12Lane 發表於 2023-2-19 03:30
雖然部分龍運E線收費偏低係真。
但呢樣加價拉近兩者距離本身就係反人性，冇人會做呢個醜人。講出黎都比人 ...
咁日日無定向班次就有人性?
正如你另一回覆話加價嗰碟飯
唔會多咗份量或者好味咗,同理
如要求做返表列班次,並非奧客啊。
或說「消費券會加劇通脹」
其實無呢嘢,除公營服務外,都
受進口資源、工作年齡層萎縮
所影響,唔係唔俾機會開機場A線
補助便宜路線,但配合返放工時段
都是Premium嘅一種,做到嗎？
kitarolo 發表於 2023-2-19 06:58
咁日日無定向班次就有人性?
正如你另一回覆話加價嗰碟飯
唔會多咗份量或者好味咗,同理
唔係好明你想講咩。
既然加價碟飯唔會好味左，咁正如你咁講，加價都係唔會令佢提升服務水平，收車一樣照收，係唔加番車就唔加番車，係唔開表定就一樣唔開。P960/P968一樣未開足，唔係正正引證係唔work?
本帖最後由 brianso198 於 2023-2-19 11:54 編輯
kitarolo 發表於 2023-2-19 06:58
咁日日無定向班次就有人性?
正如你另一回覆話加價嗰碟飯
唔會多咗份量或者好味咗,同理
畀你大幅加價又點
唔講E41, 而家A47X個服務水平係咩, 相信大埔友都心中有數
E41成功加到價就會改善到佢服務水平?我唔覺喎
12Lane 發表於 2023-2-19 10:46
唔係好明你想講咩。
既然加價碟飯唔會好味左，咁正如你咁講，加價都係唔會令佢提升服務水平，收車一樣照 ...
現況應該咁樣形容
加價唔一定好咗，但唔加就只會變差
價錢牌係巴士公司諗做唔做嘅因素，但搵唔到市場定位就算天價都註定要被淘汰，無理由無止境開一班蝕一班
brianso198 發表於 2023-2-15 21:42
而家出面越來越多工都係搵相同價錢但返工時間少一截
係人都識點選擇
咁你都識講，個責任喺機管局到，而機管局長遠而言又唔係蝕錢，點解要攞政府錢？當下唔夠現金最多咪向政府借錢或者發債
唔夠交通配套又唔夠高人工，吸引唔到人去返工，搵政府補貼，咪即係叫政府資助機場啲公司俾低人工
本帖最後由 brianso198 於 2023-2-19 18:09 編輯
qunow 發表於 2023-2-19 17:39
咁你都識講，個責任喺機管局到，而機管局長遠而言又唔係蝕錢，點解要攞政府錢？當下唔夠現金最多咪向政府 ...
同政府借錢發債，係咪都係納稅人埋單？當年政府注資國泰畀班人鬧到傻，你哋係咪忘記咗？
根本個結果係無分別
再講而家復常速度不如政府預期，其中一個好大原因係機場人手嚴重不足
要解決呢個問題，單靠機場啲公司做根本唔夠
不如咁講，早幾年機場同業放咗接近兩年無薪假，有無人理過佢哋？
政府有無理過返機場同業？有，果D所謂措施衰D講句有等於無。
而家復常但配套完全唔配合，唔諗吓點留住而家班人同吸引新人，死果個係香港
brianso198 發表於 2023-2-19 17:52
同政府借錢發債，係咪都係納稅人埋單？當年政府注資國泰畀班人鬧到傻，你哋係咪忘記咗？
根本個結果係無分 ...
同政府借錢或者向債市借錢，最後都係要用機管局利潤還錢，唔係比咗筆錢出去唔駛還
叫政府直接資助交通就真係唔洗還錢喇
機場人手唔夠，疫情期間啲人走晒，但全港以至全世界受疫情影響嘅所有行業全部都唔夠人手，想啲人返去做咪比夠吸引力嘅人工。好似旅遊巴話開緊價三萬蚊一個月嚟請返啲司機返去。唔係有返咁上下人工，啲人點解要返番入機場做？憑乜機場唔使為自己想搶返啲人返嚟嘅自己員工薪酬福利負責？長遠嚟講機場又唔係蝕錢比唔起
本帖最後由 brianso198 於 2023-2-19 18:34 編輯
qunow 發表於 2023-2-19 18:20
同政府借錢或者向債市借錢，最後都係要用機管局利潤還錢，唔係比咗筆錢出去唔駛還
叫政府直接資助交通就 ...
第一, 當時國泰都要還錢, 但點解會一樣被鬧到狗血淋頭?
第二, 講咩長遠?
而家短期問題存在而且係會影響左成個香港
再講機場唔夠人問題疫情前已經發生緊
機場同業過去幾年為左維持基本服務放左兩三年無薪假, 無人幫咁濟又唔講下
而家話想吸引多D人返工同埋努力復常, 一句點解要問政府拎錢
qunow 發表於 2023-2-19 18:20
同政府借錢或者向債市借錢，最後都係要用機管局利潤還錢，唔係比咗筆錢出去唔駛還
叫政府直接資助交通就 ...
機場人手唔夠根本唔係呢幾年內發生
長久以嚟都係咁
brianso198 發表於 2023-2-19 17:52
同政府借錢發債，係咪都係納稅人埋單？當年政府注資國泰畀班人鬧到傻，你哋係咪忘記咗？
根本個結果係無分 ...
財政預算案都放風有機會加稅,上調離境稅會係
一個辦法,亦符合用者自負、專款專用嘅大方向
無錯係會削弱香港競爭力
但全球航空界講明未來一兩年
都難再有廉航/廉價機票,當外國
有啲航空公司係國有企業要為疫情
回血嘅時候,國泰係私企性質但屬香港
品牌嘅唔見得可以例外。