timewater 發表於 2021-7-16 13:16
其實點解顧問公司唔公開諮詢? 可能顧問公司解決唔到既難題, 公眾人士可以解決到呢?
與民共議好過淨係靠 ...
例如地下電纜咁
唔適宜俾太多人知確實位置
搬得嚟可能成本極高甚至不可行
所以祗限個別機構獲相關資訊都唔奇
kitarolo 發表於 2021-7-16 13:48
例如地下電纜咁
唔適宜俾太多人知確實位置
搬得嚟可能成本極高甚至不可行
已經中咗 point，新紅磡站周邊工地有大量地下纜線。
teddybus 發表於 2021-7-16 08:59
「屯碼線鑽石山前後有急彎」
我唔理，總知有預留月台港鐵唔用，係港鐵唔啱！ ...
鑽石山站兩邊和前後的預留位全部都係 for 地鐵規格用，擺落九鐵規格基本上係用唔到／要砍掉重練。
本帖最後由 s3n370 於 2021-7-16 17:34 編輯
timewater 發表於 2021-7-16 13:16
其實點解顧問公司唔公開諮詢? 可能顧問公司解決唔到既難題, 公眾人士可以解決到呢?
與民共議好過淨係靠 ...
顧問公司正正係幫顧客全面評估並提供解決方案。
如果有高人真係解決到顧問公司解決唔到嘅問題，正路都應該入佐去搵真銀。
應該唔會有太多時間打咀炮。
註：最後果句只係講緊自己。
其實呢，上下落一層月台，唔見得比過對面月台轉車麻煩好多，都唔明點解咁執著對面月台轉車。真係轉車麻煩又遠既，係美孚站、尖東/尖沙咀、鰂魚涌果隻先稱得上麻煩。上下層月台轉車比起九龍塘、鑽石山已經好好好好多了。
講起南昌站，有時都唔明九鐵諗乜。係，雖然九鐵設計既車站比MTR靚、有時代感、舒適、光猛、寬敞好多，但係user-friendly上真係差少少。老實講，當年南昌站都裝得轉線閘機，點解唔整到西鐵落客月台(即今日往烏溪沙方向月台)同東涌線往香港方向月台整同台轉車兼係月台加轉車閘機。唔整之餘仲用牆封死兩個月台，真係得啖笑。
好，就算唔整同台轉車，要落大堂轉車都算，南昌站大堂洗唔洗整到樓底咁高呀？有時由月台望落大堂好似望落火山口咁深，一上一落浪費左唔少時間。
timewater 發表於 2021-7-16 13:16
其實點解顧問公司唔公開諮詢? 可能顧問公司解決唔到既難題, 公眾人士可以解決到呢?
與民共議好過淨係靠 ...
比班鐵膠說三道四？
tomtom2015 發表於 2021-7-16 20:46
其實呢，上下落一層月台，唔見得比過對面月台轉車麻煩好多，都唔明點解咁執著對面月台轉車。真係轉車麻煩又 ...
起南昌站果陣，由於需維持東涌線及機場快線正常營運。
所以要响較深層的地底挖掘橫跨路軌的隧道，減少對路軌的影響。
要起淺D唔係唔得，代價會係要可以不惜工本，容許該段路軌臨時改走線至少三次，以及承受較高因工程而引致的停運風險。甚至直頭臨時停運一段長時間先至得。
s3n370 發表於 2021-7-16 21:25
起南昌站果陣，由於需維持東涌線及機場快線正常營運。
所以要响較深層的地底挖掘橫跨路軌的隧道，減少對 ...
明白南昌站要橫距4個月台6條路軌有難度，但問題依家唔係起得深之餘樓底高，如果你話起得深但樓底矮都講得通，但樓底咁高，即係話個大堂頂貼近少少機鐵路軌都冇影響，點解大堂地板唔可以回填升上D減少扶手電梯同樓梯既長度。
又、荃灣西月台樓底又係咁高，上落都浪費唔少時間。(其實講講下西鐵站上落大堂同月台既樓梯同電梯都好似長得有D過火，雖然話樓底高係空間感好，但乘客注重既始終都係時間)
本帖最後由 HV9990 於 2021-7-17 01:10 編輯
tomtom2015 發表於 2021-7-16 20:46
其實呢，上下落一層月台，唔見得比過對面月台轉車麻煩好多，都唔明點解咁執著對面月台轉車。真係轉車麻煩又 ...
有時啲嘢呢就唔好入晒九鐵數，個站地鐵都有份既
點解南昌做唔到跨月台轉車咁你應該問埋地鐵喇
同埋地鐵係咁順攤既，之後沙中線就唔會玩嘢啦
至於你話直接月台層加閘機，當年香港有冇咁既概念先？
西鐵啲站點解起到咁大，明顯係要就返個上蓋啦
就算唔起到西鐵站咁大，都唔好好似而家党鐵咁搞到條沙中線咁鬼寒酸呀
HV9990 發表於 2021-7-17 01:05
有時啲嘢呢就唔好入晒九鐵數，個站地鐵都有份既
點解南昌做唔到跨月台轉車咁你應該問埋地鐵喇
同埋地鐵係 ...
2邊月台高低水平不同﹐唔知係M公司問題﹐定係K公司問題呢?
K公司咁有遠見﹐點解唔遷就M公司﹐跟M公司的月台做番相同的水平高度。
攪到而家一邊高一邊低:L
就算當年想整月台層加轉車閘都做唔到。:L