署擬邀紅巴直接轉綠 暫涉10線 全已參與2元優惠 料年內出...
據了解，運輸署上周與小巴業界開會介紹新安排，署方據路線持有人營運資料，評選出10至12條表現合格紅巴路線，獲邀初步條件包括現有路線為固定路線、業務須由有限公司持有等。香港公共小巴車主司機協進總會主席張漢華估計，紅磡至旺角、旺角至何文田愛民邨、香港仔至旺角3條路線符合條件，獲邀機會高，相關線主亦願轉型。
但紅小會與巴士有所重叠，轉綠小會唔會有問題？
原文網址：https://news.mingpao.com/pns/%e8%a6%81%e8%81%9e/article/20240606/s00001/1717611473346
本帖最後由 m_rd08 於 2024-8-2 15:55 編輯
共11條線
https://www.td.gov.hk/tc/transpo ... uses/rtg/index.html
https://www.info.gov.hk/gia/general/202408/02/P2024080100555.htm
路線參考編號符合條件的紅巴路線
1油塘(油塘道)– 觀塘(裕民坊公共運輸交匯處)
2秀茂坪(曉光街)– 佐敦(北海街)
3土瓜灣(譚公道)– 何文田(俊民苑) (循環線)
4慈雲山(惠華街)– 佐敦(南京街)
5油塘(鯉魚門徑)- 佐敦(吳松街)
6香港仔(東勝道)– 旺角(洗衣街)
7石籬(石梨街)– 旺角(上海街)
8何文田(孝民街)– 旺角(花園街)
9元朗(峻巒)– 元朗站(朗明街) (循環線)
10西貢(惠民路)– 旺角(登打士街)
11觀塘(馬蹄徑)- 旺角(登打士街)
運輸署今日宣布推出小巴「特選紅轉綠」計劃，邀請11條符合條件的紅色小巴路線營辦商申請將其路線轉為綠色專線小巴，並預計於今年底前完成審批。
獲邀的路線均已參與「二元計劃」、服務年期達五年以上，且由單一營辦商經營。11 條路線包括七條九龍區內線、兩條旺角往返新界區（石籬及西貢）路線、過海的香港仔旺角線，以及永東經營的峻巒-元朗站路線。
行得呢步其實紅頂仲可以玩幾耐都係問題
政府救紅小都只係優化紅轉綠
但紅小同綠小營運上有差異 紅van可以留位，走線又靈活，反而綠van局限你條走線，加價又要等，傻仔先轉 應該趁呢個機會，紅van全面轉綠，取締紅van 轉綠就有專營權保障，即使巴士來爭食都有得say no。但係失去用車靈活性，呢部車無得行第條線，無得接客人柯打。 轉綠小要開新號碼
紅磡旺角線用番 71 號 ? :lol 本帖最後由 TYChow 於 2024-6-6 19:27 編輯
運輸署呢一種免招標「紅轉綠」根本無意義（甚至係「反智」），因為綠色專線小巴係必須按照指定嘅路線同班次行走，甚至連小巴嘅客運營業證都限死咗架車可以行駛嘅路線添呀！「紅轉綠」嘅專線小巴明顯就唔符合紅色小巴可以按需求提供服務，以及「跳飛機」嘅營運模式囉！肯定係浪費石油氣！
自己以前親眼睇過，一架紅色小巴半夜可以由上水載客出佐敦道，再由佐敦道載客去藍田，之後又可能喺日頭行「荃觀線」，或者坪石邨去荃灣，如果真係「紅轉綠」，架小巴反而就行唔到咁多路線，但係司機或者車主俾咗幾多條線或者「站頭」嘅「入線費」就另作别論！
不過而家連「專利巴士集團」或者做過專利巴士策劃部主任嘅人，都會開多一間有限公司去攪紅色小巴添！
運輸署與其強要「紅轉綠」，倒不如設立「公共小巴管理人」牌照，要求佢哋就每個牌照組成不少於十部紅色小巴嘅車隊，可以接受電召以及行駛同市區的士相同嘅營運範圍，但不可與專線小巴行走相同路線。
如果運輸署識玩，其實係可以先借助「公共小巴管理人」去協助研究新區公共屋邨嘅交通需求，再安排開辦專利巴士路線或者由相關嘅「公共小巴管理人」轉換成為專線小巴營辦商，咁樣會比起純粹只係由「紅轉綠」更加好。
本帖最後由 kei_hk 於 2024-6-6 09:45 編輯
TYChow 發表於 2024-6-6 09:07
運輸署呢一種免招標「紅轉綠」根本無意義（甚至係「反智」），因為綠色專線小巴係必須按照指定嘅路線同班次 ...
只係講作用極細﹐唔可以講反智。
作用不大﹐只係好多路線都唔會係由一間公司主理﹐又或者成班司機營運一條線﹐但無建立一間公司管理。
但係#1 的內文已經提及幾條線﹐例如旺角<>紅磡的71號線。
神早已經係由單一公司 + 專用車運作﹐批車唔會出走其他路線﹐神早符合做綠van線的要求。
**但已經係綠van形式運作的路線﹐真係少之有少﹐所以就一開始就講作用極細**
不過﹐以前紅轉綠要經過招標﹐即係原有經營者唔保證可以取得路線。
所以﹐佢地一直唔肯轉做綠van線。
而家可以唔招標﹐這條線真係有機會紅轉綠。
聽聞﹐當初推出紅轉綠政策之時﹐這條線已經想轉綠van﹐只係基於要招標制度而一直唔轉綠van。
旺角-愛民邨唔係已經有線無車咁滯喇咩:o
不過所謂「表現合格」路線，應該都係本身客量唔差嘅路線，轉唔轉綠無乜分別，反而運輸署應該係想乘機縮減紅van數量，藉此夾死埋剩低嘅其他紅van 本帖最後由 kitarolo 於 2024-6-6 17:48 編輯
kay 發表於 2024-6-6 06:37
行得呢步其實紅頂仲可以玩幾耐都係問題
政府救紅小都只係優化紅轉綠
本人有一次喺九龍
凌時三點幾等通宵巴士
見到係某部N線到站,近10人
從停在路邊的紅Van(有著匙)
落車並上該N線。
嗰晚無落雨,唔係特別熱特別凍
ETA九或城喺凌時應該甚為準確
紅Van暫時諗到係
屯門黃金、旺角西貢、
石澳大浪灣嗰啲叫值得營運/
有本錢繼續留位制與自由訂線
相信多數紅Van線已到夕陽。