論巴士雙向分段影響
本帖最後由 tina 於 2022-10-4 23:30 編輯之前就成日講2蚊客來來回回結論都係影響長途客嘅搭車時間以及用多咗公帑
今次想延伸返個話題，巴士公司自己提供嘅雙向分段收費帶嚟嘅影響
（因為巴士公司提供嘅雙向分段收費主要係大西北同北區，所以我會講多少少呢兩個區）
我會沿著呢幾個範疇講
1）因為短途客而限制路線改動
2）對短途線／競爭對手嘅影響
3）對長途客嘅影響
4）對短途客自己嘅影響
1）因為短途客而限制路線改動
我用269D作為例子
眾所周知269D係長線短做嘅線嚟，到分拆個陣問題就完全浮現晒
天水圍點去元朗？
輕鐵？ K巴？
班客搭269D都無非兩個原因
1）貪張櫈 2）政見
如果貿貿然叫269D分家，短途客就會攞補償
就算九巴肯開條短途線出嚟，但佢嘅競爭對手又俾唔俾？
而家只係有港鐵都容易處理，而城巴中咗條元天線佢又會唔會咁輕易畀九巴開？
－－－－
遲啲290縮短，咁澳南同澳北唯一可以連接到嘅九巴只有290A
屆時，290A係區內改線難度又可能會高咗
2）對短途線嘅影響
九巴近期係北區整雙向分段收費，我用277E做例子
277E同270係區內都係一樣，做天平／翠竹花園去上水，277E只係多咗個清河咁解
以前班客只會死等277E，而家就可以｛分流｝班客去277E
但佢嘅目的真係為咗分流？定係為咗減270班
呢個大家心中都應該有答案
3）對長途客嘅影響
上車耐同站站停成日講，不贅
614 63X服務差已經唔係第一日嘅事
除咗614 63X之外，做得好少少嘅就係68A
所以都吸引到唔少人去坐
但68A除咗短途客外都要做埋藍地鄉郊去屯門公路轉車站嘅服務
但當68A發癲減班個陣，藍地就會出事上唔到車。
班客一係等多10分鐘嘅68A，一係比貴價63X去轉車站
而九巴同運輸署係完全冇諗過解決
4）對短途客自己嘅影響
上面都有提及過長途線會影響短途線嘅班次
而班客依賴雙向分段收費就會出事
試諗下屋企樓下全部都係長途車
而短途車就開20甚至30
可能平時就覺得冇咩事嘅，反正都有得回贈。
但試下有日唔記得帶八達通／用開現金嘅客，咁你就出事
一係你就俾市區價；又或者死等部短途車；再唔係返屋企攞返八達通
－－－－－－－－
總結：
長線短坐對長途或短途乘客都係不利嘅嘢
而解決辦法只有改善短途服務（無論係輕鐵／巴士／小巴）都要
短途線多起客上嚟係可以好過長途線好多
暫時諗到係咁多，有咩容後補充
最應該做短途分段收費係港島北岸個堆聯營線，本身要站站停，不如九龍方向做短途分段食多一水客 ivan920 發表於 2022-10-4 22:03
最應該做短途分段收費係港島北岸個堆聯營線，本身要站站停，不如九龍方向做短途分段食多一水客 ...
整埋兩巴實打交;P
尤其101 102 103 104 106 113呢啲超長流水
如果短途分段 能做到該站登車和落車乘客耗時相當, 影響便很有限, 當然也要視乎乘客能否登車 214P_world 發表於 2022-10-4 22:32
如果短途分段 能做到該站登車和落車乘客耗時相當, 影響便很有限, 當然也要視乎乘客能否登車 ...
車程計確實影響有限，北區堆線做雙向分段係因為落到華明點都大把人上，technically唔會用多時間，但樓主講緊係路線組合問題
214P_world 發表於 2022-10-4 22:32
如果短途分段 能做到該站登車和落車乘客耗時相當, 影響便很有限, 當然也要視乎乘客能否登車 ...
通常上就多過落嘅
但有時頭站範圍特登上個短途客都會影響車程
樓主好勇敢，我以前講出呢d問題既時候，俾人插到飛起。
呢到大把人只會維護巴士公司（邊間都係啦），話用長途線做埋短途線，係提升營運效率既表現喎。
我覺得如果係work既話，不如78A直接取消，由278A加雙向分段同加班取代。;P
*****
不過呢類問題去到今日都無得搞架啦。
特別而家有左$2優惠，坐短途定長途都係$2，
即係變相有一群乘客係唔再睇價錢牌上車，
亦即留意價錢牌先上車既人係越黎越少。 neoplan720p 發表於 2022-10-4 23:17
樓主好勇敢，我以前講出呢d問題既時候，俾人插到飛起。
呢到大把人只會維護巴士公司（邊間都係啦），話用 ...
呢點我就撐班巴公粉，營運效率真係好高
過咗兩個月之後長途客覺得唔對路，咪走去坐鐵
用15蚊嘅客去換4－6蚊嘅客;P
本帖最後由 12Lane 於 2022-10-5 00:43 編輯
呢個問題係唔會有結論，因為每個客都只會企係自己角度去睇，巴士公司就更加唔駛講。
有一班人係成日來回天水圍同元朗，咁梗係支持269D搞分段。
有另一班人日日都搭269D天水圍出沙田，阻佢多一分鐘都覺得心煩，甚至番入天水圍班次，成日元朗上足半車人上上落落，一定係唔爽。你叫佢欖隧轉佢又反問番你，點解架車係主要SERVE我而我反而要起身去避呢班短途客? 仲要欖隧起身一個唔覺意冇位坐咪老襯呢挺沒完沒了嘅討論。
講來講去都係一個天秤，點樣平衡居民利益，
小弟自己都係大西北居民，個人意見就係，自己有時都會受惠於短途優惠，所以搭長線出城受短客影響少量時間都尚可接受。
另外都分享一次經驗，想搭99，唔知咩事廿分一班但廿五分都冇車，站長講明要再等三個字 (變相40分一班)，同時299X開車，都一大班企嶺下居民比佢拉走左，焗搭貴車。咁搞法，我就真係寧願你搞個雙向分段比佢地去西沙沿線算啦，最少有咩冬瓜豆腐可以救一救。
當然我都可以大義澶然地話係99有問題，應該鬧應該敦促佢開足車，自己係咁諗，但班居民連打去投訴分分鐘都唔會，最多咪X下個站長。現實同理想，係有距離嘅。
12Lane 發表於 2022-10-5 00:38
呢個問題係唔會有結論，因為每個客都只會企係自己角度去睇，巴士公司就更加唔駛講。
有一班人係成日來回天 ...
始終269D都係長途路線
我係倡議先考慮長途乘客的利益，再考慮短途乘客的利益（*不適用於流水線／難以設補償地區）
都喺269D做例子
269D其實朝早天水圍坐去沙田都唔多人，可以係上繁分拆路線
而90%乘客係現有嘅服務到可以完全補償
咁下繁時間正如你所講，元朗持份者真係多；而且對長途客嘅影響比較細
就可以保留返