Lyt_Kondisc 發表於 2020-3-23 20:21
基本上政府計劃將東九龍線延伸至寶琳純粹係諗住成為將軍澳線嘅後備線
另外，如果東九龍線已經去到寶琳， ...
回應閣吓果幾點1. 駁落油塘比起政府建議嘅駁去寶琳更能做到閣下所講嘅目的，可以參考繁忙時段213M/S VS 213A VS 290X客量
3. 清水灣道擠塞問題主因不在科大，而東九龍綫駁去油塘比駁寶琳更有流減低新舊清水灣道車流
本帖最後由 Lyt_Kondisc 於 2020-4-4 23:12 編輯
del
Lyt_Kondisc 發表於 2020-3-23 22:37
清水灣道塞係因為三彩、四順同科技大學所致，其中科大客量好飄忽，一有大型活動即刻塞爆清水灣道
一架列 ...
清水灣道塞車，係因為彩虹樽頸位頂上去，加埋豐盛街、札山道、飛鵝山、安秀道等N個燈位，累積起黎咪可以塞到井欄樹囉。所以科大根本唔係令清水灣道塞車嘅主因。
將軍澳線既有嘅客唔夠填滿東九龍綫車廂
一時就話將軍澳線既有乘客唔會搭東九龍綫，一時又話佢地唔夠填滿個車廂，會唔會矛盾咗d呢？
觀塘碼頭站方面，經過討論之後，我喺82樓都認同停觀塘碼頭取代觀塘站係一個選項，但請問有無可能兩個站可以互通？(純粹問吓
本帖最後由 Lyt_Kondisc 於 2020-4-4 23:11 編輯
del
本帖最後由 Lyt_Kondisc 於 2020-4-4 23:11 編輯
del
本帖最後由 jpoon 於 2020-3-26 01:12 編輯
ViviTse 發表於 2020-3-22 16:44
講緊直駁紅磡，即係一程到紅磡。
因為去中西區點都要轉，觀塘綫->將軍澳綫->港島綫，但東西綫->東鐵綫慳一程。
回緊你原文「六、東西綫令到科大、寶琳、坑口、觀塘、九龍灣西直駁到紅磡有兩個好處，
第一，就係出中西區可以直接坐東西綫；」
另外，去旺角東亦可以做到同樣效果
呢個logic咪同當年寶琳站起單月台一樣囉，夠用呀，留後有乜所謂？
到時寶琳班次咪幾乎班班去到將軍澳站「有落無上」咁滯，坑口搭倒頭車，寶琳站月台齊齊得個企字囉。
而觀塘綫落油塘站仲會好似依家咁，等康城車黎就「吉車」齊揀位？諗吓好啦
唔好意思，當康城入晒伙，將南入晒伙，康城出嚟嘅車唔會有吉車啦，東西綫擺油塘同將軍澳結果都係一樣，你用而家狀況嚟比較係冇意思嘅
「XX起載特班」係可以用不載客列車往某站起載，同渡綫無直接關係。
「下繁油塘西行超載」主因咪就係(1)過海客翻觀塘多、(2)將軍澳客翻觀塘多，
咁東西綫咪分流咗後者囉，前者如果由中西區出發，亦可以透過東西綫分流一部分。
吓，乜你唔知觀塘綫有黃大仙起載往黃埔嘅咩？咪又係不載客列車去到黃大仙先開始上客........
咁佢地係咪要等下一班？我建議你send email問吓港鐵可能會清楚過問我。
你覺得咁可行？觀塘綫有除咗彩虹站有位畀列車扒頭，其他站咪一樣畀前車頂住，咁做幫到幾多？而且文章都話
網民反應似乎是負評居多，如：「香港人口嚴重超載，搞幾多野都係冇用」、「無第二條路軌爬頭，架吉車咪又係照樣係後面排隊站站停」，甚至有網友認為「叫公司改番工時間重有效啦」
東鐵咁玩就有效得多，起碼有啲位可以扒頭，但呢條係觀塘綫，除咗彩虹站同九龍灣站外冇其他位可以扒頭，而且仲嘥咗班車
唔好偷換概念啦，東九龍綫對現行車站四周嘅乘客有何分流作用啊？
1+1大晒咩，1+1就將軍澳實上到車咩，1+1就坑口實上到車咩，1+1就寶琳實上到車咩，1+1就油塘實上到車咩？
油塘加唔加車梗係唔係東九龍綫嘅事啦，所以咪話用東西綫分流囉。
有冇東九龍綫都好，對寶琳站上車都冇影響
秀茂坪寶達下安達臣嘅人唔會去寶琳轉地鐵過海，因為佢哋搭巴士小巴落觀塘藍田直接得多
只有康盛翠林嘅人先會去寶琳轉地鐵，而呢班人不嬲都係搭巴士小巴去寶琳轉鐵，有冇東九龍綫佢哋都係咁搭
上安達臣未發展唔知，但個站距離好似幾遠，搭車轉乘會唔會方便啲呢？
既然係咁，東九龍綫對寶琳過海又有乜影響呢？事實上2036年推算都係上繁有二千人由東九龍綫轉將軍澳綫，呢個係未計有康盛翠林站喎
咁上繁係以入科大客流為主喎，又點會有咁多過海客呢？
咁點解下繁有11M、11、12、792M、91M科大落將軍澳，都仲要開91M科大起載特別班次載乘客落將軍澳？
點解91M要特登改經坑口站而唔停培成路？係科大非常多人住將軍澳？定係其實方便駁鐵？
如果駁鐵去觀塘綫，91、91M、11、11B往鑽石山方向、104落觀塘/牛頭角唔會方便d？
講緊上繁，又係你話上繁寶琳坑口留後，咁下繁科大學生落山又關上繁科大學生返學同埋寶琳坑口留後咩事呢？
再重申一次，上繁科大站係以科大學生出站為主，唔會同寶琳坑口過海客一齊迫
仲有，東九龍綫仲有其他站，例如寶達、秀茂坪、順利、康翠等等，
咁佢地唔會被吸引去寶琳站轉過海？定係你想話果個客量增幅好細？
上面講咗，同埋如果東九龍綫過海，呢班客係有機會會搭東九龍綫過海囉
而若果東西綫係駁去科大、東九龍綫駁去油塘，科大去觀塘區東西綫直達，過海可以轉將軍澳綫，一石二鳥。
又講科大，咁科大過海可以轉將軍澳綫，同你上一段講嘅嘢又係咪有衝突？
再講，東九龍綫駁去油塘，咁即係改行藍田山？康盛唔駛要鐵路？東西綫係重鐵，未必可以同時做到康盛同寶琳喎
將藍同將隧轉車站都起好啦，到時寶琳去其他地方有大把選擇
會否諗得太完美？寶琳全日市區巴士線大部分都係行寶琳北路（93A、93K、98A、98C、290、290A、290X），
而行將隧嘅全部都係寶琳尾站直出（98D、297、690、694、798），將藍同將隧轉車站起好，點樣「大把選擇」？
例如可以搭將南嘅車去轉車站，再轉將北嘅車，或調轉
例如796C轉798，有機會快過98C，796X轉798快過塞九龍灣嘅297
亦可以爭取開新路綫善用轉車站
而將藍開咗亦會有新綫行將藍，少咗客搭鐵咁寶琳坑口就有更多空間搭鐵啦
本帖最後由 jpoon 於 2020-3-26 00:32 編輯
ViviTse 發表於 2020-3-23 05:25
首先我無話要六卡，第二我無話條線會過海，完。
唔要過海但又話將軍澳綫上繁留後，然後叫人搭你條東西綫去紅磡轉東鐵過海
你知唔知2036年推算紅磡上繁過海係有成五萬四千人過海，而將軍澳綫到時係可以直達添馬站，咁用東西綫去紅磡轉車要響紅磡同人迫，點解唔係用將軍澳綫去到北角或添馬再轉車呢？
你話唔過海但又冇諗加多條過海綫，唔通東鐵綫係萬能？可以食到額外嘅客？
睇返咁多個討論好似冇人建議過東邊加條過海鐵路，唔通你哋真係覺得冇需要？
Lyt_Kondisc 發表於 2020-3-24 10:36
連唔連接睇成本效益，而且觀塘南/碼頭會比較接近觀塘站，但兩者直線距離都500米，加埋接駁隧道走線要視乎 ...
首先觀塘站係架空站，而建議嘅觀塘南站多數係地下站，要諗點樣由地面落地底
第二係觀塘市中心冇乜空間可以做接駁，尤其仲要諗埋全程係非付費區嘅話條通道會係封閉式
三來起多個站係為咗分流，而唔係諗住畀Ｄ客轉車，冇得轉乘就變咗迫客二揀一，咁就可以真正達到分流嘅目的
Lyt_Kondisc 發表於 2020-3-22 07:13
你覺得我嗰個修改咗嘅走線會唔會可行啲？如果唔走青衣就只可以走荃葵。
而我覺得呢條2030+東西向鐵路應該 ...
青龍頭站可能未必有位起站，因為豪景花園係私人地方，你個站放果個位好尷尬，如果你個站放唔到青山公路，不如放棄青龍頭站，由深井站食埋算啦
青衣兩個站會唔會太近？怕且開車加速十零秒就要減速
美孚站好似好大工程，要下穿荃灣綫，轉車唔知要上落幾多層呢？另外條綫又要避埋高鐵，我都唔知點起了
你加個白田站，有冇諗過個站距離出口有幾遠？九龍塘站要低過觀塘綫，變咗白田站都唔會淺得去邊
麗港城同油塘之間最後行返近海少少，你而家穿過果個位係將藍九龍出口嘅交匯處，下面起鐵會麻煩好多