將軍澳及觀塘交通問題
將軍澳以前仲係新市鎮嘅時候，有好多對外線都一定要繞經觀塘以確保客量，但現時將軍澳已經發展成熟，甚至乎亦有新樓盤落成，舊式嘅走線已經不再受大眾歡迎， 甚至乎將軍澳亦都有新嘅特快走線類型，就係茵怡花園/尚德邨直上公路，其實喺以前，亦都有類似嘅例子，就係喺景林邨/南豐之後直上公路， 但係使用呢兩類型走線嘅路線不多。其實九巴係咪係時候應該要為將軍澳同觀塘嘅對外巴士線畫返條清界線？ 例如98A， 因應98B提供服務，係咪應該將98B全日而將98A縮短去到翠林邨再加返個轉乘優惠呢？ 98P嘅走線係咪應該要再改善一下呢？ 沿用98D走線？仲有290，將來將藍隧道開通，係咪應該要提早改特快，俾將軍澳直出呢？ 部分嘅路段係咪應該要交返畀290A呢？之後98C同95， 再咁樣累鬥累係咪真係一件好事呢？ 98C係咪係時候應該要飛走觀塘一帶？ 其實上面都只係一啲例子， 將軍澳仲有93K,A29P等等係有同樣嘅問題， 又可以點樣改善以上嘅問題？ 歡迎大家討論
（利申：不喜勿插）
98C幾時有經過觀塘？！ miklcct 發表於 2020-4-27 14:18
98C幾時有經過觀塘？！
廣義觀塘係包埋秀茂坪
290開條支線290c行將隧咪可以滿足到你嘅需求？ 成段內容除咗區域同路線唔一樣，其餘D文字咪又係抄我嗰個post，之前愉景新城同埋大河道又係一樣， 點解你咁鍾意抄人啲嘢？唔識得用自己嘅文字去表達你想講嘅嘢？或許你想嘲諷某D好似我咁唔同立場嘅人，但係你咁樣做係咪真係覺得自己好似好勁，可以出埋同人哋文筆差唔多嘅嘢？ 又係你呀GW兄:lol 又要逐個逐個point咁樣同你講啦:D仲有290，將來將藍隧道開通，係咪應該要提早改特快，俾將軍澳直出呢？如果你要290經公路嘅話, 前提就係要觀塘道站站停, 否則厹公司唔會理你咁多, 因為會少咗個客倉。
因應98B提供服務，係咪應該將98B全日而將98A縮短去到翠林邨再加返個轉乘優惠呢？大把寶琳人用98A去寶達秀茂坪一帶, 你又唔諗? 當然兩線共存係最好, 但係暫定經坑口直出嘅98即將投入服務, 厹公司肯定唔會理你。
98P嘅走線係咪應該要再改善一下呢？98P原先就係畀山上嘅人用嘅, 而且你仲有個98D揀, 根本唔使喐98P。
將軍澳仲有93K,A29P等等係有同樣嘅問題同樣, 93K, A29P等等其實主要係客源係以山上為主, 尤其係四順及秀茂坪。尤其A29P 本身開辦嘅原意就係畀山上嘅人用。
之後98C同95， 再咁樣累鬥累係咪真係一件好事呢？98C係咪係時候應該要飛走觀塘一帶？其實兩者服務對象都唔同, 一個係服務亞皆老街以南, 一個係服務亞皆老街以北。一個就服務寶達、將軍澳山及寶琳, 另一個就服務秀茂坪、四順及彩雲。
又或者咁講, 既然95喺將軍澳嚟講都冇乜用, 不如直接縮短佢去中秀? 加返個差額轉乘,搞掂!
就算你講嗰啲point可行, 你又過唔過到區議會嗰關?
其實將軍澳隧道轉乘站就嚟落成㗎啦, 你講嗰啲問題全部可以用轉車站解決, 講完!
WongKinYat_WKY 發表於 2020-4-27 15:55
成段內容除咗區域同路線唔一樣，其餘D文字咪又係抄我嗰個post，之前愉景新城同埋大河道又係一樣， 點解你咁 ...
內容相似就會影響你討論？;P
LH797 發表於 2020-4-27 16:33
又係你呀GW兄 又要逐個逐個point咁樣同你講啦如果你要290經公路嘅話, 前提就係要觀塘道站站停, 否則 ...
「因為 290 行將隧出會少左個客倉所以就要觀塘道站站停」，因為九巴次次都話將軍澳直出無客要兜觀塘，結果 798 既成績咪打佢一巴囉;P。如果九巴都仲有呢個思維，不如早日交牌保平安。
轉車就解決到問題？最基本轉車站有車去荃灣先再講啦。
GW5878 發表於 2020-4-27 16:49
內容相似就會影響你討論？
我冇話你影響，我只係覺得有D人唔識得用自己嘅文筆來表達自己嘅諗法係好奇怪啫，受害者又唔係只得我一個，明明而家大部份人都有接受教育，應該係有獨立嘅一套文筆，而唔係去抄襲人哋D嘢然後改小小字眼就當係自己嘅嘢，我明嘅，你咪繼續用不"影響人哋討論"嘅方式出post，某D人係真係可悲D嘅，明眼人都知並唔止係內容相似，而係抄襲lol,你咪繼續選擇性失明囉