1181174166 發表於 2026-2-11 23:43
下下一線獨大都係搞唔掂轉乘，本身3B客源唔止5C同路部分
殺3B唔一定倒落5C度，但富山去紅土同尖沙咀就會喺 ...
你就本末倒置
轉乘本來就係應該用來解決小眾需求，反正本來需要轉車既人都唔多。如果直接殺 3B，5 5C 唔好搞佢地，基本上都只係得富山往來紅磡土瓜灣部分位置需要轉車。但你就為左做大轉乘網絡，強迫大量乘客轉車。富山往來尖沙咀畀你拖慢 10-15 分車程係咪迫人轉車？淨係呢度都幾肯定多過 3B 無左之後要轉車人數。仲有如果唔可以叫 3B 班客轉車既話，多幾倍既慈雲山加鳳凰新邨往來紅土部分位置既 5C 客又可以大條道理叫人轉車？為左做大轉乘配套而倒過來為更多乘客製造不便，你照顧緊乜野乘客需求？
仲有真係講轉乘，富山最缺唔係落中九龍，而係落黃大仙轉車站轉車入新界，你又隻字不提，仲好意思推 2B 拉上富山改快方案。雖然 2P 半粒鐘一班做轉乘都唔係吸引，但你係完全無
丫係，富山落九龍城轉車站原來仲有 203E，你咁鍾意數班次而唔係計等車時間既話而家根本唔係差
無論富山往來深長荔最後用咩解決方法都好，咁如果同樣車數，你用來做密 5 5P，我 5 5C 唔郁然後可以開到條 2P 出來，事實係唔係我用同樣資源做到更多野出來先？話我咩因為個人喜好而整爛乘客體驗，你都打橫來講兼同慈雲山富山民意脫節
好似青沙、城隧、大欖呢類，本來一開始個 setup 就係畀人轉車，而且車程夠長，咪可以叫人轉車囉。但而家你唔係，而係本來好地地然後迫主流乘客一程過變轉車
商業角度，你想厹用更多資源做同樣既野，或者同樣資源做少咁多野，等同緣木求魚、癡人說夢。唔會因為你講到好似兩條線都有路段支持到 10-12 分一班，所以用多幾部車成本都無分別，或者做返同樣客數但收入會多左
仲好意思翻 loop 12A，而家事實係咪 3B 5C 重疊程度多成倍、客源重疊程度亦多好幾倍先？
本帖最後由 1181174166 於 2026-2-12 23:56 編輯
S3BL100 發表於 2026-2-12 22:14
你就本末倒置
轉乘本來就係應該用來解決小眾需求，反正本來需要轉車既人都唔多。如果直接殺 3B，5 5C 唔 ...
你執住富山落尖咀慢咗又唔提密咗？
2P喺2B/2F/6D/214個網絡下點生存？
203E又係同3C/9/11糾纏
原來最唔睇網絡係你囉
仲要203E水軍鬥海兵真係多謝晒，依家推5密啲又話我唔睇候車時間，塞字入人口呢啲嘢你真係耍家
富山會唔想5密啲?由頭到尾我都無反對宙山去長深荔，你又塞入我口屈我，我係話要做埋富山2B/F個pool點都要落水
鳳凰新邨比富山落紅土多，落尖沙咀咪仲多？
黃大仙至九龍城同九龍城至紅磡之間嘅站又邊有成倍？12A密3B成倍就係
1181174166 發表於 2026-2-12 22:30
你執住富山落尖咀慢咗又唔提密咗？
2P喺2B/2F/6D/214個網絡下點生存？
所以呢？事實唔係你用轉乘網絡為名迫大量乘客轉車，令更多人乘車體驗退步？
富山唔見得好志在為左 10-12 分一班而拖慢返 10-15 分車程，反正往來尖沙咀需求都係集中繁時，最近一次減完班都仲做緊 12 分一班，5C 繁忙時間都係差唔多班次咋。週末順向仲有客時段都仲做緊 15 分一班，完全唔見得加密幾分但拖慢咁多車程有乜吸引力，點解佢地一定要支持
反正厹根本唔會有誘因用你呢種方式重組就係，吃力不討好
黃大仙係有 2F 214 側邊仲有 2B 6D，但你咁鍾意轉車，你畀到富山全日 10-12 分一班落黃大仙轉車站先算啦。仲要 2F 214 都要經石硤尾，2F 仲要入埋橫頭磡同歌和老街。要砌呢條轉車線，資源從何來？點解唔係直接 2P 半全日乾手淨腳算？
203E 係同 3C 9 攬炒緊但條線做緊富山旺角獨巿、富山慈南往來亞皆老街醫院區獨巿，呢兩點已經足以令呢條線可見將來都唔會大改。先前我提過 9 分屍，分完後咪唔同 203E 攬炒囉，你又唔鍾意，捉住一個站去一個站小眾需求嘈幾十版
3B 5C 黃大仙到九龍城疊十個八個站，落到下路又同成堆流水疊十個八個站，差唔多啦。但如果計重疊客源，都幾肯定 3B 5C 重疊程度比起同 12A 多起碼成倍。12A 明明有不可替代獨巿位你都要扯埋來講，偷換概念，你根本就係撩交嗌
你同多數乘客作對完未？
本帖最後由 1181174166 於 2026-2-13 00:16 編輯
S3BL100 發表於 2026-2-12 23:57
所以呢？事實唔係你用轉乘網絡為名迫大量乘客轉車，令更多人乘車體驗退步？
富山唔見得好志在為左 10-12 ...
10-12分一班但係你睇下依家5咩班次先，上路個環境下再減絕對有可能
斬到20-25就已經一倍，唔郁5可以等沉
迫大量人轉車?邊個當日講到上路做到紅土?5做到5C就做唔到?
2P呢段你直接避咗個問題:除咗富山2P邊度獨市?結果咪又係要喺2B/F嗰度搵客
單係2B/F重組，2B進取啲改特快，富山一次過有晒三條線都可能得
9分屍我叫你畀5我轉車啊，你仲好意思叫人203E兜上去落返嚟，一係行到隻狗咁
彩福擺唔落又係問題，課金9X斬服務時間又係問題
黃大仙到九龍城疊十個八個站?你數一次九龍城到黃大仙轉車站幾多個站嚟聽下先?
有不可替代獨市就唔係重疊?yes no question你唔好同我講程度啦，一係係一係唔係
聲就大啦，搭起車上嚟麻煩至極
講到班次，疏但夠直接一樣有客，ETA唔係萬能但呢樣幫到手
1181174166 發表於 2026-2-13 00:07
10-12分一班但係你睇下依家5咩班次先，上路個環境下再減絕對有可能
斬到20-25就已經一倍，唔郁5可以等沉
...
再講多一次：上路玩爛左已經返唔到轉頭
唔好以為換條 5P 就可以救到，上路尖咀客走左根本唔會回流，你根本都係自欺欺人。甚至乎可以咁講，到時 5P 上路尖咀之間交唔到功課既話，就算慈雲山有客都阻唔到厹見到盤數唔對頭然後再繼續減班
但反正厹一開始根本就唔會用多幾部車或者慳少幾部車去咁樣重組。除非你覺得用多幾部車唔需要成本啦
同埋又係你講到好似斬 3B 之後富山落下路要轉車既，咁既話你唔係搞到大量原 5C 乘客要轉車先去到目的地？我只係套用返你邏輯姐
2P 係得富山獨巿架，但同時山頂比起坐 2F 都快 15-20 分。學你臨尾話齋，疏但夠直接一樣有客。仲嘈 2P 咩野？2B 係廢兼同 2F 攬炒緊但條線對竹園太獨巿，改快之後中間有成堆流水雖然人數唔多但要補都好麻煩，2B 除左則仁中心後直飛蝴蝶谷然後做循環慳一部車之外都無乜其他方法可以改而進一步慳車，但咁做起碼唔影響中間有人無車搭，除非真係狠心叫人 2F 7M 轉乘算
9 分屍呢單我地當日嘈左幾十版，我唔想再嘥時間重複
5C 3B 重疊唔使計慈雲山果幾個站？疊幾個站同疊十幾個站又無分別？你非黑即白扭曲客觀事實就最叻
S3BL100 發表於 2026-2-13 01:44
再講多一次：上路玩爛左已經返唔到轉頭
唔好以為換條 5P 就可以救到，上路尖咀客走左根本唔會回流，你根 ...
一直都講5P主力做慈雲山落尖沙咀，上路救唔到又如何？
要考慮嘅，慈雲山依家就係焗兜緊，5P幫佢哋慳返10-15分鐘
2P你靠富山夠唔夠養？你咪又係講唔掂拉2F落水拎山上班客
2P同2B/F根本就要一齊搞
上面講九龍城至黃大仙，依家又拎慈雲山嚟講，你搬夠龍門未？
重點係，啲人又唔會特登等3B，除非3B獨市位，殺3B又唔一定上返5C，唔拎12A仲可以拎11B/15嚟講
1181174166 發表於 2026-2-13 07:46
一直都講5P主力做慈雲山落尖沙咀，上路救唔到又如何？
要考慮嘅，慈雲山依家就係焗兜緊，5P幫佢哋慳返10- ...
5P 主力做慈雲山落尖沙咀就代表上路無同其他線攬炒？你禁止左乘客上路上落車未？
無人反對過 5P 比 5C 對慈雲山往來尖咀乘客更吸引，但對成個網絡影響、成個重組壞處，你就視而不見。你以為今時今日係九十年代尾，尖沙咀仲有咁多客？
2B/P/F 問題，不如咁講，如果最後埋單 2P 全日要增加用車數目唔多得過 2B 拉上富山，厹根本無任何理由就咁拉 2B 就算，放棄用 2P upgrade 班客又可以做埋黃大仙轉車站。2B 問題係你直接拉上去就對富山車程唔吸引，又收唔到 2P 個價；來回改快就輪到竹園有班流水客無車坐，係咪叫佢地半粒鐘一班轉 20-30 分一班車？你根本無簡單方法補償佢地。咁當然係多一事不如少一事，拎條現成 2P 全日就算。反正無舊線包袱，都唔係奉旨要做足全日十八粒鐘。再講多一次：如果埋單 2B 拉上山用車唔少得過 2P 全日，厹根本無任何理由改 2B 製造咁多麻煩
你先係搬龍門，而家講緊 3B 5C 重疊幾多，有乜理由唔計埋慈雲山？慈雲山又唔係黃大仙區一部分？
本帖最後由 1181174166 於 2026-2-13 21:09 編輯
S3BL100 發表於 2026-2-13 10:33
5P 主力做慈雲山落尖沙咀就代表上路無同其他線攬炒？你禁止左乘客上路上落車未？
無人反對過 5P 比 5C...
上路堆線根本主菜唔喺上路，屯公啲線喺長沙灣道攬炒？主要客源喺屯門，出嚟重疊就問題唔太重要
尖沙咀無咁以前咁多客，但係生存能力5P比5強得多，莫非要5繼續江河日下至肯收手？
5C唔止下路但3B只限下路，最後係咪大量轉乘就有疑問
就算轉乘班次上兩邊都夠密而唔會出現密轉疏情況
2P全日用車唔增加只有喺2F落手，又話睇候車時間，慈雲山竹園等客源拆三條但各自30分鐘一班
拉2B係無2P咁快，但富山點都要搵人夾架啦
竹園落樂富有7M，九龍塘有小巴，富山要落深水埗，單循環做返晒長深荔，其實都唔使補
慈雲山係黃大仙一部分又點？班次同路線已經非必要揀3B，彩虹道去尖沙咀5同5C又計唔計攬炒好？
又例如33A同30X同樣可以出旺角，實際唔會有人揀33A咁濟，有線唔一定會攬炒，遑論要禁止上車咁荒謬
1181174166 發表於 2026-2-13 11:36
上路堆線根本主菜唔喺上路，屯公啲線喺長沙灣道攬炒？主要客源喺屯門，出嚟重疊就問題唔太重要
尖沙咀無咁 ...
你拎屯門堆線去比都幾得意
而家堆屯門旺角線收緊幾錢？會唔會因為九龍段執唔到流水而圍唔到皮啊？5P 又收緊幾錢？行快左都要一單 60 個全費客先有機會唔使蝕。但上路尖咀本來坐緊 5 5A 26 28（只限回程）改完就坐 5A 5P 26 28，彩虹道往來上路本來 5 11 變 5P 11，唔會因為本來 5 同其他線攬炒緊所以改個編號拉去第二度就唔攬炒架喎。就算 5P 畀你加到 10-12 分一班你禁止唔到上路客上落既話其他幾條線咪此消彼長囉，成條走廊運力多左但客無多到又圍唔到皮點樣唔係攬炒？
你真係好鍾意拎堆無可比性例子亂比架喎，拎咩 30X 33A 去比又係。再講多一次：上路已經玩爛左返唔到轉頭
彩虹道落尖咀 5 5C 未至於攬炒因為目標客源無乜重疊，但你肯定 3B 5C 喺山上面唔係客源大幅重疊？山頂落紅土時間 3B 5C 差距根本唔係去到彩虹道往來尖沙咀 5 5C 呢個程度差別，更加唔係 30X 33A 荃灣出旺角差距，咁都有得比？甚至乎落山方向 3B 5C 時間好似打和
你要比較都唔該搵個好少少例子，明明做緊同一班客，就唔會因為一條向左走一條向右走再匯合返就唔重疊囉。而家邊個搬龍門？
2B 事實係你改快之後竹園往來浸大至石硤尾一段根本無簡單方法補償替代，就算你話有綠小 72 都係又一城止步，中間都有位真空。反正 2P 全日唔使問過竹園意見，但你拎 2B 就要。真心你 2B 拉上富山除非做單循環兼 30 分班否則現有車數都係唔夠做架喎，如果最後埋單大家都係要咁多車做點解偏要捨易取難？再講多一次：你又做唔到富山往來黃大仙轉車站
先唔好理 2B 2P 點搞，回歸基本步，你同唔同意以下呢幾點先？
1. 你同唔同意你將 5 改落下路再 5P 全日方案，用車數目會比起直接斬 3B 更多？
2. 你同唔同意你將 5 改落下路再 5P 全日方案，因為用車數目比直接斬 3B 更多，成本會比起直接斬 3B 更高？
3. 你同唔同意你將 5 改落下路再 5P 全日方案，因為成本會比起直接斬 3B 更高，實際客流一樣咁多之下整體虧蝕程度會比起直接斬 3B 更高？
4. 你同唔同意你將 5 改落下路再 5P 全日方案，實行後至少頭半年都會有大量乘客坐錯車？
5. 你又同唔同意一個令大量乘客坐錯車既方案係製造緊混亂？
你唔鍾意斬 3B 換 2P 既話，好似隔離版友建議換條 88A 我都無所謂架喎，對比起你全部資源落返 5 5P，一樣都係同樣資源做到更多野。厹角度佢地一定係想用 5 5C 資源做齊咁多野，而唔會係用埋 3B 資源做返一樣咁多客。呢個前提下你想做 5 5P 最終結果好可能係兩條線長期都 15 分一班，大家齊齊無密車流水，呢個結果你係咪好想要？不過反正下路版 5 客量都會弱過 5C 就真
本帖最後由 1181174166 於 2026-2-14 09:42 編輯
S3BL100 發表於 2026-2-13 23:08
你拎屯門堆線去比都幾得意
而家堆屯門旺角線收緊幾錢？會唔會因為九龍段執唔到流水而圍唔到皮啊？5P 又 ...
屯門線收得貴又點？路程長咗成本都多咗
個問題係大家都喺上路搵唔到食嘅話，條線唔靠上路都有批客咪得囉
2B嗰度因為點都要落深水埗會經南昌街落，真係補唔到係歌和老街，真小眾到我唔會講，而且2P去到黃大仙轉車站又點，30分鐘一班不如轉小巴無咁嬲
收窄問題都好，不過1、2、3反問為3B嘅車只要唔直接食落肚換2P定88A都好成本都比直接收起高
與其收落肚，不如先重組？再者，除咗5C要補償皇恩浩蕩嗰兩架之外，5都理應加返車去方便轉乘，但係後者喺上路混戰搵唔到食，難以支撐班次
4:5取消，3B延長至尖沙咀碼頭，全費加到$6.7，分段另議
5:每個改變都係叫引起混亂，香港人適應力高就問題不大