本帖最後由 KM8453 於 2022-9-3 20:01 編輯
sunhoo 發表於 2022-9-3 19:27
天北人慣左265M收車嘅話，會自動轉投鐵巴駁鐵，回程唔會再貿然搭車上大欖。 ...
紅色公司好應該檢討下。
K76 尾五班開到 6-7 分鐘一班，星期五六日通常都係企滿入天水圍北，呢度只係「天恩邨」同「天澤 / 天恆」兩個分站，九巴呢度已經輸左差唔多 500 人。
仲未計九巴每班 705 / 706 轉車客輸起碼 100-150 人。
夜晚 9-10 點，黃金時段，市區入天水圍北（天華路以北一帶），保守估計九巴起碼輸緊 >1,500 - 2,000 個客。
城巴班客當然亦會頭也不回，九巴輸曬。琴晚我都見到部 967X，啱啱好坐滿，有 1 個人企緊，而轉車站無上落。根據城巴時間表，琴晚 967X 係開足 12 分鐘一班 — 大家可以睇下車上班客訓得幾滿足。
夜晚 11 點，依然要班客企係隧道口同你等 265M，然後嚴重頂閘企滿樓梯。
WSB 仲收緊鎖匙，而且北部人口年輕，將來出市區需求只會繼續上升。
閒話休提，紅色公司自己檢討下吧。
報告：
269M往祖堯邨由25分鐘一班加強至12－25分鐘一班
276B往雙向由20分鐘一班削減至25－30分鐘一班
265M往麗瑤邨由20分鐘一班削減至25－30分鐘一班
265M往天恆邨由12分鐘一班削減至15分鐘一班
本帖最後由 KM8453 於 2022-9-5 22:06 編輯
tina 發表於 2022-9-5 21:07
報告：
269M往祖堯邨由25分鐘一班加強至12－25分鐘一班
連續四日收車。
另外，今日 1610 - 1849 下午繁忙時段，全時期開少 1 班車。今日全個下繁一班 5 分鐘都無開過，未知加班特車 1745 同 1805 荃灣（眾安街）/ 1920 大欖隧道轉車站有無出現。
琴日日間出市區，一樣 15 收到變 20。
衝高收視率加班，不反對，以結果為目標，讚！
KM8453 發表於 2022-9-5 21:56
連續四日收車。
另外，今日 1610 - 1849 下午繁忙時段，全時期開少 1 班車。今日全個下繁一班 5 分鐘都無 ...
佢減1班都冇咁火
最火係啲車走咗去269M
好心取消左條269M啦… 全一條265M往返天北調整至4-15分鐘好過
HG6729 發表於 2022-9-5 22:15
好心取消左條269M啦… 全一條265M往返天北調整至4-15分鐘好過
嘉湖天慈難解決，只可陰乾處理
本帖最後由 KM8453 於 2022-9-21 12:35 編輯
推一推討論，呢三日回程都有探子用大欖隧道轉車站，265M 七點前後上車問題有改善，首先要讚賞紅色公司！
但係，過左曇花一現嘅半小時，265M 前後段依舊劣跡斑斑，瘋狂脫班收車，1849-2005 試過收到 12 分鐘一班；1735-1800 開 7/8 分鐘一班；2005-2205 原訂開 12 分鐘一班，一下脫到 20/25 分鐘一班，等等。
請紅色公司拿出真正決心，切實改善服務問題，唔好混水摸魚。
***
下繁觀察
9 月 19 日（星期一）
第一日，7 點 05 分左右到轉車站，等左一陣，兩部 265M 拖住行，同前車群只隔幾分鐘，但係隧道口依然排長龍。最後兩班車都頂閘離場，雖然無人留後，但服務明顯需要再檢討，全個轉車站，無一條線係頂閘離站。
1. SE3711（估計頂閘，站助截龍放車走，後面仲有幾十人排隊）
2. SK2824（頂閘）
9 月 20 日（星期二）
第二日，7 點左右就到轉車站，遇上三連發 265M 到站，同前車群只隔 5 分鐘。當日同段時間，根據 Across 行蹤，可能有部單層隧道口加班車 PX5012 跟頭，我自己就見唔到。
1. UA3409（約 90 人，全車幾乎坐滿，樓下有人企，站助截龍放車走）
2. SH6188（約 100 人，落客後都企緊十個）
3. UJ1202（約 60 人）
4. 另外有幾位乘客等 269X
***
評論
同一時段，每 5 分鐘，265M 需求就有 250 人左右。未私自加班之前，呢啲時間長期得一班車，應該係 1825 麗瑤開出，下午頻密時段嘅最後一班，甚至更疏。非常清晰，無加班車，絕對會「百人留後」（眾安街留後一班等後車，建明街留後十幾個，荃景圍又十幾個，大欖隧道就一條長龍幾十人）。
請紅色公司儘快加密班次，儘快常規化大欖隧道 / 荃灣（眾安街）特別班次，亦可增加葵芳邨特別班次（類似 268C 定富街特別班次），亦應該一如我地提出，研究加開葵芳站特快班次，停新都會廣場後，直上大欖隧道，再直達天水圍北，進一步提升天水圍 M 線下繁營運效率。
***
九龍東：請跟進 69C 問題
另外，我地嘅探子兩日下繁都先搭同一班 269C：
1. UJ2100（9.19）
2. UD6284（9.20）
客量方面，紅色公司返去可以對對呢兩日嘅數，大家心知肚明。
69C，以 9 月 19 日（星期一）18:05 開出班次計，九巴派左部紅鑽 WL3785，企 10-15 人到大欖隧道，落左幾個客，上客用左一段長時間，估計全車企滿，同時有乘客留後上 269P。
第一，69C 回程班次，可以全派 12.8 米嗎？明明係做到的。
第二，可唔可以著手，第四季下繁找數，真正加密 69C？小小建議，根據 RPP 建議，估計新時間表係開 1715 / 1730 / 1745 / 1800 / 1820 / 1840 / 1900。紅色公司可唔可以慷慨啲，回歸實況，做靚個東九龍組合，中間攝多班 69C，加上去 … 1715 / 1730 / 1743 / 1755 / 1805 / (1810 - 69S 九商班次) / 1820 / 1840 / 1900 … 現階段不過係先加多一班車，相信已經能夠舒緩 69C 及 265M 線龐大壓力。
***
肯定一點，Wetland Seasons Bay 依家如火如荼入伙，第 3 期仲開緊盤，畢業季天水圍北又多一批人出外返工，天北客量只會繼續向上增長。再唔解決交通問題，亦會大幅削弱 Wetland 系列樓盤吸引力：「返工唔方便，搭車沙甸魚」，度度都鬧爆天水圍北交通，呢啲觀感都夠倒米。
請紅色公司仔細望下盤數，積極研究提升 69C / 265M / 269X 服務，唔好再逃避現實，死攬舊經濟。
三連發開 265M，平均每班車都比一班其他 M 車多，足以證明天水圍（北）客量非常高，流量極大，你倒車落去北部做好服務水平，乘客們一定會受落，旁邊黃色公司就是例證，有辦你睇。
大西北人 發表於 2022-9-21 18:33
覺得都可以取消條269m
嚟谷265m加69m
嘉湖北由69m加經
你憑咩覺得可以取消269M？
講就輕鬆 但你有無諗過會引申出一大堆問題？
嘉湖北本身有架正正常常嘅269M你係要格硬整走佢 迫人兜半個天水圍 嘉湖打後上車嘅人又少咗位揀 仲倒埋部份天耀天祐客落鐵
同埋你覺得聚星樓行去天慈好輕鬆？一般人行都要十分八分 更何況住天慈嘅有好多都係長者 行動無咁方便 同埋我行得去西鐵站不如直接坐西鐵啦
而且269M天北做緊嘅係天秀路(一部份天富天逸) 慧景軒同半個天晴都係比較遠離265M嘅地方
我想問下269M沿線居民做錯咗啲咩要抽走佢哋屋企樓下架車要迫佢哋行多一大段路搭其他車？
最後 你覺得取消咗269M啲車真係會全部去晒其他線？以呢間公司一貫作風 佢話取消之後加車落其他線 過多兩三個月都收返晒啦 好心你唔好傻啦
KM8453 發表於 2022-9-21 12:32
推一推討論，呢三日回程都有探子用大欖隧道轉車站，265M 七點前後上車問題有改善，首先要讚賞紅色公司！
...
連元朗條 968 都衰過條 960，身為天中人，對於 265M 冇任何期望。每日迫車頭返屋企就算。