s3n370 發表於 2025-11-11 02:05
其實都唔一定，有D係簡化有D係加特班。
例如Sutton去London Bridge一路只係有快車。
三款特都係最近幾次 ...
呢啲係繁忙時間嘅加班車，路線圖上用特別符號顯示嘅，或者直情唔出。呢啲車好多都係淨行一兩單就返廠。
好似07:00嗰班車，喺 Streatham Hill Down Siding 私牌過 Sutton ，載客經 West Croydon 同 Norbury 去 London Bridge ，就直接私返 Selhurst 車廠，而嗰班車係原本半個鐘一班 East Croydon 出發嘅拉過去嘅，繁忙時間有啲 Victoria - Norbury - East Croydon 嘅各停去補位。
08:07嗰班就係 Horsham Up Siding South 出來，跑去 Victoria ，之後私去 Sutton 之後私返 Streatham Hill Shed 。
但問題係整到咁複雜，去到火車站見唔到想去嘅目的地都唔知邊度轉車好，加晒路線號碼全部貼晒每條線頭尾車幾點，幾多分鐘一班就易搞。
miklcct 發表於 2025-11-10 19:19
呢啲係繁忙時間嘅加班車，路線圖上用特別符號顯示嘅，或者直情唔出。呢啲車好多都係淨行一兩單就返廠。
...
呢D特車都係預通勤客搭多，唔識又無要經嘅站都唔會亂咁上車啦
本帖最後由 leochill 於 2025-11-11 16:53 編輯
miklcct 發表於 2025-11-11 03:19
呢啲係繁忙時間嘅加班車，路線圖上用特別符號顯示嘅，或者直情唔出。呢啲車好多都係淨行一兩單就返廠。
...
其實就算係香港嘅巴士線號碼，去到PXS線都會有唔同嘅走線啦，來回方向都未必一樣。
換到英國鐵路上就算相同號碼有唔同走線或停站模式都相當可以理解。
我無喺英國生活過，但睇落呢啲超級靈活嘅排班方式真係唔預畀生客搭，
咁佢地為通勤客嘅需求來度身訂造本來也無可厚非，但不能否認，犧牲左嘅係成個網絡嘅一致性，
呢方面德國當局會較為重視，換個角度睇，德國嘅網絡就無咁靈活同有企業家精神！
s3n370 發表於 2025-11-8 19:22
講真，我係真心佩服舞得掂CR班次嘅鐵路工作人員，乘客同鐵迷
搭得多搶鐵嘅年代都唔覺眼（其實係次次都係 ...
我記得係有網友舉咗Sprinter個例子，但好似唔係瑞士而係呢個reply再下面嘅荷鐵
不過荷蘭瑞士鐵路網絡唔係話太大，靚班次同固定嘅快慢車停站的確係相對有條件去做
Ricky403 發表於 2025-11-11 12:26
我記得係有網友舉咗Sprinter個例子，但好似唔係瑞士而係呢個reply再下面嘅荷鐵
不過荷蘭瑞士鐵路網絡唔係 ...
班門弄斧:
其實英國嘅網絡都一樣可以分區去看待, 東南部, 西南部, 中西部, EAST ANGLIA, 北部都市帶, 蘇格蘭, 等等
一般區域鐵路都係考慮通勤客流, 如一個大都市如倫敦同周邊, 或者一堆中型城市, 如利物浦至列斯之間,
車程不過一兩小時嘅範圍
我對英國唔了解嘅地方係, 一般通勤客有幾常會使用長途特急列車?
因為喺票價上我唔清楚短途車同長途車有幾大分別,
日日搭半小時嘅長途車係咪都唔貴?
leochill 發表於 2025-11-11 17:00
班門弄斧:
其實英國嘅網絡都一樣可以分區去看待, 東南部, 西南部, 中西部, EAST ANGLIA, 北部都市帶, 蘇 ...
如果講票價就另一回事啦，呢個又要提歷史。
大家都知道，英國嘅國鐵以前叫英鐵（ British Rail ），英鐵以前係分3個 sector 嘅：
Intercity ：長途城際列車，以高鐵為主，但亦包括 Gatwick Express 同埋 London - Norwich 等列車，係最賺錢嘅路線
Network SouthEast ：以倫敦為中心，覆蓋東南部嘅通勤鐵路，服務範圍近至大倫敦市內嘅列車，遠至 London - Exeter 嘅西英格蘭線。
Regional Railways ：其餘唔屬以上兩種嘅路線，要靠政府補貼運作。
而當年鐵路私有化，但因鐵路屬於公共事業，為咗避免壟斷導致社會利益受損，就規管咗部分票價，主要包括：
長途路線（例如 Intercity ）：Off-Peak Return
短途路線（例如 Network SouthEast ）：Anytime Day Return / Standard Season
佢無規管 Intercity Anytime ticket 嘅原因係當時社會認為呢啲車票係主要由 business traveller 買，普遍大眾主要用 Off-Peak Return ；至於短途路線規管 Anytime Day Return 係因為呢啲係通勤列車。結果私有化廿年，長途路線 Anytime 票價加幅遠超通脹，領先全歐洲；規管嘅票價加幅同通脹相若；至於 Advance ticket （限班嘅特價車票）就全歐洲最平，重要 in real terms 平過私有化之前。
但係呢，因為全部路線都係一個 network ，無分邊啲車票唔可以喺 intercity 用，只要個路程係屬於短途路線，都係以短途車嘅標準定價，所以通勤客用長途特急列車搭一個站係好常見，例如 Reading - London 啲高鐵繁忙時間係企滿人嘅，西行重要搞到某啲班次規定喺 Reading 唔俾落，廢事長途客上唔到（之前試過有人無視呢個規定，結果因為班車太爆，成個站飛埋，開另一班加班車俾人喺 Reading 上）。但係私有化咗之後，次要公司可以設立專屬車費，當 Intercity 同區域慢車由唔同公司經營嗰陣就可以分開票價：
呢個最出名嘅係 West Coast Main Line ，城際特急列車由 Avanti West Coast 經營，區域慢車由 West Midlands Trains 以 London Northwestern Railway 名義經營，前者屬於主要營辦商，規定上嘅票價一定要所有營辦商通用，而後者就有專屬票價，比前者平一半以上；但係至於 Milton Keynes Central - London Euston 呢段呢，本身係屬於短途路段（私有化前屬 Network South East 而非 Intercity ），主要營辦商係 West Midlands Trains ，而城際列車同區域快車都係用同一條路軌（即係行車時間一樣，只係車種唔同），咁 Avanti 就整啲俾通用票價平唔夠£1嘅專屬票價去搶錢。
但係 Great Western Main Line 呢，以前長短途車都係GWR，咁同一間公司佢無得咁做，唯一可以做嘅係限制非繁忙時間車票唔可以用繁忙時間「指定班次」嘅車回程，而可以用其它列車（而家短途車轉咗營辦商，就可以一刀切唔俾搭GWR回程）。
至於去到最後嗰段，日日搭半個鐘嘅長途車，咁要睇邊種，因為搭半個鐘嘅特急車好多都重係屬於區域快車，係以通勤列車而唔係城際列車嘅標準定價，例如喺 London Paddington 上高鐵，第一個站係 Reading ，58公里，23分鐘車程；第二個站係 Didcot Parkway ，85公里，38分鐘（唔係全部車停），第三個站係 Swindon ，124公里，56分鐘車程。頭兩個站屬於前 Network SouthEast 範圍，有規管嘅 Anytime Day Return ，來回 Reading £63.80 ，Didcot £89.00 ，但係一去到 Swindon 就屬於前 Intercity 路程，無 Anytime Day Return ，而 Anytime Return 係無規管嘅天價 £175.80 ，所以喺 Didcot 拆票已經出晒名，如果班車停 Didcot 嘅話分兩張票買就平好多。
舉埋另一個例子，有競爭嘅路段，例如 East Coast Main Line ，城際列車（LNER）離開倫敦第一個站係 Stevenage（44公里，21分鐘），但只有少量列車會停 ，第二個站係 Peterborough （123公里，51分鐘 ）。
前者屬於前 Network SouthEast 範圍，Thameslink / Great Northern 係主要營辦商，經營通勤列車，快車直通 Thameslink 核心，Anytime Day Return £28.90，但係LNER有專屬嘅平價單程車票，Anytime Day Single 每程 £13.30
後者超出咗 Network SouthEast 範圍，屬於 Intercity 路段，呢度就掉轉 ，LNER 係主要營辦商（設置通用票價），經營城際特急列車， Thameslink 只有少量班次喺 Stevenage 之後站站停上去。 LNER已經廢除咗大部份來回車票，繁忙時間如果要搭一程單程嘅話，係天價 £78.10 ，但如果搭 Thameslink 嘅話，佢有自己嘅 Anytime Return ，係 £78.10 ，即係搭單程高鐵嘅車費可以俾你搭來回 Thameslink 。不過今年12月開始， LNER 就唔再經營 London - Stevenage 服務 （所有 LNER 列車喺 Stevenage 北行只上不落，南行只落不上），變成 Thameslink / Great Northern 獨市生意，無得揀。
而倫敦通勤帶好多列車都係先以各停，再以特急嘅方式運作，好似上面提及嘅 Peterborough - London 咁，城際列車就全程行快綫，Thameslink 區域快車就行慢綫落 Stevenage ，之後轉行快綫落 London ；而 Stevenage 打落嘅站就另設 Cambridge 開出嘅區域慢車，全程行慢綫落 Kings Cross ；所以如果離倫敦唔太遠嘅地方（50公里內），好多時城際列車同區域快車都行同一條路軌，行車時間無分別，只係車種有別；離倫敦最近嘅地方，條慢綫只係行市內嘅近郊列車；離開咗倫敦市界，區域列車就轉行慢線，而城際列車就全程行快綫。所以個網絡亦都無得好似某啲國家咁一刀切分城際同通勤兩個網絡。
miklcct 發表於 2025-11-11 12:46
如果講票價就另一回事啦，呢個又要提歷史。
大家都知道，英國嘅國鐵以前叫英鐵（ British Rail ），英鐵 ...
倫敦往返伯明翰其實仲有Chiltern Railways。
佢本身嘅定位都係似London Northwestern Railway做commuter。
而中間係無重疊，得頭尾站叫佢“有競爭”
倫敦往返伯明翰計，佢快過LNWR十分至半個鐘不等，慢AWC至少半個鐘。
一般往返兩城正路都係揀最快嘅Avanti West Coast，
比較少人會揀Chiltern因為兩邊都唔同總站。
佢嘅定價又係介乎兩者之間。
唯一多人坐全程就係West Coast Main Line冧檔，
貴為最細之一嘅總站London Marylebone就會迫到乜。
Avanti West Coast 貴到我唔捨得搭，重要無得用 Annual Gold Card 。我用 Gold Card 搭 Chiltern £26.6 來回，搭 LNR £22.3 來回，但搭 Avanti 無折，要俾正價 £72.2 來回，邊捨得搭。
miklcct 發表於 2025-11-11 03:19
呢啲係繁忙時間嘅加班車，路線圖上用特別符號顯示嘅，或者直情唔出。呢啲車好多都係淨行一兩單就返廠。
...
你畀個號碼我，我拎個code table出嚟對，對得嚟班車會唔會走咗架?
熟號碼嘅，熟XX via YY都唔難吖
咁路線圖有 code 總好過喺幾百個站之中搵架車個 via station