1181174166 發表於 2023-10-4 23:39
問題係
主軸都因為人手問題減班，跌咗落鐵執唔返，cut多兩條跌多錢
所謂上有5C下有5，5又唔到下路，咁計唔 ...
而家問題就係需要喺路線數目同班次之間取得平衡，流水線首先就要密車吸客，確保順向 10 分鐘內一定有車。成條路無咁多客，首先就應該減路線數目，維持主軸線頻密班次
唔係話咩外國營運果套畸形，實際上全世界都係咁做。香港呢套當年行得通係因為真係有咁多客，但而家因為鐵路通車同人口老化而跌客跌成咁，客量不復當日，外國大城巿一套係有參考價值
人地從來唔會一條主軸九條流水線咁多，最多都係三四條。咁當然減到得返三四條以香港情況太大諗頭，兩三條主軸線再加幾條疏極有限度副線做獨巿位係差唔多
根本 5C 先係下路兩條主軸線之一，你就調返轉想殺線，到時全世界齊齊等 25-30 一班車係好事？仲有唔好忘記 5C 係尖沙咀回程唯一下路車，搵 5C 做主軸係理所當然
6C 最大價值係青山道，拎出去長沙灣道同鐵路重疊，傻的嗎？荔枝角道同填海區段，往來紅土無左 6F 仲有 12A，6F 唯一存在價值係填海區同荔枝角道單向往 QE，搵 18 單向改經油麻地同加士居道往何文田已經完美取代。反而係 X6C 作為新服務，全日後無必要抄足 6C 深水埗段行法就真
都係果句，富山無咁多客，連更值得做既深長荔都未搞掂果陣，就無謂一條上路 5 一條下路 3B。而慈雲山亦無需要 3B 5C 兩條重疊，唯一係收費問題，但換到其他野絕對有得傾
5C而家最大問題係客量持續下跌,但點跌都仲有可觀收視,所以維持現有水平是比較恰當,當然我唔排除仲有減班機會.
5P而家可以直接殺線,任務完成,5X就維持現狀算.
至於5,由於有26和28爭食,而家26和28收費比5高,我估計5仲有機會被陰車.
紅土批平價線,我諗遲早條條全日30,岩路數就坐,唔岩路數就轉會.
S3BL100 發表於 2023-10-5 00:10
而家問題就係需要喺路線數目同班次之間取得平衡，流水線首先就要密車吸客，確保順向 10 分鐘內一定有車。 ...
主軸之外接駁線都唔可以太疏，而問題係殺完堆線係咪谷到上10分鐘一班?
6F倒兩班落6C就啱啱上到10分鐘一班，都係打個和咋
而人哋做到其中一個原因我覺得係雙向分段，不過sorry香港係諗緊點upgrade
而且掛接落車由得你拍卡都唔太影響落車，再重點係交通費比香港貴
如果下有5呢個成立，咁5A係咪又大區論做下路?當然唔會
殺3B同時換到5/5C/5P加班嘅，唔係無得傾，不過我會諗嘅係3B延長至尖沙咀兼加班定直接加5C
我唔認為6C行大埔道覆蓋到荔枝角道，搭12A落紅磡傻的嗎?
過咗旺角開始兩者有啲分別，6F攬炒6C，老老實實未通屯馬6F已經係20分鐘一班起跳嗰啲，我唔認為6F真係太大影響
而且主軸轉車論，咁青山道有條6，又攬炒?
1181174166 發表於 2023-10-4 23:39
問題係
主軸都因為人手問題減班，跌咗落鐵執唔返，cut多兩條跌多錢
所謂上有5C下有5，5又唔到下路，咁計唔 ...
咁再深入一層睇
一堆僵屍線hold住批資源又打散批客
間接都影響到主軸線
況且保得住條線亦唔代表保得住班次
而家30絕對唔係底
累鬥累遲早旺個條都變20
其他35-40都仲得
其實九龍城轉車站既網絡
再加而家主軸線仲維持緊一定既班次
絕對有空間做整合
係睇九公有無決心玩
1181174166 發表於 2023-10-5 00:36
主軸之外接駁線都唔可以太疏，而問題係殺完堆線係咪谷到上10分鐘一班?
6F倒兩班落6C就啱啱上到10分鐘一班 ...
而家個目標就係要保住主軸線順向最疏 10 分一班吸客同留客啊。都係果句，你覺得留晒咁多條線但最後大家齊齊等 25-30 分一班真係好結果？
6C 6F 個例子同 5C 3B 一樣，當年真係有咁多客，留 6F 輔助條 6C 唔係問題。但而家無咁多客嘛，我立場一定係殺 6F 保 6C。至於你話咩 12A 慢過 6F，sorry，岩岩呢一刻睇九巴官網數據，石硤尾街往鶴園街，6F 25.8 分，12A 30.5 分，無錯 6F 快，但少過五分鐘，而 6F 30 分一班、12A 開緊 15-20。你認為真係會有客死等 6F？而 12A 先係大把獨巿位果條，覆蓋一定緊要過快果區區幾分鐘
調返轉青山道 6 6C 又真係有返咁多客，支持到兩條各自開 10 分班，咪唔使搞佢
至於 5A，我好同意當日唔應該鬥氣開全日燒錢兼浪費資源，但我未諗到除左變返兩味甚至殺線之外仲可以點收科
殺 3B 後 5C 下繁係唔應該再見到 15 分班次，應該點都要上返 8-10。但都係果句，慈雲山富山計，換其他野返來既優先次序高好多，富山而家連全日深長荔都未搞掂
都係啦，所有非繁基本班次跌穿 20 分既流水線，係有必要考慮同其他線重組或合併，而唔係下下攬炒 25-30。當然唔會條條都一定有空間重組，好似 5D 7B 18 208 呢類點都會係 30 分一班，但下路堆流水，明明有大把空間重組
當然郁 5C 6C 就免問，道理就正如 1A 呢條老牌流水線無任何重組空間
Snoopy@FB8617 發表於 2023-10-5 00:54
咁再深入一層睇
一堆僵屍線hold住批資源又打散批客
間接都影響到主軸線
九龍城轉車站個人覺得九龍東車程都唔算短，鐵路又唔係最方便嗰隻，但係西九龍上下就係都有鐵
6C補唔哂6F嘅時候，碌旺角去長沙灣，而且青山道都可以大區論不適用嘅時候，諗緊6F加條紅土半特快去長深荔
如果轉車不適用，不如諗下長短分離
S3BL100 發表於 2023-10-5 01:06
而家個目標就係要保住主軸線順向最疏 10 分一班吸客同留客啊。都係果句，你覺得留晒咁多條線但最後大家齊 ...
12A 15分鐘一班vs 6F 30分鐘一班
除非就嚟有架12A而6F啱啱走咗啦，我唔認為完全無人死等，數據點都受主觀因素影響
而大區論，地鐵站都做緊青山道，6C唔踢出長沙灣道都係打緊地鐵架啦，踢出去反而執返多少6F跌落鐵啲客
6都係咁減，美孚落旺角攬住兩條線咪又係好似紅土一樣，遲早都係有條傷
老牌線又點？老牌線咪又係畀鐵打殘，6C係老牌線唔使講重組空間就唔使講殺6F去救啦
S3BL100 發表於 2023-10-5 01:06
而家個目標就係要保住主軸線順向最疏 10 分一班吸客同留客啊。都係果句，你覺得留晒咁多條線但最後大家齊 ...
5A 減速食 8P 可能慳到車的。
宜家重組環境，價錢牌同慳車兩者同樣重要，反而班次係冇人理，原有乘客兜多 5-10 分鐘，好多情況都視為合理。
紅土仲有條 28 𠝹走晒 5 5C 的客，東面仲分走一堆 13X 213X 客，其實都唔理想，不過搞 28 又係會比人聲討的。資源論，28 去到上下路交界掉頭返樂華，尖沙咀客留返晒比 5 5C 13X 213X 去做，營運效率高唔少，亦都唔會阻住 5 尖碼開車，係可以諗下，不過呢啲單純的 cut 車食相又難睇都幾難實行。
1181174166 發表於 2023-10-5 01:23
12A 15分鐘一班vs 6F 30分鐘一班
除非就嚟有架12A而6F啱啱走咗啦，我唔認為完全無人死等，數據點都受主觀 ...
老牌線唔代表唔改得，以前都有 40 提速的先例。隔離講緊的 89 又係一條老牌線。而家堆老牌線班次越做越縮，去到 15-20 分鐘一班水平，其實就有重組空間。
不過而家重疊路線係重點整頓對象，12A 絕對係 6F 的合理替代品。
1181174166 發表於 2023-10-5 01:23
12A 15分鐘一班vs 6F 30分鐘一班
除非就嚟有架12A而6F啱啱走咗啦，我唔認為完全無人死等，數據點都受主觀 ...
6C 掟出長沙灣道仲有另一個問題，就係長沙灣道流量，如果唔相應減返一小時六班車都係免問
不過我覺得你好得意。6F 荔枝角道倒左落鐵既客，佢地有 12A 都唔坐既話，長沙灣道畀返條 6C 佢地，佢地一樣唔會坐，因為行出去已經有地鐵站，點解仲要等你部 6C？都係搭巴士，行五個街口出去坐 6C，行路時間加車程，係一定差過原地等 12A，計埋等車時間都係咁話
另一邊廂，就算真係畀你搞得掂長沙灣道流量問題，掟 6C 出去，你又肯定青山道客行得出去會咁神心繼續等 6C？;P
望返上文下理，我所指係老牌大線無得改。3B 一樣係老牌線，但唔係大線，當然可以改。但你好似完全唔明白亂改老牌大線會出現咩後果