今晚981p 尾車 城巴8236
金鐘及皇后像共上13人
1902 砵甸乍街+13人
1904 農行 +7人
1905 林士街 +13人
1908 皇后街 +3人
1913 西隧轉車站 +2人
共51人, 42%滿
今晚907C -18:05 九巴班次 ＋20/29/15/16/2 共82人
沿路觀察
18:30 － 978坐滿要企離開西隧口
18:40經過大圍－985（新巴未坐滿窗口位） 981P (城巴岩岩好坐滿窗口位）－182 城巴（比985 981p 目測再稀疏）
樂仔〞 發表於 2022-6-9 09:49
雖然 307 係應該要擴展大埔嘅服務範圍 , 但應被擴展嗰個唔係富亨富善 , 而係大埔墟站同運頭塘嗰邊
富亨富 ...
巴士要做大火客同運頭塘開拓客源都揾其它九龍線較有機會搶到新客
307同東鐵打到應灣仔同金鐘
要兜都寧願用時間去富蝶好過
本帖最後由 da93 於 2022-6-10 03:54 編輯
Snoopy@FB8617 發表於 2022-6-9 17:53
如果你講到大家咁想行咁71B直頭唔使開
你鐘意行我鐘意行歐陽生鐘意行
所以71B計實際人頭一直都係單層巴士可以處理到嘅事，只不過用單層觀感極度不良好咁解
而且，唔係歐陽先生鍾意行，而係佢察覺到大埔晌規劃上的確同鄰近新市鎮有所不同，北區鬆散，沙田地方遼闊。
就算唔講歐陽先生嘅體驗，fb大埔群組（當時fb未封殺佢），當有外區人問路時，例如話大埔中心去大埔墟搭咩車，居民答案通常係行過去，當然佢一樣可以答到你坐咩車，但亦都係附加一句行路過去。
當年又有一個post，就係橫跨林村河，連接大埔中心兩邊嘅天橋，有一條臨時鐵梯需要清拆，改建為升降機及永久樓梯，呢條臨時鐵梯一用就用左廿幾年，結果居民集體rip追悼鐵樓梯。
雖然rip純屬玩野，但如果居民係咁厭倦步行嘅，點會由細行到大再同人分享行呢條樓梯嘅經歷？而且，用得呢條天橋嘅人，跨過林村河，再接駁兩邊嘅屋苑及社區設施，你又想像下佢地嘅步行距離究竟有幾遠？
呢d現象本身就反映梗唔係大埔居民鍾唔鍾意行，而係佢地唔覺得晌大埔步行係一件不便嘅事。
當然，講到話間中落大雨或者特別熱，我相信都總有人會揀行少一日半日，但如果要偶然地巴士公司先可以晌佢地手上賺果十元八塊嘅區內客的話，巴士公司都恐怕要關門大吉。
本帖最後由 da93 於 2022-6-10 05:20 編輯
Ricky403 發表於 2022-6-9 18:10
我估佢嘅意思係，延長307吸客回流，本身都會增加行車時間，唔加車底下就會減班
加埋富亨善都有部分客本身 ...
同埋，我都講過，307跌客最大原因係港島行法加上路面擠塞，307除左改來回東隧，回程經維園同個總站去左中環碼頭外，廿幾三十年都冇大變過，仲係以繁忙時間為藍本，所以東鐵唔過海唔會出事，一過海就企晌度。
當然有人都有講過好唔好將307放番入怡和街等路段，但呢個舉動又等如將成個灣仔北嘅人推落火車，而如果唔改嘅，又真係做唔到銅鑼灣核心區嘅客，其實進退兩難嘅局面。
而今日嘅銅鑼灣，亦都同油尖旺面對同樣嘅地區經濟問題時，仲可唔可以好似以前咁，靠銅鑼灣去刺激客量從而養活一條過海車又係另一個問題，未來兩三年我都唔認為香港能夠好似四五年前咁，靠北水靠自由行去支撐傳統旺區嘅地區經濟，就算通左關，大陸嘅經濟都一鑊泡，前景暗淡。
話說早幾日有財經網站嘅ig post講過一樣野，就係消費卷推出後，傳統旺區無法刺激消費，當然統計有冇水份我不得而知，但一d好實在嘅現象我地都係觀察得到嘅，就係人流弱，以至商舖嘅空置情況呢兩年係有增無減。
一個人晌大埔行唔行，行多幾遠幾近仲係小事，只怕307跌客嘅原因係晌港島而並非大埔本身。
加上，我都提及過，巴士公司近年呈現一個「東升西降」嘅取態，港島越東面嘅地區長途過海車，似乎越有能力應付鐵路競爭，越西面嘅地區，過海線嘅前景越黎越暗淡，就算大埔真係想將過海車擴展去到富蝶呢d新區都好，或者再入d嘅，未來社山村咁大型嘅發展，擴展目標又應唔應該只著眼於307？
Ricky403 發表於 2022-6-9 16:53
307如果真係要減，繁時同逆向都有好多空間落手，諗下由而家個班次減到全日20/30可以爭幾多架車
其他站友 ...
雙車政策可以話令307加車難，但今日亦可借此保307一命
尋日第一次東鐵過海後，放工時間搭 104 出旺角，入境處上車都要企人，灣仔訓練池都有人龍，因為後面有車，大約企20人過海，紅隧口好少人落，油麻地至旺角都多人落
kingprowm 發表於 2022-6-10 07:46
尋日第一次東鐵過海後，放工時間搭 104 出旺角，入境處上車都要企人，灣仔訓練池都有人龍，因為後面有車， ...
104 開到禁疏車企人又唔出奇，但比起之前5分鐘一班都班班頂已經差好多。其實兩繁同星期六日都仲有客，10-15分鐘一班啱啱好禁
kingprowm 發表於 2022-6-10 07:46
尋日第一次東鐵過海後，放工時間搭 104 出旺角，入境處上車都要企人，灣仔訓練池都有人龍，因為後面有車， ...
屎水開15分鐘一班一定係,紅鬼五點頭放10分班係冇乜客, 半車客左右過海
WR309 發表於 2022-6-10 08:41
屎水開15分鐘一班一定係,紅鬼五點頭放10分班係冇乜客, 半車客左右過海
尋日係搭紅鬼，唔係屎水
其實係入境處已經見到拖卡，我以前應該會有位所以上咗前車，點知上樓搵位先發現冇位
去到灣仔訓練池，有20-30人排隊，我搭嗰部車上幾個就走，原來後面部車咁快跟上來
唔知現在係唔係已經冇晒旺角特班