dennis28a 發表於 2020-6-29 23:00
我成日都講一句說話，如果 608 做完啟德，就要搵佢走去其他區搵飯開，唔想搞咁多野 608 就要精簡路線。
...
我覺得608客量都算係咁㗎啦，成個啟德，應該得20可以喺呢個時間，做到呢個水平嘅客 (你睇下108，5D，24嗰啲)
唔夠客嘅主因係啟德都未發展好；同埋城巴好明顯唔能夠突出608嘅優勢，就係強大嘅BBI；同埋九龍區定線錯上加錯。
第一個原因，啟德得兩個屋邨同少數私樓，又得一棟咩咩工業大樓，其餘嘅都係地盤，而家呢一刻要「好客」，根本無可能。可能只係條608開得太早，如果遲多幾年，我諗啟德個市場一定好大。
第二個原因，(先唔講去灣仔中環有無人搭，因為嗰度根本唔係608嘅地頭，坳嚟無意思)，反而成個東區人口60萬，係一個幾大嘅市場，如果可以宣傳到個BBI網絡(尤其是608港島方向嗰程，因為落車之後，可以任揀巴士免費上車)，已經搶到好多客。
第三個原因先係最重要。土瓜灣去東區，唔好講106，就算係116都快過608啦。仲未計有條半個鐘一班嘅船，12分鐘去到北角啦，架608肯定仲喺九龍灣塞緊車。行啟德唔係錯，行承啟道先係錯。如果可以嘅話，608應該行去新蒲崗，甚至乎係黃大仙或者鑽石山。嗰度去東區都得D好慢嘅巴士(106/116/671)，唔近地鐵嘅地方甚至無車。
至於嗰啲班次唔穩定呀、車程太耐呀等等，errr...咁其他路線都有一樣問題㗎啦。又唔見得行觀繞好慢。
依家仲多左個問題係,啟德站
啟德人口,私樓個班算係中產,有車
揀得啟德都係因為有MTR,同埋過海方便
不過將兩味開全日就預左有風險,依家應驗晒
kay 發表於 2020-6-30 20:05
依家仲多左個問題係,啟德站
啟德人口,私樓個班算係中產,有車
啟德其實好怪,
就算以前無地鐵, 單靠晴朗兩邨都唔覺得D巴士特別密車...
唔好話而家有鐵路覆蓋...
前幾頁都有版友講608客量都跌緊...
kay 發表於 2020-6-30 20:05
依家仲多左個問題係,啟德站
啟德人口,私樓個班算係中產,有車
但係啟德站去東區真係方便咩?點轉都起碼要轉兩次，但係608係一程過，加上28分鐘可以由東區去啟德，地鐵官方係29分鐘(未計一開始等車車同由地面行落地底嘅時間，同埋我諗東鐵過海都會係差唔多時間)，所以啟德站對608影響真係有限。反而係對其他好似5D,108咁嘅路線，影響更大。
我覺得單憑而家客量去斷定608無將來，係有D唔客觀同唔公平，因為啟德發展基本上都未成形，周街仲係揼緊石仔，而家有客反而先唔正常。
不過我覺得九新城都唔會想搞啟德。陰謀論D咁講，我覺得啟德D路係專登咁設計，為咗推人入地底，保住MTR Property Ltd嘅利益。
本帖最後由 brianso198 於 2020-6-30 21:00 編輯
AV296 發表於 2020-6-30 20:47
但係啟德站去東區真係方便咩?點轉都起碼要轉兩次，但係608係一程過，加上28分鐘可以由東區去啟德，地鐵官 ...
29分唔否認做到, 不過問題係塞車一塞獲金又唔知搞幾耐,
返工時間咁樣真係會流失客...
反而早繁觀塘道堆隧巴時間行得比較正常...
brianso198 發表於 2020-6-30 20:58
29分唔否認做到, 不過問題係塞車一塞獲金又唔知搞幾耐,
返工時間咁樣真係會流失客...
TLDR: 其實地鐵咪一樣「塞車」，608同地鐵各有優劣，唔應該單單比較某一兩個條件
無錯，呢段嘅地鐵係好難做到29分鐘，返工時間喺鑽石山或者油塘等車，都起碼要等幾班，一係就坐回頭車去九龍塘/調景嶺先可以保證上到車，仲未計重覆開關門嗰啲時間。咁樣嘅time cost，相信都起碼10分鐘，觀繞都唔使塞咁耐啦
至於交通意外，呢啲突發並且唔常見嘅因素，其實唔應該被考慮。就算真係要考慮，無錯，觀塘同九龍灣係唔少，不過都係放工時間為主，而地面有意外即係推人上地鐵到，所以地鐵始終都會受到同一程度嘅影響。再者，返年地鐵意外都多咗，兩邊嘅風險絕對唔係天淵之別。如果單單因為咁而流失客源，我諗X89D, 234D等等，甚至全香港嘅巴士線都可以摺了。
唔否認608行車時間唔穩定，不過穩定性其實只係因素之一，而且只係返工時間先顯得重要，放工時間或者非繁嚟講，無對一分一秒咁執着，唔洗驚會遲到，咁608嘅吸引力都會大咗。
上面都有師兄講過，啟德以私樓中產為主，會唔會當中有相當一部分人，自己無私家車，而又追求舒適+唔洗轉車+就腳呢? 而且，608係做緊雙向客源，會唔會有人係想平啲呢? 608其實仲有好多優勢，我諗為唔應該單憑某一兩個因素，就跳落去結論。
都係嗰句: 儘管食住花生睇下點，橫掂又唔係燒緊我地嘅錢
brianso198 發表於 2020-6-30 20:58
29分唔否認做到, 不過問題係塞車一塞獲金又唔知搞幾耐,
返工時間咁樣真係會流失客...
朝朝邊度都塞架啦，搭開大概都知正常塞咩位搞幾耐 :sleepy:
若然真係咁糟糕朝早 608 唔洗企人啦 :sleepy: :sleepy:
本帖最後由 brianso198 於 2020-6-30 22:22 編輯
KE7066 發表於 2020-6-30 22:07
朝朝邊度都塞架啦，搭開大概都知正常塞咩位搞幾耐
若然真係咁糟糕朝早 608 唔洗企人啦...
東九最慘既係有時塞都唔知塞幾耐,
反而港島區路況正常D...
但又咁,
繁忙時間搵架唔洗企既隧巴...又似乎有難度wo...
本帖最後由 brianso198 於 2020-6-30 22:23 編輯
AV296 發表於 2020-6-30 21:39
TLDR: 其實地鐵咪一樣「塞車」，608同地鐵各有優劣，唔應該單單比較某一兩個條件
無錯，呢段嘅地鐵係好 ...608兩繁同意有得做既...
放工時間問題係只係一單好輕微既意外就會搞到成個東九大塞車...
咁就會影響運作...
早繁返工客時間比較敏感,
如果行車時間太唔穩定既話係會跌客...
有時地鐵就算塞, 但時間相對容易預...
先唔好講果D咩故障呢D極端case...
brianso198 發表於 2020-6-30 22:15
東九最慘既係有時塞都唔知塞幾耐,
反而港島區路況正常D...
班長官唔知去左邊度jer冇人抄牌, 冇人趕車, 見到7人車就調頭走