toyl 發表於 2025-6-20 09:02
呢個係觀塘綫搭>6個站超貴的歷史遺留落嚟問題，如果要鑽石山-何文田因為咁而減價，成條觀塘綫站與站之間 ...
其實呢間公司本來就可以避免呢個所謂「骨牌效應」，就係在KTE通車之前幾年的加價過程(2010至2014)，連續幾年凍結鑽石山(及彩虹)往油麻地的票價，令票價最終與市區線第三級(現時$7.4)拍齊，之後KTE通車將鑽石山(及彩虹)往何文田的票價，設定為第三級(現時$7.4)，而往黃埔維持第四級(現時$9.2)，咁去到屯馬二期通車以及時至到今時今日，鑽石山(及彩虹)去土瓜灣($5.9)、何文田(變成$7.4)及紅磡($7.4)就會理順晒。
tonyng 發表於 2025-6-20 15:05
其實呢間公司本來就可以避免呢個所謂「骨牌效應」，就係在KTE通車之前幾年的加價過程(2010至2014)，連續幾 ...
MTR本身企業特色就係無乜有料嘅人會肯長做🤭🤭始終都走唔開眼高手低嘅港資通病
個個做到咁上下，鍾意研究鐵路嘅可能熟咗或識得班人可以收料嘅就跳出黎搞非官方組織或專頁
當然好似Service Update咁畀高層覺得泄密而被人搞又係另一回事
本帖最後由 kei_hk 於 2025-6-20 15:58 編輯
tonyng 發表於 2025-6-20 15:05
其實呢間公司本來就可以避免呢個所謂「骨牌效應」，就係在KTE通車之前幾年的加價過程(2010至2014)，連續幾 ...
遲D北環線開通﹐問題又會出現﹐古怪收費只會沒完沒了。
應該趁機做一次票價大洗牌﹐與深圳地鐵的票價計算方法一樣﹐全部票價以實際乘車距離計算車費﹐需要轉線路程以最近乘車方式去計算。
最多﹐在特定車站設立一些優惠機﹐做針對性的優惠。
(eg. 青衣 <> 荃灣﹐現時收費的確刻意收平D﹐吸引乘客使用)
*2個邊境車站除外﹐另設特別收費﹐以補貼本地線。
tkglobe 發表於 2025-6-10 09:54
咁你去個售票機咪有囉，你都真係幾多餘
咁八達通收費呢？售票機唔會寫。
kei_hk 發表於 2025-6-17 09:33
只要車站月台的 "電視機" 顯示資訊係足夠﹐你去到車站就一係見到 X分鐘 有車﹐一係就見到 "未有服務"之類 ...
輕鐵嘅首尾車資訊就真係好緊要，無咗嘅話你點知尾班車走咗未
Ohm 發表於 2025-6-18 11:12
如果你由荔景出發想去科學館，應該邊個站出?
答案: 紅磡，因為車費只需$8.5，尖東/尖沙咀車費要$11
英國就係咁，無好似香港咁規定巴士一定要顯示價錢牌，豬紙又唔寫價錢，巴士公司網站又唔係間間有車費表，要架車到咗，問司機先知價錢。所以啲人唔敢搭。
miklcct 發表於 2025-6-20 17:24
輕鐵嘅首尾車資訊就真係好緊要，無咗嘅話你點知尾班車走咗未
前面 #47 & 51 已講了。
miklcct 發表於 2025-6-20 09:27
英國就係咁，無好似香港咁規定巴士一定要顯示價錢牌，豬紙又唔寫價錢，巴士公司網站又唔係間間有車費表， ...
好多時唔搭巴士的話，你嘅選擇就得番你對腳、micro mobility、再唔係就揸車。
明顯唔知價錢唔會係主因。
早兩年劃一£2（而家£3）多番人搭，好多人都係話之前唔搭係因為收費太貴。
以前遠路少少已經貴過香港搭程NA10，未去到錢七都買唔起都唔會諗搭巴士啦
本帖最後由 s3n370 於 2025-6-20 12:53 編輯
tonyng 發表於 2025-6-20 07:05
其實呢間公司本來就可以避免呢個所謂「骨牌效應」，就係在KTE通車之前幾年的加價過程(2010至2014)，連續幾 ...
個人無理解錯的話，凍結某D組合嘅收費，其餘車程就可以加多D去砌番個平均數。
為佐理順某D車程嘅收費，要其他車程加多D、定係全部均富、
又或者兩者中間落墨，恐怕唔係技術問題而係見仁見智。
想問多句，其實平均加幅係咪只係計所有車程組合嘅加幅，
會唔會因應唔同組合嘅乘客量考慮呢？
點解我會咁問，如果只係考慮唔同組合嘅加幅。
衰D咁諗大可以响乘客量高D嘅組合加多少少（say 平均要加到$5.354咪收$5.4）
，隔幾年先至鄧番均。以億計嘅客量，收多個零頭條數都幾可觀。
Ricky403 發表於 2025-6-20 07:20
MTR本身企業特色就係無乜有料嘅人會肯長做🤭🤭始終都走唔開眼高手低嘅港資通病
個個做到咁上下，鍾意研究 ...
我會話某程度上係香港產業結構帶來嘅果。（果係中性）
去到大陸、日本、歐陸尚有工業研發基礎嘅地方，技術型人才都仲可以行呢條路
香港頂多係玩system integration，但係通常要起新線買新車先至用得著。
剩低就係日常營運保養。佢哋絕對重要，但係就偏向提升效率同偏向重複性。
呢點係新加坡，較早去工業化嘅英國以至仲有工業底嘅法德西意都出現緊。
更何況港鐵董事局成村高官坐响度，私營得黎又要帶點官僚。