1181174166 發表於 2026-2-10 00:00
夠有人坐緊3B，得返5去上路，又點呢?
5夠大把替代，又有巴士又有屯馬
所謂全數受影響，受乜嘢影響，有無車 ...
再講多一次：根本唔係咁玩。原本有車坐果班客，重組完之後要改坐第二條線，係就係有車坐，RPP 都要同你計落受影響人數
果班原本坐緊 5 仔然後無啦啦發覺自己坐緊果部車去唔到目的地，要改坐第二條線，因為仲有車坐就算佢地成為龐大混亂受害者都話無影響佢地，你呢種論調根本自欺欺人。明明有簡單方法你偏要複雜化唔玩殘班客唔安樂，你心態都真係好奇特
調返轉 3B 斬線之後下路「無車坐」班客根本好少，反而你 5 改落下路再 5P 全日之後鳳凰新邨落下路果班客係咪無車坐？佢地好似人數比起 3B 仲多
仲有三合一方案唔係我提出，只係一個我會接受方案。我心水做法係 21 上路落到浙江街再調頭行下路兼來回改行鳳德道，但都會係開半粒鐘一班，三合一兜多少少但可以開廿分班
紅土個底唔係唔夠玩密車流水，但你鍾意炸開晒咁多條線就當然個底唔夠。最有效率方法當然係將僅餘乘客盡可能集中落一條密車流水，咁先係令大多數乘客等車時間最少方法，太獨巿小眾需求位就無辦法當社會責任就算。你個玩法用車同班次數目並無因為炸開咁多條線而減少，但乘客整體候車時間反而增加，賠了夫人又折兵，有乜效率可言？
本帖最後由 1181174166 於 2026-2-10 15:24 編輯
S3BL100 發表於 2026-2-10 01:46
再講多一次：根本唔係咁玩。原本有車坐果班客，重組完之後要改坐第二條線，係就係有車坐，RPP 都要同你計 ...
較少就唔係無車坐?
拎5出嚟講，真係去唔到目的地計就天光道附近，除咗富山之外咁就搭11
鳳凰新邨本身尖沙咀受惠，反之上路由無車變有車，5代3B「做咗紅土」，5P/5C同理，定你又己所不欲must施於人?
你問我就好保守，唔會咁響口倒3B落5C就保到10-12，如果係咁5行下路食埋3B照寫10-12都無問題，5P全日代5C節省行車時間要甩啲車都得
但係一去到轉乘問題，5同5P做到班次平均先理想，唔係5C班次唔夾而5得15-20分鐘一班，轉車嚟講唔理想
再算5改下路都係少咗條3B，21連四美街都唔係獨市，group埋都要睇點group，慈雲山更值得有5P
巴士公司唔做唔錯，唔改5C絕對正路，我唔反對呢點
但係呢種食古不化嘅做法係咪對乘客嚟講係好事？谷5C轉乘但無線夠密去駁，點密法都係蝕底
1181174166 發表於 2026-2-10 08:03
較少就唔係無車坐?
拎5出嚟講，真係去唔到目的地計就天光道附近，除咗富山之外咁就搭11
鳳凰新邨本身尖沙 ...
做乜講一半唔講一半？咁你而家係咪搞到慈雲山同鳳凰新邨無車坐落下路先？就算你話佢地落尖沙咀快左都改變唔到呢個事實
你咁鍾意講程度唔講人數，咁你覺得慈雲山同鳳凰新邨非繁落尖沙咀快兩三個字就係拎走佢地往來下路密車流水理由既話，我亦無理由唔可以摺左條 3B 去畀富山大半日都有車落深長荔囉，後者係由無變有喎，受惠程度都高過提速唔少喎
調返轉你亦解釋唔到點解為左慈雲山同鳳凰新邨落尖沙咀快 10-15 分就可以叫富山同彩虹落尖沙咀慢 10-15 分，如果快係咁重要點解又可以拖慢其他人車程？
你根本就係雙重標準、前後矛盾
又計返受影響人數，慈雲山同鳳凰新邨往來下路，點都多過富山往來下路以倍數計。唔係唔畀你討論受惠同受影響程度，但首先受影響人數係一定要喺 RPP 交代。現實入面係絕對唔會用你呢種根本擺上文件都唔知點交代既方式去重組，任你講到你覺得應該點都唔會有人睬你，收手啦
同埋你 5C 變 5P 減左幾多時間 5 仔改行下路咪又係加返咁多時間，到頭來兩條線平均車程拉勻無變過，你講到好聽想兩邊都做到密車轉乘，但首先要轉車都係小眾，然後咁拉勻又想做到大家齊齊 10-12 分一班就意味你要將 3B 取消後幾乎所有資源都倒返落 5 5P 呢個 pool 度，到頭來係唔會有資源去開 2P 半全日，咁鍾意講受惠程度你個方案居民受惠程度同直接斬 3B 換 2P 完全無得比。為左果少少效果而每日將兩萬個客玩到反轉，付出不成比例代價，然後原來上路已經玩爛根本 support 唔到密車 5P 於是慈雲山又係等畀人繼續減班，你都係算吧啦
本帖最後由 1181174166 於 2026-2-11 00:42 編輯
S3BL100 發表於 2026-2-10 23:16
做乜講一半唔講一半？咁你而家係咪搞到慈雲山同鳳凰新邨無車坐落下路先？就算你話佢地落尖沙咀快左都改變 ...
鳳凰新邨咁重要，5C靠佢咪得，3B你唔需要嘈攬炒，係咪？
2P全日唔一定要3B抽車，2B/F個pool抽都得，反之5加密咗，你將長深荔同紅土擺對立，根本就唔係呢回事，5密咗你咪又係講一半唔講一半，又唔見你收手？上路5同其他線攬炒等沉落去又係咪好事?
人數交代大半5P補返，轉乘講緊拎條不多於15分鐘一班而唔係近期轉30分鐘一班嗰隻敷衍了事喎
1181174166 發表於 2026-2-11 00:01
鳳凰新邨咁重要，5C靠佢咪得，3B你唔需要嘈攬炒，係咪？
2P全日唔一定要3B抽車，2B/F個pool抽都得，反之5 ...
又非黑即白，一條線只可以一個位多客，又一定沿途有地區多客到唔使做其他區生意都掂？咩邏輯？
明明 3B 5C 除左慈南到鳳德邨口之間一條向左走一條向右走之外一路落到紅磡都係完全重疊，點樣唔攬炒？
講到好似 2P 唔一定要抽 3B 車去做，咁而家你 5+5P 上下路對調方案用車數目係咪多過 5+5C 走線不變先？但原來都係做返一樣咁多客，你個方案有乜效率可言？點解要用更多資源去做返同一班客？
問題咪正正係你為左要 5 仔改落下路之後做返 5C 服務水平而加密，同時 5P 全日後又唔可以疏過 5C 幾多於是又要密過 5 仔囉。但到時結果都幾肯定係 5 仔下游多客而上游無乜客，調返轉 5P 上游多客而下游唔夠客，而你就因為要每段路都載得晒而要兩條都開 10-12 分一班，結果就大家都有半條線運力未能盡用
「上路 5 同其他線攬炒等沉落去又係咪好事」，再講一次，上路已經返唔到轉頭，你擺條 10-12 分一班 5P 落上路都唔會有客回流，因為根本就無咁多客，反正就算無鐵都已經一路跌緊客，擺條 5P 落去咪輪到半條 5P 同其他線攬炒，而且同 28 攬炒得仲勁
呢D損人不利己，投放不成比例資源又做唔到幾多野既建議，真係你先諗得出
本帖最後由 1181174166 於 2026-2-11 19:36 編輯
S3BL100 發表於 2026-2-11 11:49
又非黑即白，一條線只可以一個位多客，又一定沿途有地區多客到唔使做其他區生意都掂？咩邏輯？
明明 3B 5 ...
咁係咪要一條線做晒啲先？富山又係咪唔可以谷返密5呢?最少本來可以來往富山要轉乘係需要有返咁上下班次，仲有可以轉乘去更多地方，唔止下路
下路得一條路，12A夠由球場一路重疊到紅磡啦，又點?
2P又真係唔一定要抽3B喎，3B殺線唔係必然要做2P，直接收起都仲得
5+5P幾樣嘢:
1 上路5P唔需要靠流水維皮，慈雲山<>尖咀比5更為多客
2 5唔再同11/28攬炒
3 5靠下路加密
5上游無客?下路唔會去新蒲崗?
5P下游無客?慈雲山班客會下路落晒車?係嘅話直頭殺5C做大3B好過啦，收少一蚊唔使入尖沙咀
「呢D損人不利己，投放不成比例資源又做唔到幾多野既建議，真係你先諗得出」
你再講幾多次都無用，因為你根本唔啱你心水就亂加罪名，做咁多嘢都可以話無做嘢，多多稻草人都唔夠用
本帖最後由 S3BL100 於 2026-2-11 21:36 編輯
1181174166 發表於 2026-2-11 12:51
咁係咪要一條線做晒啲先？富山又係咪唔可以谷返密5呢?最少本來可以來往富山要轉乘係需要有返咁上下班次， ...
你都識講厹直接收起資源都仲得，商業角度點解佢地要用多每日幾部車成本去做返同樣數目乘客？傻的嗎？
仲好意思拎 12A 出來講，12A 重疊程度好似 3B 5C 咁嚴重嗎？又無本身係必需品既獨巿位嗎？你真係打橫來講，完全無邏輯架喎
「上路 5P 唔需要靠流水維皮」，咁 5P 慈雲山尖咀當然一定比 5 多客，但唔代表唔需要靠流水維皮囉。以呢條線行車時間計，一單都要有 60 個全費客先有機會唔使蝕錢，但事實係上路往來尖咀一段基本盤無變過
仲好意思話 5 唔再同 11 28 攬炒，你咪變左 5P 同 11 28 攬炒囉，講一半唔講一半
你最大謬誤係將 5 5C 5P 獨立去睇而唔係成個網絡去睇，兼選擇性只講逐條線好處而唔講本身自己跌左幾多客，又唔計總體成本。如果成件事調返轉，5C 唔上慈雲山改去富山，5 唔做彩虹富山改到同 5P 一個款，咁到時即刻現晒形，5C 上游客無咁一大截，然後 5 繼續同 11 28 等線攬炒，加密完班次之後所有班次出入尖沙咀都肯定仲有位剩。你以為改下編號兼製造混亂就可以呃到人，算吧啦
同埋我上面無講過 5P 下游無客，我係話無咁多客，唔好塞字入我口。咁慈雲山係一定有客往來尖沙咀，兼且係必需品喎，但上路尖咀客呢？有咁多？仲好意思話不如殺 5C 做大 3B，5C 貴為唯一全條下路往返尖咀路線兼回程一定坐佢，你為拗而拗連乘客本來需求都唔理
唔係我打稻草人，而係你根本打橫黎講。製造大規模混亂、每日至少兩萬客要改變乘車習慣，又避而不談甚至當好似無事發生，好似一定唔會有人坐錯車然後問候老母。同你呢種唔講邏輯既人討論真係好難
本帖最後由 1181174166 於 2026-2-11 22:31 編輯
S3BL100 發表於 2026-2-11 21:35
你都識講厹直接收起資源都仲得，商業角度點解佢地要用多每日幾部車成本去做返同樣數目乘客？傻的嗎？
仲 ...
2P咪一樣傻的嗎？5+5P又無多過車，又屈我？
你講得啱呀終於識得轉彎5C改去富山，咁點呢？
慈雲山唔見5C就唔上5P?下路唔搭5C去彩虹道？
3B比12A多個彩虹道，12A就唔係重疊？
5P你自己話下游唔夠客，依家縮沙話無講過無客？哦
5班客會問候？車密咗你唔提，5行上路就做紅土大區、行下路就雙重標準，唔講以為日日5天光道嗰頭兩萬人上落
1181174166 發表於 2026-2-11 22:27
2P咪一樣傻的嗎？5+5P又無多過車，又屈我？
你講得啱呀終於識得轉彎5C改去富山，咁點呢？
咁事實上你 5+5P 係咪用車多過直接斬 3B 然後 5 5C 唔改線先？你認為厹點解會肯做你個方案而唔係直接斬左 3B 算慳多幾部車？
個 point 就係如果行下路果條叫返 5C、行上路果條叫返 5，你個方案到底會對客量有咩影響即刻現晒形囉。你上面話咩 5 仔密左多左客，仲講到好似 5P 唔會同 11 28 攬炒，都變成廢話。換言之你根本係自欺欺人
而家重唔重疊都有程度之分，因為可以畀 12A 同其他下路流水重疊，就代表 3B 同 5C 再疊多成倍路段都唔係問題？你公然違反邏輯，根本係撩交嗌
同理 5P 下游唔夠客，唔代表無客，但有客亦唔代表夠客。講到 5P 因為有慈雲山客加持所以下游都會夠客，你都係自欺欺人
反正事實係至少兩萬人喺你個方案底下要被迫改坐另一編號路線，如果你覺得 Day 1 個個都識自己走位然後唔會有人坐錯車，你都太天真。好似十幾年前 6D 40 重組（which 係應該要做），40 唔係大線但都係老牌線，做左成年都仲有人坐錯車，上左車先發覺唔經深水埗九龍城。甚至乎再近少少 82X 84M 兩條廢線，一樣有人坐錯車、一樣製造緊混亂。係你立場先行，覺得可以大條道理搞人地老牌大線，所以認定呢種情節一定唔會發生
本帖最後由 1181174166 於 2026-2-12 19:27 編輯
S3BL100 發表於 2026-2-11 23:08
咁事實上你 5+5P 係咪用車多過直接斬 3B 然後 5 5C 唔改線先？你認為厹點解會肯做你個方案而唔係直接斬左 ...
下下一線獨大都係搞唔掂轉乘，本身3B客源唔止5C同路部分
殺3B唔一定倒落5C度，但富山去紅土同尖沙咀就會喺新5度，係咪真係爭咁多呢？
你無得避嘅係5轉5P上慈雲山轉車等12-15，5C轉5去富山嘅方案轉車等15-20
當然你可以將3B加落5度，問題係5靠邊度可以撐起個班次？
你執住直接殺3B唔搞5改路就係慳車，自己又喜愛2P又拎車去用，咪又係顯出你因你喜好而整爛乘客體驗囉3B抽一架拉長2B去富山兼改快，剩低畀5改路加班
12A你計程度路程上比3B少黃大仙，球場疊到紅磡都夠長
28重疊問題你又唔講程度，即使彩虹道打落一樣，上游個底都唔同程度
連你話針對我嗰個會講28落下路同5C重疊，係得你攬炒上腦無人出聲啫