應該取消/搬走哪些觀塘道巴士線，成全其他區途經願望
本帖最後由 S3BL100 於 2020-7-22 23:47 編輯近日見到唔少版友都想開隧道版將荃途經觀塘道、將 33 搬出觀塘道，甚至招標一條荃灣經葵芳前往觀塘道新線。
可惜運輸署明顯唔會再批准純粹路過、並非以觀塘巿中心作最主要服務對象、並於觀塘巿中心附近止步的巴士線進入觀塘道。本身已經行緊觀塘道既巴士線，如果重組或拆分支，有灰色地帶，亦不無成功例子，但前提亦不可以增加觀塘道巴士流量。
而眾多地區有全日巴士線前往觀塘的訴求，再批准其他非必要巴士線進入觀塘道，等同扼殺他區有全日線前往觀塘的願望。
呢個前提下，大家認為應該考慮搬走或者取消邊幾條觀塘道巴士線，換取其他區有巴士線進入觀塘道既機會？
個人諗緊既可能性：
11D - 客量比其他路線低，部分路段有替代品，可以進一步做低條線；諗緊來回改行牛頭角道，至雅麗道/勵業街轉入觀塘商貿區
89B - 觀塘段客量不及其他沙田觀塘線，有替代品，可以考慮一腳縮入九龍灣；但釋放出來的配額，相信都會畀返沙田區做其他重組
93K - 呢條線從來唔應該行觀塘道，但有清 98A 客同搶錢功能。個人想來回改行安達泰，方便其他重組；但搬走左之後要加特車或 98A 加班，對流量帶來減少未必及想像中多
仲有無其他可能性？大家心目中又認為邊幾條值得考慮撤走？
雖則無論搬走幾多條都好，我都睇唔到將荃拆線行觀塘道，或者招標荃灣觀塘新線可能性，太多替代品而且前者純粹路過
純粹討論，集思廣益，不喜勿插。
咁98都可以一開波就15－20，都唔係話完全唔可以開新線入觀塘道 leo_ku 發表於 2020-7-23 00:01
98 係觀市調頭返將軍澳，就算條W2都係開源道迴旋處調頭去觀塘站。
98跟296A牛頭角站調頭
個人認為89B同11D繁忙留2～3班係觀塘道。其實屯馬線開咗, 80之後班次都會稍為調整, 冇以前咁密 clivetock 發表於 2020-7-22 23:53
咁98都可以一開波就15－20，都唔係話完全唔可以開新線入觀塘道
98 過到骨既原因係因為成車客真係都係去觀塘巿中心同創紀一帶作目的地或者轉車，而唔係有班客坐喺架車上面途經觀塘巿中心而唔上落
而且有版友猜測 98 可能係 98A 既分支線，亦不無道理
但去到入埋九龍灣既 797，或者去埋油塘既 33，已經要行入偉業街
本帖最後由 s3n370 於 2020-7-23 00:30 編輯
個人認為，遲早好似十幾年前堆港島路線咁，有堆線要分一半班次响九龍灣甚至彩虹止步。咁入觀塘嘅班次，可以如234C飛起黃大仙至九龍灣，
亦有助減輕沿線車站埋站嘅塞車情況
s3n370 發表於 2020-7-23 00:27
個人認為，遲早好似十幾年前堆港島路線咁，有堆線要分一半班次响九龍灣甚至彩虹止步。咁入觀塘嘅班次，可以 ...
用你個建議黎講擺彩虹好了...
一落九龍灣其實同落埋觀塘無咩分別,
而megabox附近道路網環境已經唔夠空間塞一大堆線落去...
大西北堆密車線，其實好應該繁時自拆兩條線：
一條由畢架山花園沿路停哂黃大仙、新蒲崗，以彩虹做總站；
另一條不停站直飛去九龍灣站，唯一問題係啟業會無左條線。
基本上268C、269C、258D、259D、42C都可以咁做。 題外話：而家23M、101單邊行觀塘道，其實有無計落quota？