[個人建議] 改善干諾道西及東邊街交界路口
建議的背景:西區海底隧道港島出口經常擠塞，為改善車流速度，建議取消干諾道西 (東行) 與 東邊街、東邊街北 交界的交通燈，及更改介乎 干諾道西 (東行) 及 干諾道西 (西行) 的一段 東邊街 為單向南行，並配合其他交通改善措施。
建議的詳情:
請參閱下圖
另外，配合道路設計更改，城巴 18P 線改經 水街 前往 干諾道西 (東行)，取消 西區警署、正街 分站。過海隧巴 101X 線改經 德輔道西、干諾道西、干諾道中、民吉街、民照街、中環及灣仔繞道、博覽道、博覽道東、會議道、鴻興道，不經 正街、林士街天橋、民寶街、耀星街、龍和道、龍合街、分域碼頭街、夏慤道 及 告士打道，取消 正街 分站，增設 東邊街、修打蘭街 及 港澳碼頭 分站。 干諾道西中上環入西隧其實係應該要起條路 bypass 東邊街會更好
不過變咗會 keep 住有車隊爆西隧 水街出然後入唔番東邊街
感覺最少都要補單白等堆車可以轉右入東邊街/西隧 樂仔〞 發表於 2025-9-27 15:26
干諾道西中上環入西隧其實係應該要起條路 bypass 東邊街會更好
不過變咗會 keep 住有車隊爆西隧 ...
建議方案純改劃線，短期內易做好多。
中長期的確係起橋更理想。起了橋就唔駛林士街天橋落橋二收一，左線比干諾道西地面新天橋，右線林士街天橋。
gu9434@24 發表於 2025-9-27 19:03
水街出然後入唔番東邊街
感覺最少都要補單白等堆車可以轉右入東邊街/西隧 ...
水街入東邊街的車，其實轉右行德輔道西東行，然後轉左入正街，轉右去干諾道西逆行行車線就可以再轉右上東邊街，影響唔大。
唔比單白線轉右入東邊街，最主要目的係唔想西隧出來的車流受任何影響減慢車速，要 keep 住去上環條線郁動。
2076 發表於 2025-9-27 20:02
水街入東邊街的車，其實轉右行德輔道西東行，然後轉左入正街，轉右去干諾道西逆行行車線就可以再轉右上東 ...
水街出點改係後話
要依照你#1既圖行
最底要求都係干諾道西匯合點整枝紅綠燈
等佢地可以靠去快線轉入東邊街
時間唔需要長 一圈10秒左右就夠
咁去中上環就其他時間繼續行左三線
gu9434@24 發表於 2025-9-30 14:33
水街出點改係後話
要依照你#1既圖行
果個位唔整得燈位，西隧出上環一定要取消燈位等啲車順住行唔可以有任何停頓。
干諾道西東行要入東邊街，就麻煩入電車路兜一兜，或者去西消防街掉頭。 本帖最後由 又加價 於 2025-10-1 12:21 編輯
其實你個建議幾好，只係咁樣干諾道西西行水街橋底轉右長度限制都應該取消，因為正街落山啲大車轉唔出西隧(但咁樣水街/干諾道西西行可能會出現倒塞）
同埋長遠如果反正西行都要起橋，個人認爲其實應該幫埋正街枝路起條隧道去西消防街巴士站附近上返地面，改善正街倒灌； 再改埋中港道做全條東行，減低東消防街口枝燈嘅車流量，從而減低將樽口位由東邊街北枝燈變做東消防街枝燈嘅機會
本帖最後由 2076 於 2025-10-1 17:41 編輯
又加價 發表於 2025-10-1 12:01
其實你個建議幾好，只係咁樣干諾道西西行水街橋底轉右長度限制都應該取消，因為正街落山啲大車轉唔出西隧( ...
正街落山轉左去大道西，然後轉右落水街就出到西隧，唔需要出干諾道西。不過水街交通流量就可能要計一計，暫時就見到仲有唔少剩餘容車量。以西隧入口設計，將西區的車全部推晒比水街入口好過繼續比佢地同一堆巴士爭東邊街交界加林士街天橋入口，干諾道西加林士街天橋入西隧 4 收 2 改唔到。
長遠起橋取消東邊街呢支燈的話，正街都未需要起隧道，除非你話水街車流超負荷。
至於樽頸位會唔會變東消防街，我諗又未必，反正車流要排隊塞燈都多左一大段距離緩衝，仲要係 2-3 線而唔係現時情況全部車單線一出就要等東邊街支燈，中環摩天輪都未係好塞，上環就更加唔會。
本帖最後由 又加價 於 2025-10-1 20:06 編輯
我睇漏咗眼，我認為西隧上環方向唔應該一線變二線，而係keep返一線，比返條線干諾道西東行（keep住比兩條線干諾道西）
而家干諾道西東行都係只係僅僅夠，你個計劃都叫而家已經喺干諾道西東行橋上面嘅車繼續行橋，但再加埋正街車流，二線（三線）變一肯定塞返入港島內街，到時打咗個死結的話只會比西隧而家情況更差
同埋點解我冇提過正街大馬路轉左，就係而家水街電車路大馬路嗰兩組燈淨係應付薄扶林道第三街車流已經好炆，一轉燈都未必清到，加埋正街車流，會令情況百上加斤（橋底認同有多餘容量）
但咁會等於拎走埋而家隧巴北行嘅後備走線
仲有就係始終你嘅設計呢個位會keep住出三條lane嘅車流，但呢三條lane去到東消防街燈口都係得四條lane，可以預見樽頸位都係會出現（但應會有改善），只係轉移到東消防街燈口（你諗下而家西隧咁長都唔夠緩衝呢枝東邊街北燈）
最後就係就嚟變月經嘅西隧巴士線都應該要上馬，同埋比隧巴行中線，都係啲現成可行嘅方案又唔會令更多私家車有incentive改行西隧