我去郊遊，諗住今日平日會少人，點知入到去多人到痴線
我以往未去過萬宜水庫、大浪灣嗰邊郊遊，嗰邊係聖地假日出名多人去，於是我就諗住等我辭職之後，冬天搵個天氣好嘅平日去入面遊山玩水。點知今日入到去西貢入面同假日一樣咁恐怖。大家都知道，要去嗰頭，如果直接搭車入嘅話，除咗飛的之外就只有NR29一架巴士去到。呢架巴士假日係會有加班車嘅，但平日只會一車走天涯。我去到總站排隊諗住搭09:15班車，點知客滿，司機話無加班車，下班要11:30，條隊即刻四散，隔籬個的士站無車，我同人去碼頭夾的士入。
我今日目的只係去游水同玩水，所以只係去西灣村附近，無去行其它地方，諗住之後16:30搭返NR29走。我去咗西灣個沙灘，游水游咗個來回東灣，之後上去上面「跳潭勝地」嗰度玩水（不過我怕死，試咗水竟然係掂到底之後浸下水就算啦，無真係跳），就原路行返出去西灣亭等巴士。
結果去到，巴士來咗，又係上唔哂，又係無加班車，又要同人夾的士。嗰啲鄉郊地方正常唔會有的士入嘅，嗰度又係手機盲點。當有人收到手機信號之後就打電話同開app call車，不過無司機接，搞到16:45終於有人就話索性行出北潭涌路口（5.6公里），沿途希望截到過路的，最後好彩有個 on call 嘅司機入到去未夠鐘肯載我哋跑出北潭涌（西貢佢都唔願出）。
我特登諗住平日去郊遊就係諗住避免呢啲交通問題，點知結果重衰過假日。假日大家知道入面有客，啲加班車／的士走哂入去。平日得嗰幾班NR29，爆咗就拜拜。我今朝搭入去嗰陣同個司機吹水，佢話都估唔到西貢咁好景，重喺call台叫行家返過去，反而早兩日星期日就無乜料到。
咁返出去嗰陣，的士送到我哋出北潭涌，嗰度只有一架大巴。嗰架94嗰個時段（16:40-17:20）係20分鐘一班，過後就40分鐘一班。但係睇ETA實際上已經加到12分鐘一班。結果部巴士係閘口轉出來，嘩！頂閘！總站站頭有九巴職員維持秩序，要求車上乘客行入啲俾人上，好彩站頭排嘅人唔多，落客之後都清得哂條龍。
之後一路出到麥邊，我落車轉299X，又係企到門口（我無留意呢條線係唔係開表定班次）！之後沙田第一城轉43X，又企到門口！再轉263，竟然出ATSE，又企到門口！
而家竟然連一至五呢啲日子都爆成咁，重要平日無旅遊路線，全部人逼哂落啲社會責任線嗰度。其實點解而家郊遊嘅人潮會恐怖成咁，連一至五都逼爆西貢？
有乜好驚訝, 咪就係好多好似樓主咁,
好日都唔去下行山嘅人, 都走去郊遊埋一份囉
呢幾日天氣好, 多人放假/work from hill, 出唔到國就實多人行山啦
關我地咩事。。。有冇諗過冇人想知你今日郊遊多唔多人？
嫌冇車搭咪寫信問九巴啲車開咁疏做咩囉
幾廿歲人仲喺到刷存在感:sleepy: 本帖最後由 Perfumess 於 2020-12-29 23:14 編輯
Empty 假日嘅92/94是否應該開多幾班？ ViviTse 發表於 2020-12-29 23:10
假日嘅92/94是否應該開多幾班？
與其話假日，不如話，特別熱門既非假日日子，例如聖誕除夕前後、幾日連假公眾假期前後，應該不按表列偷雞彈性加班
呢幾日大棠塞到痴左線，前幾日塞到入大棠山腳
西灣亭/東壩嗰到交通真係幾麻煩，基本上只有的士係可靠交通，NR29完全唔可靠，咪搞（東壩連村巴都冇）
真係應該考慮吓整條專線小巴入去嗰到 今日兩點幾係木棉山見到兩部 94 拖住卡返西貢，前面個部頂曬閘 當呢度係自己ig？ louis2018 發表於 2020-12-29 23:30
西灣亭/東壩嗰到交通真係幾麻煩，基本上只有的士係可靠交通，NR29完全唔可靠，咪搞（東壩連村巴都冇）
真 ...
有呀，9A囉，不過有等於無者