唔應該超過15分鐘一班）嘅短途路線直達轉車站。所謂短途係指過轉車站之後嘅剩餘路程係短途。
2. 轉車站嘅長途路線嘅相反方向必須係短途路線，因為長途路線預計會有大量乘客喺轉車站上車，所以未到轉車站之前只能夠係短途，以免浪費載客空間。978係全港少數轉車站兩端都長途嘅路線，只係因為有足夠直達需求先開得成全日，而且班次疏落；南行轉車客主要由968應付，北行就279X。978基本上只係靠直達客，再加執嗰兩條線食唔哂嘅手尾先養得起20分鐘一班！
舉全港最成功嘅城隧做例子。東行方向，所謂短途路線即係去沙田嘅路線，長途就係去大埔同上水；西行短途就係去荃葵青，長途去屯門元朗。
城隧大部分路線都係短途路線，兩邊都係短嘅，而且班次頻密，而基本上所有城隧線覆蓋嘅區域都係由短途線覆蓋，長途線本身過隧道之前無任何獨市位（喺呢個例子入面，263東行係當短途，西行係當長途）。所以基本上由城隧東西之間來往，只要跳上一部城隧短途車，去到轉車站轉返去目的地嘅車就OK。而且城隧線絕大部分都係直達轉車站，兜路情況唔嚴重，更加吸引人搭去轉車站轉車。所以喺呢個模式之下，係唔會出現例如屯門去大埔，兩端都長嘅路線！
咁舉其它轉車站做分析：
西隧轉車站實際轉車客流其實好單一：都係新界線轉西環或南區線。因為新界線全部去中環，西環同南區線全部只到九龍。咁用返長短分析：南行方向南區線係長途，其餘短途；北行新界線係長途，其餘短途。咁兩個方向嘅客都係用短途車接駁轉車站，轉車去目的地，符合我所指嘅原則。另外，西隧線大多班次頻密，亦都有利轉車。所以喺呢個原則之下，西隧亦都唔會出現南區直達新界嘅路線！
屯門公路轉車站方面，市區方向所有去荃葵青嘅線係短線，其餘地區就長線；屯門方向53 68A係長線，其餘全部短線。
但係市區方向除咗荃葵青係短線之外，去美孚深水埗旺角嘅線亦都叫做相對短。因為短線覆蓋全面，邊度都有架M車搭，同時邊度都有架去美孚嘅線搭。真正有轉車需求嘅地區都係例如九龍東、觀塘、尖沙咀、香港島、沙田之類嘅長途地區。結果大家都肯先搭班次頻密嘅短線（荃葵同美孚兩線合埋已經叫頻密），然後轉車去市區；回程更加幾乎全部都係短線可以任上任轉！所以回程轉車站使用率更高。
咁睇下青沙。而家5條全日線，南行全部短途線，北行得270B係長途。但係除286X外全部班次疏落，鬼同你喺轉車站食風！
粉嶺轉車站南行又點？如果當去大埔沙田嘅係短途線，咁現階段只有73B係短途線！其餘全部長途線！睇埋轉車站之前路段，根本唔係好似沙田、屯門嗰啲全部直上高速，而係全部兜路（例如兜華明）而且互相重疊，咁搵鬼去轉車咩。目的地選擇方面，全日路線而言，得觀塘藍田、荃灣、尖沙咀、深水埗同香港島5個目的地，但係去呢5個長途目的地嘅巴士喺北區已經全部左兜右兜，而唔係好似屯門咁淨係服務市中心同VIP區。結果根本就無轉車需求，要快嘅客已經全部保鐵！所以結果咪等同垃圾轉車站！
ryumew 發表於 2018-12-28 09:15
不，也許要等B7開通後有佢價值（換乘去香園圍口岸）
而家呢個轉車站只係臨時性質,到起粉嶺繞道個陣又要拆過再重置
而且有幾多人會喺度轉車,要轉車我喺粉嶺/上水已經轉到啦,唔知咁早起黎做乜,連埋粉嶺繞道一齊起仲好啦
chamberlain 發表於 2018-12-30 18:01
而家呢個轉車站只係臨時性質,到起粉嶺繞道個陣又要拆過再重置
而且有幾多人會喺度轉車,要轉車我喺粉嶺/上 ...
下年起粉嶺繞道啦喎
轉車站仲有邊個位可以搬？
ryandroid 發表於 2018-12-30 19:05
下年起粉嶺繞道啦喎
轉車站仲有邊個位可以搬？
呢個轉車站的確係臨時性質，將來新轉車站既位置可以參考新界東北第一期工程文件：
https://www.districtcouncils.gov.hk/tp/doc/2016_2019/tc/committee_meetings_doc/TTC/14018/TT_2018_78.pdf
jocosben 發表於 2018-12-30 20:13
呢個轉車站的確係臨時性質，將來新轉車站既位置可以參考新界東北第一期工程文件：
https://www.districtc ...
呢個位
我年頭已經post 咗張刊憲圖則啦。。。
https://www.hkitalk.net/HKiTalk2/forum.php?mod=redirect&goto=findpost&ptid=1059602&pid=3723810
只不過係依家個轉乘站未轉用新圖則就開住先
但所謂新嘅轉車站更向西北移
粉嶺繞道根本唔夠位落轉呢個所謂新嘅轉車站
但仲有板友以為粉嶺繞道一落就經到嗰個轉車站