JX9097 發表於 2026-1-31 09:02
其實你有無諗過
個個返晒上去消費
香港經濟會點？
有D野﹐大家都改變唔到的。
就算香港人親身返國內銷費次數/金額減少﹐你估香港經濟真係會好番晒?
如果你真係這樣想﹐由淘寶去到PDD﹑京東﹐這批內地網購店﹐應該係第一個要打擊的對象。
經營總有升升跌跌﹐每次跌跌升升都有改變經濟模式。
舉個例﹐沙士前﹐邊有咁多國內同胞? 沙士後由谷底回升﹐大家就開始為人民幣服務。
大家以前什麼都要去店舖買野﹐現在唔少人都玩網購。
你同我可控制到這些轉變嗎?
現在﹐只係等商家門想出另一個新經濟模式﹐重新由低位上番高位。
老實講﹐你講的問題﹐我都擔心。
但係擔心又有什麼用? 根本無法控制。
唔通政府真係限制大家返大陸咩?
就算你徵收出入境稅﹐計番條數都係深圳抵玩過香港﹐對留港消費幫助不大。
現在﹐只係可以寄望最多人北上的區域﹐只係keep在新界區﹐九龍區港島區因為車程及車費成本較高﹐較少北上銷費。
商家們睇下點改變營商模式﹐保持經濟發展。
本帖最後由 Toz 於 2026-1-31 11:51 編輯
JX9097 發表於 2026-1-31 09:02
其實你有無諗過
個個返晒上去消費
香港經濟會點？
所以齊齊塘水滾塘魚可以永續?
塘水滾塘魚會慢慢生去競爭力, 最終完全無法向外出口商品同服務賺錢
香港完全無法自給自足, 唔講其他野, 你邊度搵錢輸入要維持生存既食品同能源?
香港本來有二三十年時間轉型，結果行一步退半步，仲養左班巨嬰出黎，從來都唔知七八十年代做生意競爭有幾殘酷
本帖最後由 Toz 於 2026-1-31 12:07 編輯
kei_hk 發表於 2026-1-31 10:01
有D野﹐大家都改變唔到的。
就算香港人親身返國內銷費次數/金額減少﹐你估香港經濟真係會好番晒?
香港咪就係衰無同內地充份競爭
以前幾十萬個理由扮睇唔到內地發展，去到今日先焗住要清醒，中間咁多年時間停滯左，咁就死啦
JX9097 發表於 2026-1-31 09:02
其實你有無諗過
個個返晒上去消費
香港經濟會點？
而家人仔貴左好多，縮窄左兩地物價差距，就會多左人係香港消費啦。
不過，都係一句，加幾多都冇用，後生一班係坐緊高鐵和東鐵來往兩地，咁貴車費一樣日日上，或者每個weekend都上。我識唔少2019年仲講緊『八個字』兼身體力行既人，而家個個星期拍片講深圳邊度好玩，淨番既死硬派，走得既走，拉得既拉，比例已越來越少。
雖然如此，我係支持B線取消2蚊2折，劃一半價，因為在大陸和香港，呢批遊客起碼一半不是促進經濟。可是，呢個會違反內地『社會主義』主旋律，會出現社會爭議。
講番香港經濟，民不聊生就預左，也唔見得可以改善，但炒股炒樓那班，甚至政府庫房，又唔係咁諗，佢地呢排賺得好開心。拉勻來講，香港整體經濟冇問題。
本帖最後由 Toz 於 2026-1-31 12:43 編輯
FBI2 發表於 2026-1-31 12:32
而家人仔貴左好多，縮窄左兩地物價差距，就會多左人係香港消費啦。
不過，都係一句，加幾多都冇用，後生 ...
十幾年前人仔匯率最高果時，香港零售業的確好爆
問題係消費爆就會加租, 加租就會加價, 而錢最終落左收租佬袋，佢地賺十蚊都唔知有無拎返一蚊出黎消費...
循環多幾次, 只會越黎越衰, 因為利益分配模式無變過
Toz 發表於 2026-1-31 12:40
十幾年前人仔匯率最高果時，香港零售業的確好爆
問題係消費爆就會加租, 加租就會加價, 而錢最終落左收租 ...
呢個亦都係香港的士業真正死因
本帖最後由 hk20020062 於 2026-1-31 13:24 編輯
Toz 發表於 2026-1-31 12:40
十幾年前人仔匯率最高果時，香港零售業的確好爆
問題係消費爆就會加租, 加租就會加價, 而錢最終落左收租 ...
班收租佬寧願空置都唔肯減租
就算有人租，其實變相幫業主打工
近年好多街市都係咁
又高昂租金又管理費又冷氣費
總之可以有五花八門賺 (罰) 你錢的方法
結果街市賣肉賣菜賣水果，係做到意興闌珊
至於街邊都係一樣
你賺一蚊，業主加你一蚊租
錢就落晒業主袋
hk20020062 發表於 2026-1-31 13:17
班收租佬寧願空置都唔肯減租
估值減就變相銀行隨時可以call loan
所以點解寧願丟空都唔會減租
Toz 發表於 2026-1-31 12:40
十幾年前人仔匯率最高果時，香港零售業的確好爆
問題係消費爆就會加租, 加租就會加價, 而錢最終落左收租 ...
依家最大問題係斷層
無錢嗰班無咗個階梯爬上上層
結果就係貧者越貧，富者越富
FBI2 發表於 2026-1-31 12:32
而家人仔貴左好多，縮窄左兩地物價差距，就會多左人係香港消費啦。
不過，都係一句，加幾多都冇用，後生 ...
之前有人想爭取70歲以上免費搭車，如果真係取消B車兩蚊的話，真係好有趣香港人消費能力無變，只係追求性價比高的地方，你睇下而家依然都有人係店舖前大排長龍，但隔離就水靜河飛，好似淘弱留強啦，車費方面，搭兩程送一程，再加埋可以claim 交津，負擔無咁高
ps:家中兩老都話半價照北上，以前佢地對北上好抗拒，而家一點兒都無