觀塘塞車原因一系道路設計，一味淨系起動東九龍，但又唔搞搞個交通配套。二系違泊。政府都唔大力打撃違泊，有次去工廠大廈攞野，聽到個店員同客講唔使驚，過咗6點半就唔會抄呢邊，即系抄牌有個pattern，個個都知，咁有咩用。。。當然要搵出點解違泊再對症下藥，但呢啲全部政府方面。
巴士黎講真系無咩方法，主幹道觀塘道同觀繞繁時例塞，巴士根本無得改，況且觀塘道沿線系做得最多客，唔通又改路咩。我覺得巴士可以做嘅系改改啲總站開出時間，例如觀碼成推車開出，但本身有幾條密線，而且例塞車根本就實際開出時間同表列有出入，所以改黎都未必太有用。
S3bl430 發表於 2022-1-1 11:06
咁你有没有方法擴大觀塘交通流量?拆曬APM 創紀之城比觀塘道擴闊好唔好?
正如
改善好個交通配套再吸引私家車人轉搭公共交通，從而減少私家車數量咁又得唔得？
例如條綠線爆到七彩嘅時候，有無諗過起多條？觀塘站牛頭角站九龍灣站爆到癲，會唔會擴寬下？
運吉又可唔可以唔好淨玩保鐵政策，巴士公司有時想做野都無能為力。
巴士黎講整條巴士線，等巴士唔使同私家車爭路。
甚至結束起動東九龍政策!!!
henryfung1515 發表於 2022-1-2 21:00
觀塘塞車原因一系道路設計，一味淨系起動東九龍，但又唔搞搞個交通配套。二系違泊。政府都唔大力打撃違泊， ...
講起堆觀碼大線 我覺得下繁有空間做優化
定富街中載變成 觀碼上客>(個別線可考慮海濱道加站)定富街>原線
其他就繼續行番原線
henryfung1515 發表於 2022-1-2 21:00
觀塘塞車原因一系道路設計，一味淨系起動東九龍，但又唔搞搞個交通配套。二系違泊。政府都唔大力打撃違泊， ...
嗰頭啲抄牌，個個都有門路收風，某一排只要抄得密啲，過幾日內街啲路仲暢通過你去廁所開大，只要停一排唔抄就好快打回原形。觀塘實在太少停車場，就連爛地嗰隻都好少見。
RyanPun 發表於 2022-1-2 21:37
嗰頭啲抄牌，個個都有門路收風，某一排只要抄得密啲，過幾日內街啲路仲暢通過你去廁所開大，只要停一排唔 ...
抄牌有路捉點會解決到問題，好明顯個政府無能力起多啲停車埸，所以只能夠咁做。因為大家都知多違泊系因為車位唔夠(成個香港都系，唔止東九)。
好奇衣家觀塘好多工廈變商廈，政府可唔可以要求要起兩層公眾停車埸咁？
gu9434@24 發表於 2022-1-2 21:18
講起堆觀碼大線 我覺得下繁有空間做優化
定富街中載變成 觀碼上客>(個別線可考慮海濱道加站)定富街>原線 ...
完全唔明裕民坊重建點解唔整個大型巴士總站(觀碼規模咁)，衣家條條線隊曬落觀碼，想縮短/搬總站都唔得。一系就藍田站，但兩個大站都塞爆曬車。。。就算想開新線都無位擺。最慘係去觀塘碼頭啲車一定要去觀碼塞開源道，唔可以似112旺角特咁觀市止步。塞曬系開源道無車出
本帖最後由 kitarolo 於 2022-1-2 22:54 編輯
HG6729 發表於 2022-1-1 01:49
set quota 最實際
某程度上安達安泰都祗係得213B擦邊
全日嗰條213M祗可到藍田就係呢個原因
11X都係得南行經,去觀塘與入沙田同價。
無得cut，因為每度嘅人都要去觀塘返工。
本帖最後由 RyanPun 於 2022-1-3 00:29 編輯
henryfung1515 發表於 2022-1-2 21:51
抄牌有路捉點會解決到問題，好明顯個政府無能力起多啲停車埸，所以只能夠咁做。因為大家都知多違泊系因為 ...
基本上，有人報料開始抄，啲車尤如動物大遷徙一樣好快駛走哂，一走咗轉個頭又返返嚟，成個觀塘唔係內街塞死就係海濱道、偉業街泊淨一線。
政府唔係冇能力，而係在佢角度，起停車場等於鼓勵人揸車出街，你見佢寧願起觀塘件大白象都唔用嚟做塊爛地停車場就知，唔起停車場、根本就想迫你用公共交通工具。問題係香港太多不必要揸車出街嘅人買車，加上早兩年啲私樓幾乎買樓送車位，屋苑樓下有車位，佢只需要有能力比得起張牛肉乾，根本仲好過搵錶位泊、甚至停雙黃，入商場仲要每個鐘頭計錢。
但在商言商、交通機構優先考慮營運成本底下，少人搭就好自然要減班減少開支，道理就同鐵路通車cut巴士線一樣，你唔想樓下條巴士被減到20/30一班車，就要少啲揸車、多多撐場、那怕A41P式嘅走線都係咁講。嗰啲冇必要揸車出街嘅人揸部車出街，不礙乎都係嫌巴士太兜、太多人、太疏，加上有屋苑車位嘅先天優勢、而且本身有能力養車，想嗰班人放棄部私家車都唔容易。