kei_hk 發表於 2023-7-11 12:22
咁大家的 "鐘/時間" 是否真係一致?
司機見到 12:30:00 ﹐於是開車。
時間係用天文台個鐘為準
司機好明顯係等到搭正7:34:00 閂門,因為司機7:32 已經開門
今日仲口響同一個人講, 平時7:34 就開~
PS. 平時早3分鐘已經到巴士站
lsc04d11 發表於 2023-7-11 10:24
為何人不能早1兩分鐘到巴士站等車
乘客早幾多分鐘同師傅早開有咩關係?
個人角度，唔好離譜到早超過一分鐘都可以接受嘅。
timewater 發表於 2023-7-11 12:52
乘客早幾多分鐘同師傅早開有咩關係?
好有關係囉，你做乘客嘅根本應該一早預先計好時間去巴士站，而唔係架車開前1分鐘先到巴士站，做人冇時間觀念就唔好做人，況且唔單止樓主所講嘅嗰條特別線，好多巴士喺總站都會早1分鐘開，你想搭嘅就唔該早少少去巴士站
Peter03145212 發表於 2023-7-11 13:34
好有關係囉，你做乘客嘅根本應該一早預先計好時間去巴士站，而唔係架車開前1分鐘先到巴士站，做人冇時間 ...
咁樓主都冇話自己追唔到車，佢只係將自己觀察嘅野講出黎。老實講喎，早兩三分到巴士站只係good practice，但準時開車係巴士公司責任。不過咁講都冇意思，到時又有人搬D萬能key免責條款出黎話巴士公司有權根據營運狀況改時間表blablablah
toyl 發表於 2023-7-11 09:19
正常係要睇八達通機個時鐘開車，不過好多時車長見上完客，望住出面個紅綠燈一見就嚟綠燈就打大走咗先，所以 ...
如心廣場總站尤其嚴重
本帖最後由 kei_hk 於 2023-7-11 14:17 編輯
timewater 發表於 2023-7-11 12:51
時間係用天文台個鐘為準
司機好明顯係等到搭正7:34:00 閂門,因為司機7:32 已經開門
司機的鐘一定同天文台100%準確?
如你足夠資料確認司機不依時開車﹐直接把資料交巴士公司作出投訴。
本帖最後由 WR309 於 2023-7-11 14:18 編輯
timewater 發表於 2023-7-11 12:51
時間係用天文台個鐘為準
司機好明顯係等到搭正7:34:00 閂門,因為司機7:32 已經開門
再仔細睇樓主嘅情況, 同埋我個人觀察到字裡行間的內容,
我大概估到有機會係呢個總站排車上出現問題, 導致掛牌車長稍稍提早一分鐘到幾十秒離站,
而呢個站亦有機會係因為路邊站, 不設駐站站長/外勤排車而出事
首先, 我冇估錯, 呢個站在平日工作日,
同一時間在0735會有兩班表定巴士開出, 而0736亦有另一間公司巴士開出,
未計循環點停站嘅巴士和違泊影響
可能車長喺排車上有時候會同行家協調, 到底邊個先邊個後, 定係三架車一齊埋站上客,
因為大家相距時間只差唔夠一分鐘, 而總站根本容納唔到咁多車同時上客和出發,
同樣情況一樣會出現喺新威園/康怡下繁, 如果冇外勤排車, 或者有車遲到, 成個時間表就會亂,
所以就出現私下協調早三分鐘開門, 早一分鐘內離站情況
如果要解決呢個問題, 第一步並唔係鬧車長打大唔跟時間表行 (雖然作為乘客的確見到佢係稍早開出唔太高興),
而係要建議巴士公司一係派人排車, 或者微調開車時間至 0734,0735,0736 各開一班,
咁樣先可以完滿解決問題,
而長期來講, 呢個站將會有幾多居民去用, 遲早都要改善
相信樓主明白呢個總站嘅運作情況, 亦知道點樣用交通投訴組,
不妨先先唔好用打大角度去睇件事, 試下用 "建議修改開車時間",
或會有意想不到效果, 亦會改善到呢個提早開車嘅問題
(提提, 要建議就趁暑假好做, 依家仲有50日時間, 唔係一到開學日就更亂, 呢個站旁邊仲有幾間學校)
87S 在大學/ 錦英有時早1 min 就開。自己早d去等車。
好像放工在大學站, 次次有人追出來要上車, 唔比上又話唔比上, 比你上埋結果遲了開車。
跟著, 又要塞班馬線出迴旋處, 加加埋埋遲了返大學站又點計?
本帖最後由 selfcloser 於 2023-7-11 14:23 編輯
早咗不能接受你試吓想放工但打咭早左一分鐘
你試吓落堂早過打鐘行出課室