S3BL100 發表於 2024-9-28 21:25
如果打算直接叫新蒲崗客行去鑽石山搭車既話，75X 都仲可以考慮擺樂富唔做循環，時間唔會同循環方向差好多 ...
直接行沙田路(aka 85A直接取消)好過沙角街唔入又要搵大埔至紅土較飛
拆線唔加車，侯車時間條數未計
1181174166 發表於 2024-9-28 21:41
直接行沙田路(aka 85A直接取消)好過沙角街唔入又要搵大埔至紅土較飛
拆線唔加車，侯車時間條數未計
...
85A 最麻煩可能係新田圍同富豪花園，當然富豪花園可以勉強叫人行去銀城街或者威院
沙角街入埋去都出唔到咩客，大大個屯馬線車站喺頭頂
咁當然唔搞 75X 直接取消 85A 我都無好大意見，但 75A 可以方便好幾條線後續重組（唔止 85A，仲有 72A 74A 都有份）亦係事實。兩個方向平均比起直行沙田路慢五分鐘兼且本身已經快過今日條 75X 前提下，我唔認為咁做係搵大埔往來紅土較飛
因為直去都唔見得夠客
車數我係計過，至低限度 14 部車係做得到兩條廿分班，唔似人地版友左攬 75X 右抱 275X 方案係一定做唔到
本帖最後由 1181174166 於 2024-9-29 20:32 編輯
S3BL100 發表於 2024-9-28 22:03
85A 最麻煩可能係新田圍同富豪花園，當然富豪花園可以勉強叫人行去銀城街或者威院
沙角街入埋去都出唔到 ...
只係五分鐘，唔試下拉其他線落去?
觀感差就梗，個概念係新界過完隧道先兜同兜完先入隧道
就算比大老山快都講緊五分鐘程度，班次拉疏抵消返
而且於大埔而言係由兜九龍變兜沙田，兼要用佢哋資源做沙田
黃大仙都夠客，紅土掃到樂富又唔一定差到唔夠客上沙田路
85C改85X，時間快咗吸引人回流已經係例子，何況當年無鐵路
757 發表於 2024-9-28 11:15
1. 本身75X服務範圍就唔近鐵，黃大仙總站候車環境甚至舒服過龍翔道，所以黃大仙客影響應該唔太大；富美街 ...
1、問題係上邨同北館嘅客肯唔肯行多幾步去黃大仙總站坐 75X？
始終樓下就係黃大仙站，自從見到東鐵過海後 307 客量不復從前，
可以見到大埔中心同廣福道班客似乎唔係想像中咁支持巴士。
2、當紅巴可以直接將 85B 變兩味嘅時候，要做低 85A 使唔使咁架床疊屋？
3、有屯馬綫嘅情況之下，乙明邨 <> 九龍城睇怕都唔會有乜客。
S3BL100 發表於 2024-9-28 21:25
如果打算直接叫新蒲崗客行去鑽石山搭車既話，75X 都仲可以考慮擺樂富唔做循環，時間唔會同循環方案差好多
...
1、同意新蒲崗 -> 大埔要繼續有直車，叫人行去鑽石山都會趕客落鐵，
但閣下嘅 75A/75X 建議亦等於為咗新蒲崗而放棄龍翔道同富美街，影響難以估計，
與其直接一刀切，不如先行拉長 74B/274X 分拆時段，觀察過後再作打算。
2、都係嗰句，有 85B 作為先例，需唔需要咁樣去處理 85A？
富豪花園、乙明 <> 大埔，紅巴咁多年都係 20/30 甚至一個鐘一班應付，
就算 B8/79 先後開辦都無動作加強服務，重組 72A/74A 真係要用 75A 去補？
3、認同本身 75A 不必入沙角街，但同沙田圍班人講 75A 係 85A 嘅代替品，
沙角、博康班客似乎唔多會同意（當然佢哋依家多數坐屯馬綫），
最後佢哋要 75A 入埋沙角街先放走 85A 的話，咁要點樣處理？
1181174166 發表於 2024-9-29 00:00
只係五分鐘，唔試下拉其他線落去?
觀感差就梗，個概念係新界過完隧道先兜同兜完先入隧道
就算比大老山快都 ...
拉其他咩線落去？
其他條條行晒成條沙田路入大埔同北區都係往來油尖旺，本身都已經夠客，根本無必要拉落去
但非繁大埔有幾多人往來樂富九龍城紅土，我真係無乜信心
調返轉基本盤更大、更值得做全日特快既大埔往來深長荔，到今時今日，因為種種原因，非繁都係要靠一條爬山站站停入埋沙田巿中心既 72
你對客量好有信心，我無信心，fine。我唔否認拉直路線有助爭取乘客回流，問題係有幾多。當然夠唔夠客係一件事，整體網絡效益同樣重要。但今次個情況，75A 直行沙田路固然比起另一位版友左擁 75X 右抱 275X 方案來得合理，但對比起落一落大涌橋路，並唔見得帶來更大整體網絡效益。反正好多時候大家以為頭尾段有得直出就一定多好多客，實情係有至少一半情況係本身就無咁多客
SE7378 發表於 2024-9-29 14:24
1、同意新蒲崗 -> 大埔要繼續有直車，叫人行去鑽石山都會趕客落鐵，
但閣下嘅 75A/75X 建議亦等於為咗新 ...
直接拉長 74B 274X 拆線時段，之後會收唔返，況且成件事用既資源都幾肯定會比起今次 75A+75X+74X 更多
當然今時今日環境，九龍灣非繁可能唔差得過紅土，但肯定會有人彈出來話九龍灣非繁無客
其實今次將 75A 同 74X 捆綁，大埔會唔會因為 75A 兜一兜落沙田（仲要兜完都比 75X 快），而連 74X 全日飛走新蒲崗同鑽石山都唔要，本身就係一個好問題，我就唔會將問題簡單化當成好似單純係用緊大埔資源做沙田。但厹無打 B8 79 係一件事，沿線尤其是乙明邨會唔會放走 72A 74A 完全唔做河東而無其他補償係好大問題
不過沙角街係一個我唔會退讓既位，一方面係特登兜左入去，兜完就唔快得過今日條 75X；二來兜入去就做唔到非繁八部車廿分班，要加多部車先掂。反正今次無捆綁 85A 一齊去做，75A 絕對可以直接行大涌橋路，但第二年就可以因為 75A 85A 攬炒搞到 85A 跌到渣都無得剩，直接斬左條 85A 再拉 82X 經彩虹道落九龍城碼頭了
S3BL100 發表於 2024-9-29 21:58
拉其他咩線落去？
其他條條行晒成條沙田路入大埔同北區都係往來油尖旺，本身都已經夠客，根本無必要拉落 ...
而家好多人搭巴士由大埔去富豪沙角乙明？
值得犧牲樂富土瓜灣去成全呢堆客？
你對大埔往返樂富土瓜灣冇信心
我對大埔往返沙田反而冇信心囉
都係果句
而家72 72A 74A 79 B8沙田區往返大埔係咪多客到爆瀉
要犧牲樂富土瓜灣去做呢堆客？
你要保留樂富同聯合道堆客
然後又要吸番啲土瓜灣客返嚟
75X同275X並存係唯一選擇
好過搞條三不像既75A出嚟
連土瓜灣往返大埔堆客都倒走埋
從來只有快先至吸到客
走去兜多個地區
就算幾快都好
因為走線觀感差咗
唔會多咗客仲會倒走埋
本帖最後由 S3BL100 於 2024-9-29 22:50 編輯
kmb71k 發表於 2024-9-29 22:20
而家好多人搭巴士由大埔去富豪沙角乙明？
值得犧牲樂富土瓜灣去成全呢堆客？
你依然繼續錯重點
首先落一落大涌橋路快過今日條 75X、觀感亦唔差得過 75X 前提下，犧牲樂富土瓜灣去成全沙田客之說已經不能成立，但你到今日依然對 75A 快過 75X 視而不見，仲講到好似因為落一落沙田就可以直接落結論話無論時間定觀感都差過 75X，唔使理會實際時間同實際觀感
但絕對唔係你無視就無左呢件事囉。明明去到浸大門口依然係獅隧入口隔離，你肯定屈返轉頭兜埋黃大仙鑽石山觀感好得過落一落沙田但都仲係大直路順住去？落一落沙田就叫做兜多個區，好似而家九龍段行到天荒地老、兜齊黃大仙同新蒲崗鑽石山，就唔叫兜多個區？
其次都明示暗示左好多次，咁做其中一個原因係要方便後續重組。講得白少少，今日唔做左呢步，你地可能日後往來深長荔非繁都係得一條流水 72 啊
不如你答左兩個問題先，我都問左好幾次：
1. 左擁 75X 右抱 275X，資源係得咁多，你諗住邊條非繁開 25-30？
2. 咁樣重組法，你打算之後由得 74X 回程兜新蒲崗鑽石山直到永遠、唔去處理，定係諗住直接倒走晒新蒲崗回程客就算？
核心問題就完全無回應過，你講咁多野轉移視線都無意思
S3BL100 發表於 2024-9-29 21:58
拉其他咩線落去？
其他條條行晒成條沙田路入大埔同北區都係往來油尖旺，本身都已經夠客，根本無必要拉落 ...
拆兩條20出嚟但係75A畀出嚟快嘅效果唔明顯，對大埔嚟嚟無必要拆
特別係依家仲有12分鐘，一嘢要落兩格
衰極75X16分鐘之內有車，拆線本身碎片化疏就預咗，行沙田路時間上先有數維