leochill 發表於 2025-11-1 20:48
你真好記性！
其實德國人係「嚴謹」與否呢件事，就暫且按下不表吧！
地鐵有路線編號與否亦同德語區無乜關 ...
同意加編號/路線名稱會易俾乘客識別。
事實上大部分鐵路公司公開嘅時間表同路線圖，都分哂唔同routing。
理論上要編個號碼/名稱可以直接按住去編。
小弟未去過德國亦唔熟德國鐵路，唔知同一條線有唔同service pattern會點識別嘅呢？
自己啱啱望佐一望一D德國城市嘅鐵路圖，
鐵路網絡感覺上比英國嘅簡潔好多，要用名稱同編號代表唔難。
以倫敦為例，向東及北行嘅國鐵路線相對簡單，較近似
但係向西同南就係兩回事，鐵路網交織常行嘅路線亦都多，
唔係話唔可以整編號嘅，正如英國嘅巴士路線，尤其是郊區嘅路線，
同一個冧把班班兜入唔同嘅村都有。
去大站就話可以合埋眼上車。
要去中途站其實一樣要睇清楚開車時間去決定班車會唔會停你想去嘅站。
leochill 發表於 2025-11-2 04:48
你真好記性！
其實德國人係「嚴謹」與否呢件事，就暫且按下不表吧！
地鐵有路線編號與否亦同德語區無乜關 ...
紐約巿做法喺美國反而係特例。有捷運系統同電車既美國大城巿，例如 Chicago、Boston、Atlanta 同 Dallas，普遍都係用顏色命名路線；洛杉磯都係近年先由顏色線變字母線
反而紐約巿實際係用編號加顏色去區別，顏色代表喺 Manhattan 入面行邊條街。例如行 Eighth Avenue 既 A C E 係藍色、行 Lexington Ave 既 4 5 6 就係藍色。當然唔同路線都會有特別班次，例如 7 Train 正如你話齋上下繁有飛站特車，A Train 去到 Queens 有分支，E Train 平時喺 Queens 行特快但深夜就站站停。但印象中除左 7 Train 之外無路線係同一個時間入面同時有飛站同站站停版本，而家個編號系統都大致夠用
當然因為維修而 Express 變 Local 或者調轉，甚至臨時改道例子就大把，幾乎個個 weekends 都有 :lol
但例如 4 5 做 Lexington Ave Express 飛站、沿途會用同一個月台；又或者 A Train 做 Eighth Avenue Express 而 C E 做 Eight Avenue Local、後兩者沿途共用月台，因為使用人次眾多，呢類例子如果無路線編號兼且再加廣播同 PIDS，就真係好容易上錯車，因此紐約地鐵加路線編號係有必要
s3n370 發表於 2025-11-2 19:47
同意加編號/路線名稱會易俾乘客識別。
事實上大部分鐵路公司公開嘅時間表同路線圖，都分哂唔同routing。
...
另外補充返，睇返我過去十年去過既歐洲國家，除左德語區之外，比利時、波蘭、西班牙既地鐵同 S-bahn equivalent 都有路線編號。荷蘭就特別少少，地鐵有路線編號，而最近似近郊鐵路既 Sprinter 就無；但視乎去邊，好多人 local 都當 IC 做 Sprinter 咁搭，反正同一組閘機出入閘，收費無分別，大家都係睇屏幕留意班車目的地同停站就係
至於法國，巴黎地鐵當然有路線編號，RER 就有分 A B C D E，但 RER 先係大把特車，有分支之餘，例如 RER B 由 CDG 往來機場本身就有站站停同飛站版本，梅花間竹開出，真係要睇班次編號先會知。第一次去果陣朋友話法國扒手猖獗，想減少風險就一定要揀飛站版本，自此之後我就識做，一定要睇清楚先上車
S3BL100 發表於 2025-11-1 14:23
印象中樓主應該係住喺德國。德語區可能就真係文化原因，比較嚴謹，我去過無數次既德國、去過兩次既奧地利 ...
樓上都有師兄提佐，不論係內部營運定係公開下載嘅路線時間表，
大致都分佐routing，係爭在有無俾個名/編號咁解。
似乎同文化關係唔大。
從另一角度睇，英國城鎮之間嘅距離比歐陸諸國都近得多，
大城之間嘅地區人口都唔少，變佐metro, commuter及intercity嘅分野模糊。
真係要為路線編名稱、號碼難以用城市做核心，
好可能要整個區域甚至係country去做。
又上早年鐵路起得實在太瘋狂，中、南部兩城鎮之間可以有幾條鐵路選擇，
所以大多數鐵路嘅時間表，除咗果份時間表嘅主線，
一般都會擺埋有少量重疊嘅路線，甚至係其他公司嘅列車班次入去。
進一步令命名嘅價值唔大。
本帖最後由 DIH 於 2025-11-3 14:52 編輯
s3n370 發表於 2025-11-2 19:47
同意加編號/路線名稱會易俾乘客識別。
事實上大部分鐵路公司公開嘅時間表同路線圖，都分哂唔同routing。
...
德國大城市外圍，同一條地上鐵路走廊的服務，會分成以下幾種：
S-bahn：各站必停，市區通常有專用軌道，可能有地底段，部分車站為近代加建（日本類似例子：京浜東北線／JR京都神戸線普通）
Regionalbahn (RB)*：大致上都係各停，但S-bahn專屬細站唔停，行長途線軌道（日本類似例子：東海道線普通／JR京都神戸線快速）
Regional-Express (RE)：只停人口較多的鄉鎮，係無需特急費之下最快速服務（日本類似例子：東海道線快速／JR京都神戸線新快速）
*視乎相關路段需求，如同時有S及RB，RB會飛走部分車站；如只有RB/RE，RB作為最低級服務會停所有車站。另外，假如兩個大站之間有一條較快一條較慢的鐵路，通常較慢的會編作S，較快的由RB/RE及更高級長途列車共用，視鐵路發展史及當地交通需求而定。
S/RB/RE都有路線編號，S因為班次頻密及有共用路段，編號對一般人而言較為重要；RB/RE班次較少，遊客對準時間及目的地都夠，熟客可能比較清楚編號的意義。以上任何一種，都可能以路線編號為單位外判予私鐵營運。
例子：
柏林廣域圖
https://sbahn.berlin/en/route-map/
慕尼黑廣域圖
https://www.mvv-muenchen.de/file ... ut_SUR_M_11_SCR.pdf
法蘭克福廣域圖
https://www.vgf-ffm.de/fileadmin ... llbahnplan_2025.pdf
英國就真係太多路線同service patterns，除非犧牲部分直達組合，否則要將近郊路線加編號都幾大工程，但我同意DLR之類比較簡單及獨立的系統可以用編號。
DIH 發表於 2025-11-3 11:42
德國大城市外圍，同一條地上鐵路走廊的服務，會分成以下幾種：
S-bahn：各站必停，市區通常有專用軌道，可 ...
當初Overground要分返路線名稱，都有意見話用編號就得
不過倫敦傳統係用返名，如果DLR/Tram要分返唔同服務唔同名，睇黎多多名都唔夠
s3n370 發表於 2025-11-1 19:00
英國搭鐵路最基本睇响車站嘅開出時間同目的地，
所有列車都係用呢兩個identifiers做識認。
就算係頻密嘅路 ...
開出時間同目的地，係某啲車站可以有2班車同一時間開出去同一個目的地（例如 Guildford ），所以唔一定分到。
同埋開出時間，你唔係睇時間表搭火車咁開出時間完全無意義，尤其倫敦市內，好多 PIDS 已經直情唔出開出時間添，好似我住附近嗰啲站 Brondesbury 嗰啲，全部係唔顯示開出時間，淨係顯示目的地同幾多分鐘，另一行就碌晒幾十個中途站；伊莉莎伯線都一樣。
s3n370 發表於 2025-11-1 19:15
如果你所講嘅失驚無神係指當日有突發事件，
無論係車站定列車都會不停提，提到你唔想聽
我講緊嘅係 engineering works ，唔係個個司機都會開口；又或者繁忙時間突然失驚無神飛幾個站（例如下圖 18:12 同 18:27 兩班車），你唔刨個時間表都唔會特別留意到，我日日唔同時間搭同一條線一唔小心就中招。
miklcct 發表於 2025-11-6 21:48
我講緊嘅係 engineering works ，唔係個個司機都會開口；又或者繁忙時間突然失驚無神飛幾個站（例如下圖 1 ...
即係咁，一樣headcode咪又係刨時間表
轉得headcode又點解補唔到班次種別，個問題不在於出目的地名
再次感謝大家參與討論。
先此聲明，我唔敢話有定冇路線編號係好啲，正所謂存在必定係合理，只係想同大家交流一下睇法，就算我有能力游說到大家同意我，亦都冇辦法游說到全英國人，畢竟各地文化、政治、地理、基建等因素各異，因此互相學習最重要。以下嘗試回應大家部分論點。
#4 「英國鐵路時不時都有故障或停駛 每次公佈都要水蛇春咁長話由A-B個條Overground線有問題」
#5 「主要係英國更多直通借路嘅服務，大部分A to B service都代表到條路線出嚟」
#10 「有時明明係嗰個目的地嘅車，會失驚無神飛一兩個站」
- 德國都係咁上下，上車前講左又好，臨時有事又好，減一兩個站或者改行另一路都係等閒事。
- 我有種感覺，有啲板友鍾意用「直通運轉」呢個概念形容一條路線進入左另一條好似唔屬於佢嘅路段，或者形容喺一個路段上存在有唔同線路嘅服務。但我懷疑呢個概念喺一個公用或分開基建同營運嘅系統裹面有無意義？日本嘅情況以我粗淺嘅理解係，鐵路基建同營運都同屬一間公司，因此如果A公司嘅載客服務進入左B公司管理甚至擁有嘅路段就係好特別嘅安排。但歐洲嘅情況係，至少英國同德國，大部分嘅基建係公有，載客服務由公營機構規劃、規管或招標，基本上線網上唔存在本線定跨線營運嘅問題，或者大家將「直通運轉」作為隨意嘅表達方法，我亦可以理解。以我理解，英國分畀唔同營運公司嘅專營權網絡都有規定每條營運路線嘅服務水準，而唔係營運商可以商業決定隨便加班減班，請問我理解有無錯？
#10 「https://www.northernrailway.co.u ... ern-network-map.pdf 你喺英格蘭北部揸住呢張路線圖去搭火車，啲路線無名嘅，要喺成幾百個站「大海撈針」式搵個目的地先知到班車係唔係你想行嗰條先。」
- 呢幅圖一方面顯示左好多固定嘅服務路線（但圖例中又無說明各顏色係咩意思），情況同我一開頭貼嘅LNWR 同DLR路線圖差不多，有線但無法「名狀」。另一方面又有啲令人摸不著頭腦，例如有條靛青色嘅線由 Liverpool Lime Street分別去 Manchester Victoria 同埋 Oxford Road ，點解又會分多一支去Wigan呢？佢地之間有咩關係呢？呢啲情況下一條顏色線就留下不少模糊嘅空間。
#14 「但係去到頭尾車及繁忙時間就會有好多五花八門嘅“特車”。」
- 可否請你描述一下，英國區域鐵路特車五光十色…唔係，係五花八門去到咩地步？係會開短途車？係跳停站？還是有一兩班車伸咗去第二條線？
- 我要承認，德國呢方面無咁犀利，至少繁忙時間火車好少有變體出現，最多係由30分鐘加密到20分鐘一班。正如上面DIH所描述嘅德國區域路線層級，我所知嘅區域路線絕大部分都至少一小時一班，兩小時一班間中都有，疏過兩小時一班佢地會不如唔開。既然至少一個鐘一班，全日嘅時間表同字軌表都會好齊整，唔會有車走去開一兩班飛站特車或者跨線特車。某程度上係佢地追求全日劃一時間表。
- 但我認為特車嘅存在唔應該阻礙路線號碼或名稱嘅使用，主線亦即係全日規律開出嘅班次一樣可以統合成一個路線號碼或名稱，其餘特車就叫做「XX線特車」又好，唔畀編號又好，有幾複雜呢？
#14 「次次都整新號碼/同一編碼但唔同停站咪盞仲亂。」
- 咁無號碼，啲乘客要知道自己個班車有無改係咪會易左？
#14 「以軌道而言，去同一個總站無十條八條都有三四條路揀。雖然現實上99.9%嘅班次只會行當中一兩條， 不過正正係繁忙時間或者週末工程可以改到九彩。」
- 可以參考下我舉嘅德國嘅例子。
#19 「回應翻樓主，英國好多電車系統都有 core section，變左好多時用目的地嚟標明已經夠做。」
- 根據WIKI資料，英國嘅電車系統好似除左DLR同曼市之外，其他城市嘅路線都有號碼或編號喎
#20 「極端少少，殊途同歸嘅例如屯碼去兆康，咁多線都得嘅時候，講目的地就方便」
- 我意思係如果想表達由兆康分別去景峰、大興或者良景嘅話，都要用更長嘅方法去表達路線，例如「往屯門碼頭經X X嘅列車」
#21 「小弟未去過德國亦唔熟德國鐵路，唔知同一條線有唔同service pattern會點識別嘅呢？ 自己啱啱望佐一望一D德國城市嘅鐵路圖， 鐵路網絡感覺上比英國嘅簡潔好多，要用名稱同編號代表唔難。 以倫敦為例，向東及北行嘅國鐵路線相對簡單，較近似 但係向西同南就係兩回事，鐵路網交織常行嘅路線亦都多， 唔係話唔可以整編號嘅，正如英國嘅巴士路線，尤其是郊區嘅路線， 同一個冧把班班兜入唔同嘅村都有。 去大站就話可以合埋眼上車。 要去中途站其實一樣要睇清楚開車時間去決定班車會唔會停你想去嘅站。」
- 呢度講多少少德國嘅情況：
- 好似倫敦咁大嘅城市德國係冇嘅，倫敦由十幾個火車站開出區域或長途火車，而德國嘅柏林、漢堡、法蘭克福或者慕尼黑都係由一個大嘅中央車站發車。而且你講倫敦同周邊嘅網絡就等於德國其中一個大州嘅線路網絡，橫跨起碼兩三百公里遠。我諗係歐洲只有巴黎同外面法蘭西島嘅網絡可以比擬。DIH兄所舉嘅柏林、法蘭克福同慕尼黑廣域網路，雖然已經覆蓋市區同埋近郊，同倫敦M25以內差唔大小，但人口較小，大約都係5-6百萬人左右。我以下提供嘅路線圖就係呢三個城市輻射到更遠嘅區域路線網，大約2-3百公里跨度，好似Thameslink由 Brighton去到 Peterborough咁遠，等大家比較下同倫敦加周邊嘅密度差幾遠。
- 柏林及勃蘭登堡州：https://www.vbb.de/fileadmin/user_upload/VBB/Dokumente/Liniennetze/bahn-regionalverkehr-brandenburg-und-berlin-mit-plusbus-linien.pdf
- 拜仁州：https://bahnland-bayern.de/files/media/shop/downloads/liniennetzplan/2024/beg-gr-liniennetz-bayern-2025.pdf
- 法蘭克福所在嘅黑森州：https://www.rmv.de/c/fileadmin/documents/PDFs/_RMV_DE/Fahrkarten/Fahrkarten_im_Ueberblick/Hessenkarte.pdf
- 至於我身處嘅北威州（人口1800萬，面積3.4萬多平方公里，同成個北英格蘭 （https://en.wikipedia.org/wiki/Northern_England）差不多，人口1500萬，面積3.7萬多平方公里），當中魯爾河區散落住幾十個大小不一嘅城市，橫跨一百公里左右，大概等如Liverpool 到Sheffield/ Leeds 左右，我覺得兩個區域城市都相對分散，唔似倫敦同柏林一類大中心城市，適合做比較。下圖所見，由Düsseldorf 去Dortmund 有上路RE3 經Oberhausen ，中路最重要，有RE1 /6/11經Essen ，同埋下路RE4 經Wuppertal，RE都係一個鐘一班。如果你眼利仲有S1行中路，但慢好多，可以不理，行緊20至30分鐘一班。圖中呢片區域係由一個叫VRR嘅公營區域鐵路管理局負責規劃同招標，DB Regio只係其中一個投標營運商，雖然佔比較大分，超過一半 。呢個州總共分咗俾三個鐵路局管理區域客運服務，所以跨界嘅路線都要由兩個局一齊協商管理。當然之外仲有IC/ EC/ ICE/ Flixtrain/ Eurostar等長途列車，但因為票務系統完全分割，區域路線可以用德國通月票Deutschlandticket，所以無咩事區內客唔會坐長途車。喺英國嘅朋友可唔可以補充吓，英格蘭北部都市帶嘅區域鐵路是否差不多規模？
- 我想起一件事，其實直到一兩年前拜仁州嘅區域鐵路都係冇路線編號，有啲似英國咁，只會顯示每一班車嘅五位數班次編號，唔知背後邏輯係咪好似英國咁。
#23 「至於法國，巴黎地鐵當然有路線編號，RER 就有分 A B C D E，但 RER 先係大把特車，有分支之餘，例如 RER B 由 CDG 往來機場本身就有站站停同飛站版本，梅花間竹開出，真係要睇班次編號先會知。」
- 法國巴黎RER又係另一個好有趣嘅題目，可以另外打開來講，呢度簡單一提，因為每條RER線嘅分支繁多，每個終點站不單有一個字母數字組合（如A1, A2…)，佢地仲引入左一個幾有趣嘅方式來讓乘客分辨每班車嘅Service Pattern，就係用一個四個字母而又發到音嘅組合來代表，每個字母可能有或者冇意思，而且打左喺車頭同報站系統上 ，稱為Code Mission，例如JUVI, EMAL等等。詳情可參考以下例子：https://malignee.transilien.com/2017/03/01/decryptons-les-codes-missions-des-trains/
#24 「從另一角度睇，英國城鎮之間嘅距離比歐陸諸國都近得多， 大城之間嘅地區人口都唔少，變佐metro, commuter及intercity嘅分野模糊。 真係要為路線編名稱、號碼難以用城市做核心， 好可能要整個區域甚至係country去做。」
- 其實英國嘅城際同區域服務都分到開來嘅，不過我最驚訝嘅係區域服務嘅票價竟然好似城際咁會浮動，而德國只係城際先至會浮動，唔通都係資本主義同社會主義嘅差異？
- 另外補充一下，德國嘅區域鐵路線路號碼係會重複使用嘅，例如RE1, RE2, RE3等等，大致按大州劃分（或幾個細州組成嘅跨州區域，唔係上述嘅區域鐵路管理局），但又無嚴格要求，只要一個區嘅RE1無同隔離區嘅RE1相遇就無事了 。英國好似郡對上一級嘅區域特徵並唔明顯（e.g. Northern, Midland, etc)，鐵路路線要點劃分號碼要交返畀大家了 。
- 英國以專營權劃分咗鐵路服務嘅網絡，感覺有啲似香港咁，都係以專營權劃分巴士服務咁，當中可能有啲區域會有部份重疊同埋競爭嘅情況，但係英國嘅鐵路專營權時代都快將走到尾聲，喺大英鐵路管理局重新掌控之後，區域鐵路嘅規劃同埋營運係咪就唔再需要考慮商業因素？例如車票水平更劃一透明，或者線路分工更加明確，減少同路線嘅競爭。對英國區域鐵路服務將來嘅改變真係令人期待。