kmb71k 發表於 2024-10-3 22:30
1, 油塘擺唔到一條密車線
5, 白石角寧要74D/P多過96囉
其實 14D 14H 真係唔需要獨霸一條坑
再唔係同 214 共坑，大本型擺站頭尾，踢落油塘站都仲有位
-
的確係寧願出到觀塘
不過 74D 74P 不成氣候
大埔人咁憎恨白石角
不如拎條佢地唔搭既去改好過
1181174166 發表於 2024-10-3 22:42
1 咩一樣?有車唔上怪人?
原本兜開叫肉糜，人哋減班兜沙田又唔係?
吹到觀塘咁多人，變成有位揀，另一個層面 ...
有車唔上幾奇怪？290 290A 將軍澳平行夠係大把人 A 唔上上 0 啦
你再諗下點解 274X 初開果期都仲要留 74X 清客，而家咪全部變晒 74B+274X
你講到好似下游九龍灣客多左部慢車揀位坐，問題係佢地因為上唔到快車迫住坐慢車最後係遲左先去到目的地啊。講到好似咁都係得益，我 75X 改循環新蒲崗咪一樣唔使同觀塘客爭位坐或者企。仲有就算係 75A 行車加等車時間最差情況咪又係同 75X 打和，我起碼無令到佢地變慢喎
係你先好意思攣都拗返直
調返轉我又問你，新蒲崗客量點解要觀塘客陪兜去做？點解將新蒲崗拆開就可以大條道理觀塘客減到上唔到車？仲好意思 74X 觀塘同九龍灣拆開偷換概念，你望返上文下理我「觀塘」除左講話觀塘客打爆快車搞到九龍灣上唔到呢個 point 之外，都係泛指成條觀塘道啊。但觀塘去到九龍灣係直去順路，入埋新蒲崗係明明去到隧道入口都要兜多兩個字啊
下下淨係識話咩我原則係合埋一條線去做，問題係首先唔該望下效果係點。反正咁樣拆條 75A 出來，三條線之間互不攬炒，唔存在左擁右抱情況，唔係隔幾個街口又要有多部車果D
無論抽邊條線資源去做新蒲崗回程都好，首先大前提係唔好搞到有人上唔到車囉。明白嗎？
SE7378 發表於 2024-10-3 23:38
先唔好講 79/B8 有無可能將來加時做埋上繁往大埔嘅客，
72A/74A 本身太疏兼太兜，競爭力低，但換做 75A，
...
我其實傾向同意早多幾版流星雨版友評估，如果到時有人彈出來反對，會係因為工業邨問題。但 75A 比起 72A 同殭屍線 74A 都更深入大埔中心係真
不過如果長遠大方向係想搞 72 換 272E 至少做半全日，72 因為成堆咁複雜流水客唔郁得，最盡都只能夠非繁減到全線 30 分一班，到時剩底果條無論係 72A 定 74A 都好，都有必要行沙田巿中心，然後同 72 聯合班次做埔公往來沙田巿中心接駁，方便轉乘往來各區
甚至乎想再更進一步，72A 併埋入 72 畀 72 272E 齊齊做基本廿分班，72 都係要搬去工業邨，一樣避唔到因為想 272E 延時而令到經埔公往來工業邨果條線好可能要脫離乙明邨呢個問題
但 75A 沙田區我畫到同 74A 一樣咁行，至低限度 74A 呢條想再搞埔公就唔可以唔考慮既線，想像空間大好多
天空之神 發表於 2024-10-4 13:24
其實 14D 14H 真係唔需要獨霸一條坑
再唔係同 214 共坑，大本型擺站頭尾，踢落油塘站都仲有位
因為大埔人憎白石角所以就要由有變無，然後仲要搞到成個觀塘同將軍澳群起反對？
睇來大埔人都幾憎富蝶，反正係新區無牙力要求一定要直出，甚至乎經大埔墟或者五期返富蝶做全日都因為綠小 24 而無乜可行發生，而家又有 74 呢條怪獸，直接將富蝶同白石角串埋一齊咪得囉，再改經舊墟落到翠怡花園直行大埔太和路又唔慢過而家兜大圈，亦唔影響其他現有路線乘客
使乜特登挑起其他地區抗議，又搞到科學園返放工客無車搭，簡直無野搵野來搞
本帖最後由 1181174166 於 2024-10-4 22:50 編輯
S3BL100 發表於 2024-10-4 21:49
有車唔上幾奇怪？290 290A 將軍澳平行夠係大把人 A 唔上上 0 啦
你再諗下點解 274X 初開果期都仲要留 74 ...
回程一日你答唔到上74X定75X，講經？
上唔到快車迫住坐慢車最後係遲左先去到目的地->同74X比慢咗喺邊?
75X 改循環新蒲崗咪一樣唔使同觀塘客爭位坐或者企->九龍灣點上75X?
75A 行車加等車時間最差情況咪又係同 75X 打和->-5+(20-12)=+3
新蒲崗客量點解要觀塘客陪兜去做？->我有邊個提議無快車?拆74X有、74B+274X都有
74X+75X供車拆線又點解一定係重疊而攬炒?單係74X做唔哂搵74B執，點炒74X?夠多人就如東日本鐵路互補添啦
遲咗去目的地？75A班人落沙田唔係慢過直去？
74X+75X供車點都唔會搞到74X落到12，依家唔係事必要74X找哂數
除非你話根本新蒲崗直頭車都上唔到
我好簡單啫，拆線大家找數齊齊加快
本帖最後由 S3BL100 於 2024-10-4 23:10 編輯
1181174166 發表於 2024-10-4 22:23
回程一日你答唔到上74X定75X，講經？
上唔到快車迫住坐慢車最後係遲左先去到目的地->同74X比慢咗喺邊?
75X ...
而家佢地回程係坐緊 74X，所以呢？所以就代表一定要用返 74X 資源去 serve 佢地，就算搞到上游客上唔到車都唔使理、都係天經地義？
講得路線重組，適量洗牌用最有效率方法去做晒咁多客根本唔應該有爭議，係你講到好似今時今日 75X 回程無做新蒲崗所以理所當然要優先抽 74X 資源去拆，係你先夾硬資源論將條條線都斬開晒去睇，夾硬整個偽命題以為自己好似好有道理，實際對乘客影響就唔理
明明而家 74X 密得來亦的確係乘載率最高果條，唔係叫你將 75X 或支線減到跌穿廿分班，起碼做返接受到班次係應該。但亦唔係搞到原來班客上唔到車囉。但見你咁耐都唔提上唔上到車呢件事，你好明顯係無呢個觀念
都講左好多次，你果兩個方案效果都係相當差。74X 拆快慢兩條，快車德福之前打爆，德福打後班客車程無變快但等耐左，8 變 15，仲好意思問我慢左喺邊
74B 亦講左，呢條就真係無藉口搵 75X 抽車去做，因為事實 74B 去程唔會做埋 75X 做緊果班新蒲崗黃大仙客。但都係啦，74B 想非繁廿分班就意味 74X 一定趺落 12，上到車先算
你想 74X 都供車，我都講左，原則上無問題，但去到實際操作，非繁 74X 改快都係減一兩部，下繁本身已經全部 74B+274X 根本無得減亦無理由減
75A 落沙田慢過直去但都講左好多次，你應該要同而家 75X 去比而唔係而家唔存在既全日直線去比
就算你同我計最長等車時間 75A 個別情況可能去到目的地慢幾分（唔該你又望下份時間表睇下到底有幾多真係 12 變 20），問題係你淨係逐條線計乘客快左或者慢左幾多，如果乘埋實際人數已經好大分別。10 個人慢三分鐘，同 50 個人慢兩分，邊樣影響比較大？再比較 50 個人因為上唔到車而搞到慢左 5-7 分，無分別？
不過都好難怪你一向唔會計受影響人數，無怪乎你之前咁多次鑿穿人地大窿補自己細窿仲大條道理
本帖最後由 1181174166 於 2024-10-5 11:04 編輯
S3BL100 發表於 2024-10-4 23:08
而家佢地回程係坐緊 74X，所以呢？所以就代表一定要用返 74X 資源去 serve 佢地，就算搞到上游客上唔到車 ...
德福8變15，75X 12變20又唔係問題？拆畀新蒲崗搞到觀塘上唔到車，你講唔講得出新蒲崗本來已經係完全上唔到車先？
鑿穿人地大窿補自己細窿仲大條道理?你自己有窿走嚟開人窿囉
你答到我75X點做回程未?不論75X做埋回程定拆線，依家回程就係上緊74X系，交返一兩架出嚟邊度唔合理?
你又唔係未試過錯判形勢，連個窿幾大都可以睇錯
多人就可以大哂，紅土連新蒲崗，加埋大埔去Airside同稅局，係咪可以多數人逼聯合道行出富豪東方搭車?
又點解74A少數人影響75A多數人兜多5分鐘?
「你應該要同而家 75X 去比而唔係而家唔存在既全日直線去比」
唔比74X?比274X?咁土瓜灣275X呢?
根本唔應該有爭議?今次唔好話我，好幾個版友出言相勸
人哋好聲好氣，你就次次戰狼上身潑婦罵街
拎把尺出嚟，去到你度唔啱你心水換過把，如果下下都因應情況就無一個標準去比較，無得拎你把尺去度75X
就算需要洗牌唔係得一個洗法，取一個平衡去洗為上
但係你話只抽74X已經有錯，你睇多次我講嘅嘢先？
有無睇到我講齊齊改快？改得快就肯定唔係你個性格咁死牛一面頸，原條74B改都唔改，ok?
就算講緊74X抽部分班次，75X交埋去程出嚟，過車畀74X亦合理
第一個問題唔係問新蒲崗而係問74B，睇得出唔係閱讀理解而係根據自己個database去諗
唔好話唔係我條蟲，而係我知拎出嚟講要同個牛皮燈籠講十幾頁，諗起都攰，嘥心機
仲要講完啲嘢可以唔聽，淨係74X+75X供車呢下已經recap好幾次，都係妄想緊74X落12
點講差都好，九公的確係會咁處理
74X serve回程都可以唔畀資源，fine，75X拆線無車加，fine
連埋等車無快過，你話我知我因乜嘢要無啦啦硬食你長咗嘅侯車時間?
你要溝75X去做，拆咗線車無咁多去serve你，服務範圍細咗，我expect你都快返十分八分畀我都好吖
原來係得5分鐘，仲要係兜沙田嘅，咁見到要落沙田咁趕客咪鐵路見
單係版友建議大埔線唔落沙田，加上74A屬較少數人，75A行沙田路已經最合適
如果你係有聽意見嘅，呢個改動唔見得係大問題
S3BL100 發表於 2024-10-4 22:00
我其實傾向同意早多幾版流星雨版友評估，如果到時有人彈出來反對，會係因為工業邨問題。但 75A 比起 72A...
唔好意思，我上一個 post 講得唔夠清楚，
應該話：有 B8/79 之下，有無咁容易將 72A/74A 變做 75A？
另外，睇到閣下對其他 74 系路線重組嘅 outline，暫時諗到一個問題：
太和咁難得先有翻觀塘道全日車，會唔會咁輕易就再次放手？
1181174166 發表於 2024-10-4 23:18
德福8變15，75X 12變20又唔係問題？拆畀新蒲崗搞到觀塘上唔到車，你講唔講得出新蒲崗本來已經係完全上唔到 ...
「74X+75X 供車」
咁勞煩你收返你先前 74X 一半班次改快一半不變，同埋 74B 全日呢兩個方案先，因為呢兩個方案的而且確無理由抽 75X 車去做，不過咁樣做得效果會係點，我已經同你分析左
我唔係要求 74X 一車不抽，但去到實際操作層面，到底抽到幾多而唔會搞到原本 74X 班客上唔到車，我就已經同你分析過計過，仲同你分開下繁同非繁條數
點解 8 分一班新蒲崗仲上到車，就代表 12 分一班觀塘段都載得晒？唔好忘記，8 變 12 係無左 1/3 班次，但觀塘段佔左全線超過 2/3 客量。仲有你未計而家 74X 去程根本係無做新蒲崗，如果係跟你 74B 方案就代表去程客無啦啦硬食減班
唔係話我戰狼上身乜乜物物，成個帖個個人唔同意見，不如你檢討下點解成個帖我好似只係針對你同某大埔版友？唔同意見都唔緊要，但最大問題係你地打橫來講扮客觀，偷換概念亂作理由但又畀唔到充份理據支持，呢樣先係我最睇唔過眼
就好似你到而家都仲淨係識得拎 75A 落一落大涌橋路用多五分鐘出來嘈。觀感還觀感，但客觀事實係淨行車時間仲快過而家，你地再三講到好似我整慢條線趕客本身就係偷換概念。你地想表達對我落一落大涌橋路不滿都有好多方式，但亂作野就真係打橫來講
至於 75A 對比 74A 的確可能係多數，但首先既然淨行車時間仲快過而家，計埋等車 statistically 都係同而家打和，我無 proactively 去 cause injury（我本來唔想出呢D法律 terms）就已經唔存在損害多數人利益，最多只可以話令到多數人唔夠快。但另一方面，唔止 74A 仲有 72A 囉，已經畫公仔畫出腸我 stage 2 想點玩、想搵邊幾條線做下一步重組再換多邊條特快返來。問心仲有邊條線有條件可以咁樣落一落沙田而又唔會令原有乘客車程比而家變慢？當然無 75A 亦唔代表一定做唔到 stage 2，但我可以肯定難度一定高唔少。至少我立場一定係唔會為左 75A 再快多五分鐘而最終搞到一條比流水線快多幾個字既特快線無得至少做半全日
我上一個帖咪已經講左 75X 事實係回程的確無做緊新蒲崗。但我再重複多次，前提係 75X 變類似 85M 循環，做新蒲崗黃大仙鑽石山圈，事實係做左而家條 75X 超過一半客源，仲要兩個方向都係。再加上上面分析左 74X 實際減車空間有幾大，75X 拆線大部分資源抽返 75X 自己本身應該係無懸念
而且又咁講，如果真係好似（因為答唔到我呢個問題而潛左水？）果位大埔版友聲稱，75X 改經十三街加 275X 全日都已經照顧到新蒲崗既話，咁 75X 不作任何改動都已經照顧到新蒲崗，叫四美街行去鑽石山咪得，咁 74X 可以無任何補償下直接彩虹入大老山收工啦。但問心大家同唔同意？
SE7378 發表於 2024-10-5 01:15
唔好意思，我上一個 post 講得唔夠清楚，
應該話：有 B8/79 之下，有無咁容易將 72A/74A 變做 75A？
咁 74A 至少行緊果段大涌橋路，厹唔係無旗；再加上 75A 比起 B8 79 都更深入大埔中心，服務範圍有分別
至於太和出觀塘問題，行出去翠怡花園坐條改行大埔太和路同觀塘道 74 已經可以，反而更擔心應該係大窩西。但呢個又帶出另一個問題，大埔除左 74X 之外最多只能夠擺多條基本半粒鐘一班落觀塘道，到底大窩西定富蝶更值得有全日線落觀塘？
個人立場，答案其實都幾明顯。首先大窩西 74D 一粒鐘一班仲要兜白石角，對比起 73 73A 聯合十五分一班出廣福道轉密車 74X 其實係完全唔吸引。相反富蝶條 72K 出到去無得同站轉 74X 同一眾巿區 X 線，已經差好遠。所以我係一定揀富蝶
而且 74D 兜白石角，大埔客嫌兜嫌慢唔坐，但富蝶兜白石角，甚至改行大埔太和路、完善路落白石角，佢地係無得唔坐，對 74X 原本班客亦係唔關事
咁當然大窩西九龍東線係收唔返，所以一定係屎溝糖去做，改入商貿區後縮服務時段做半日但服務時段內加班（反正一粒鐘一班差過 30 分或者唔開），然後加經大埔墟但飛起大家最唔鍾意白石角。至少呢條線做到 73 73A 轉 74X 做唔到既野，存在意義都高少少。反正又有條 T74，食埋佢又可以將一條分支收起，而家 74 系真係拆得太散