Toz 發表於 2019-2-14 23:15
唔好話全部人走晒, 九龍城開始有一半人轉會, 101 都唔見四成客
沙中綫通埋過海先反映。
S3BL100 發表於 2019-2-14 23:14
除左人手外，另一個問題係呢幾條線都要經過中環同觀塘呢兩個繁忙地區，
唔係你話加就可以加
你話中環同觀塘好繁忙，有 Quota，咁點解 9 系過海線同 258P 258X 267X 嗰 d 車係咁加班就得? 莫非嗰 d 班次全部都要其他線 1:1 咁減班出嚟就大西北區居民??
至於你講嗰 d 所謂謬誤，我以一個西環人嘅身份話你聽無 d 咁嘅事，西環人點諗嘢西環人最清楚，唔係西環人攞住幅地圖做地圖派，根本同運吉 d 廢官無分別，出咗干諾道西再入返德輔道中呢個動作已經夠晒趕客，你鐘意吹奏「中上環大法好」係你嘅事，唔關我事
宜家西環人去紅磡土瓜灣除咗焗碌 101 之外最少仲有以下做法，各自有捧場客
1) 970 971 --> 11/14/紅van/E23
2) 18P/18X --> 船
3) 去富豪東方一帶仲可以搭旺角紅頂 / 970 971 轉 20
4) 紅磡甚至土瓜灣近維他奶一帶嘅客甚至已經選擇行一大段路去黃埔花園或者歐化搭地鐵轉兩次車都唔搭 101
仲有一個問題，畀你改到車程慢咗幾個字，車費又唔見你減返畀我，東區條 118 都係收緊普通價 $10.4 咋，改路唔該回水
至於你話嘅車程問題，唔再重覆，搭下先講嘢啦
ricky 發表於 2019-2-14 21:53
重點係巴士車費平及流水性高。荃灣綫通車咁耐，102,112有無少咗好多人搭先？咁一樣成日頂閘而家101,111過 ...
102 112旺角 銅鑼灣 北角, 同101 111土瓜灣 灣仔 中環比較, 當中土瓜灣可預見將來都唔會去到旺角嗰種級數, 土瓜灣仍以舊式住宅區為主, 商住暫時唔會有大型購物商場吸引外區客, 啟德近新蒲崗有SOGO先有得比, 但該處有啟德站, 而且遠離過海隧道.
我個人預期沙中綫過海段一通車, 101 111客量一定會跌, 待一段時間土瓜灣 九龍城 啟德有越來越多重建/新項目落成, 客量就會回升.
本帖最後由 EX-TL 於 2019-2-15 12:11 編輯
101X西環出唔到客, 就要改入中環搞慢條線, 其實有D似當年606因為唔想改經耀東後在西灣河兜圈, 而要改經鰂魚涌, 北角上落橋一樣, 改完之後就會趕走柴小班客.
當年嘅錯, 今日恨錯難返, 因為已經養左一班鰂魚涌 北角客, 改衰左與人無尤, 結果而家搞特快柴小-觀塘全日巴士, 有港鐵, 有小巴, 又有694做細半邊觀塘, 再踩隻腳入去, 好難搶番客返嚟.
101X $11.7係中西區特快價, 堅尼地城再向西行係有路, 唔似東區咁, 未到柴灣就要轉入大潭, 所以101X西環唔夠客, 係咪可以諗拉埋落大口環, 甚至乎數碼港, 繼續收$11.7, 對南區客而言都係合理價錢.
假如真的拉去西港島, 中區 灣仔唔加站, 對小巴佬冇直接利益衝突, 反對唔係咁成立, 但對乘客同巴士公司就唔同, 沙灣 大口環 摩星嶺係紅隧線盲點, 堅尼地城前公民村地皮或會有房屋發展, 正常會出到客.
其實港島北岸上環-北角一帶已經好塞車, 人口密集同商業活動頻繁帶動大量通勤需求係人都知, 但係咪一冇客就要伸入去一齊塞, 而周邊區域本身需要有特快服務, 都要同主流地區share服務, 呢個問題真係要好好諗下.
EX-TL 發表於 2019-2-15 11:56
101X西環出唔到客, 就要改入中環搞慢條線, 其實有D似當年606因為唔想改經耀東後在西灣河兜圈, 而要改經鰂魚 ...
紅van根本都無得反對，好多過海巴士線都經中環、灣仔，日間的過海線都無得做咁滯，唯一有得撈係做通宵過海線。
本帖最後由 S3BL100 於 2019-2-16 00:57 編輯
wingho_cwh 發表於 2019-2-15 10:16
你話中環同觀塘好繁忙，有 Quota，咁點解 9 系過海線同 258P 258X 267X 嗰 d 車係咁加班就得? 莫非嗰 d...
又拎西環人做擋箭牌？而家下繁往九龍既兩班 101X 係服務緊西區居民定係觀塘居民？
搞清楚呢個問題之前，你講幾多西區人嫌 101 正線慢都係無用
當然如果 101X 係全日線，情況又會有唔同，但而家唔係
觀塘同中環 quota 問題，你唔數下呢幾年兩邊分別有幾多廢線減左班，抵銷長途線加班影響？
路邊傳聞根本就係 40P 因為呢個原因，要等到有相應路線減班先可以提全日
但重點都係 101X「西環特快」同「觀塘特快」係對等，唔存在只可以九龍加經多一個地區但港島段唔可以既理由。
當然如果上繁拖慢西環人返工車程，就絕對係唔合理，我都會反對
但下繁如果加經土瓜灣九龍城（btw，加呢段只拖慢幾分鐘係講緊非繁，唔適用於下繁實際情況）
按照你邏輯，觀塘人一樣可以嘈你拖慢佢地車程幾個字，益第二個區，唔改得
反而加經中環，受惠既都係觀塘居民，呢班先係下繁九龍方向班次既服務對象，
同一個區有人可能受影響但同時有人受惠，地區反而唔會有咩意見
所以你應該明白點解係「港島加經」而唔係「九龍加經」，呢個世界唔係圍住西區轉，
其他區一樣有話事權，「九龍加經」無論政治上定實際上，都影響緊更多實際服務地區居民
甚至你下下要嘈開線原意既話，用你既邏輯，觀塘區一樣可以嘈，點解下繁過港島要兜九龍灣商貿區
而唔係啟祥道直去，搞到入紅隧時間同 101 同時段打和，影響觀塘巿中心同牛頭角上車乘客。
但佢地有無唔理西區人放工返屋企既需要？無囉
EX-TL 發表於 2019-2-15 11:56
101X西環出唔到客, 就要改入中環搞慢條線, 其實有D似當年606因為唔想改經耀東後在西灣河兜圈, 而要改經鰂魚 ...
我唔認為 606 既例子有可比性，606 當日改線錯誤唔代表 101X 都係
首先 101X 唔係全日線而係兩繁線，更應該針對兩繁客流而唔係全日客流，
相反 606 係應該針對全日客流而唔係兩繁客流
其次 606 改完之後鰂魚涌太古都只係得極少數班次吸到客，仲要唔爆、唔夠客，
但 101X 加經中環，情況會有唔同，中環需求點都多過鰂魚涌太古唔少
至於你話拉 101X 去埋大口環甚至數碼港，我又問你，成本用多幾多？
數碼港唔會嫌慢？呢段路又出到幾多客？
數碼港兜晒堅城西環先走就得，堅城西環兜中環然後九龍提速就唔得？
本帖最後由 miklcct 於 2019-2-16 08:51 編輯
九龍加經乜都好，都可以山谷道轉車維持特快效果。港島加經中環，咁西環重有乜線可以取代呢段特快？
同埋數碼港出市區，經西環係最快走到嘅方法，到時咁改嘅話，西祥街上橋都得啦。
本帖最後由 wingho_cwh 於 2019-2-16 12:09 編輯
S3BL100 發表於 2019-2-16 01:04
我唔認為 606 既例子有可比性，606 當日改線錯誤唔代表 101X 都係
首先 101X 唔係全日線而係兩繁線，更 ...
問題係九龍段咁樣行根本就唔算係提咗速，跟 14X 行，唔入常悅道就真係提咗速喇
同埋你話「西環特快」同「觀塘特快」係對等，點解要係「觀塘特快」而唔係「九龍特快」? 倒返轉問你，點解個世界要圍住觀塘轉?
你咁撐佢個方案，但佢個方案都「九龍加經」咗太子道東喎，即係加經完中環再加經太子道東，越嚟越似 101 喎
40P 加唔班係運輸署同九巴嘅問題，用 Quota 做擋箭牌只係食古不化、倒果為因嘅表現
「上繁拖慢西環人返工車程，就絕對係唔合理，我都會反對」<-- 咁下繁拖慢西環人放工車程呢?? 紅隧口成個站消失咗，又要無啦啦走去埋中環，落得嗰小貓三兩件，倒每班車十幾人走去執小貓三兩件嘅中環客呢筆數點計啊吓?
至於你話觀塘人嘈無西環觀塘特快，嗱一係咁，佢而家有兩班車，將兩班車開車時間拉近，然後一班維持原狀一班經土瓜灣，咁得喇掛??
miklcct 發表於 2019-2-16 08:50
同埋數碼港出市區，經西環係最快走到嘅方法，到時咁改嘅話，西祥街上橋都得啦。
畀你數碼港執到客，西祥街走都唔得，因為條線本身喺西環出客最多嗰兩個站係均益二期同正街，石塘咀嘅商業活動係多過西環尾嘅堅城中心
唯一認同嘅係放工時段域多利道係夠九龍客，最重要嘅係 d 客相對 loyal，條 971 有時自己失班都倒瀉籮蟹，早幾個禮拜「好姐」嗰班車（開咪叫人攞齊嘢，人日祝你生日快樂嗰個五嬸，石排灣開 1730，好似係 702 柯打嚟）做 971 之前行 702 嗰陣有人嘔咗喺上層車頭，都無得即刻返廠大洗，叫站頭清潔姐姐簡單清潔咗就算，因為 971 石排灣開 1730 嗰班車好多人，企人甚至頂閘唔出奇，失咗就全世界呆等，所以其實宜家域多利道放工時間個載客班次壓力都唔細
本帖最後由 S3BL100 於 2019-2-16 14:00 編輯
wingho_cwh 發表於 2019-2-16 11:51
問題係九龍段咁樣行根本就唔算係提咗速，跟 14X 行，唔入常悅道就真係提咗速喇
同埋你話「西環特快」同「 ...
101X 下繁北行係以觀塘居民作主要服務對象，亦唔係全日線，當然係先考慮佢地需要
如果觀塘區好似你地西區騎劫 101X 北行下繁咁樣，
騎劫 101X 南行下繁班次，抗議兜九龍灣商貿區浪費觀塘牛頭角時間，要求跟上繁行法拉直，
就可以話世界圍住觀塘轉喇。但觀塘區有無咁做？無
跟 14X 行？我講左輪幾多次，咁行做唔到德福淘大得寶呢堆高價值既位，亦做唔到啟業刷邊，
甚至比起 101X 今日兜九龍灣商貿區再經啟祥道天橋走線仲差，
做少牛頭角下邨安基苑一堆（上邨仲可以話喜鵲樓刷邊做到）
提速提到咁，係叫做為觀塘人著想？
紅隧後經東九廊太子道東飛橋，已經係停靠九龍灣鐵路站，做到德福淘大得寶既最快走線。
因為九龍段純粹係棄九龍灣商貿區取觀塘道沿途住宅，唔比今日慢，甚至因為飛紅隧口而明顯快過而家，
「九龍加經」係有少少誤導，至少唔係加停土瓜灣紅磡拖慢車程
「又要無啦啦走去埋中環，落得嗰小貓三兩件，倒每班車十幾人走去執小貓三兩件嘅中環客呢筆數點計啊吓」
101 而家正線下繁每班車中上環坐到過左彩虹都未落車既都肯定唔止小貓三兩件咁少喇，
你妄下定論先判人無客，從而推倒對方論點，講到自己好似好岩但原來論據有問題，呢招我睇得出既
至少觀塘區雖然無事必要支持 101X 拖慢車程益隔離九龍城區既理由
但我都唔會屈西環返土瓜灣無客先
至於你話一班維持原狀一班經土瓜灣，唔好意思，101X 係聯營線，
兩間公司不同走線，根本唔合乎現實，講完