1990年的香港過海隧巴服務
1990年，香港有以下21條隧巴：101-113，116，119，141，170，182，以及東隧巴士線601，606及690。（當然仲有121及122兩條通宵隧巴吧）呢廿幾條巴士線，幾乎覆蓋港九市區及沙田、將軍澳區。不過細心看看，便發現每日0600至0000服務的隧巴線，只有101，102，104，105，106，111，112，113，116九條線而已。103，108，110，170，601，606雖然每日服務，但是卻早於晚上8時便開出尾班車。而107，109，119更是假日停開。141，182及690假日停開之餘，更只限繁忙時間服務。既然中巴那麼重視隧巴線，而九巴亦希望加強港島區的網絡，為什麼有為數超過一半的隧巴線係“工半線”，以至繁時線，先謝。 多客有數圍咪重視開耐D，唔夠客無數圍咪唔開咁多，就係咁簡單 本帖最後由 asv98.kw131 於 2026-2-19 19:34 編輯簡單啲講就係當年好多區域都未成熟，舉例 690 所在嘅將軍澳當時仲係好多建設緊嘅新區，未住人，巴士公司當然唔夠膽全日。
再極端啲嘅例子係北區，373 喺 90 年代已經提供服務，但北區當時真係好少人住，所以 373 一直都係繁忙時間服務，一直到 2013 年先有全日服務嘅 373A（2015 年改編號做 978）。
亦都有啲路線係輔助其他路線，例如 141（以及後來嘅 641）去嘅地方同時有 101 可以到，你可以想像 141 係 101P 嘅角色，101 嘅快速版本幫手疏導 101 嘅客量咁樣。
當時唔少巴士嘅路線牌只可以顯示三位數，呢個可能都係當時唔少輔助路線用咗獨立編號系列嘅原因（又例如 112，理論上佢係做 102A 嘅角色多啲，甚至 121 亦都只係 N101 但當時三位數根本唔可以加多個字落去）。 101R 102R係四個位, 所以唔應該用現有眼光解讀同一系列要用同一號碼, 101分支出111 121 141就已經可以解讀到分支線, 131即係之後嘅621, 一開開咗東隧版所以冇咗131.
基本上, 109有113 170做埋何文田, 所以無需要每天全日, 香港仔有170過海, 或者搭中巴出灣仔轉過海巴, 119係做東九冇過海巴嘅地方, 嗰啲位置同沙田 將軍澳一樣係住宅為主, 沙田已有170全日下, 119 182不需全日服務.
以前巴士蓬勃嘅年代, 如果係啲需求比較低嘅過海線, 唔全日都係應該, 首先係條隧道要頂得順, 以前紅隧塞車係嚴重過而家好多, 加上港島同九龍各自有啲嚴重塞車位, 而有啲非繁都密密有客嘅線例如101 102 105 106 111 112, 佔咗過海客流最大比數, 其他人轉車, 或者有地鐵嘅地方搭地鐵, 係好普遍. 90年將軍澳淨係入咗康翠+寶林
景林都仲係入ing
新都城、怡心園、毓雅三寶、疊翠仲未存在
690未全日都可以理解 s3n370 發表於 2026-2-19 19:24
多客有數圍咪重視開耐D，唔夠客無數圍咪唔開咁多，就係咁簡單
170本身中巴都唔係好想做，之前港台有條片講過呢件事，九巴肯加車但中巴唔肯
結果九記要自己喺夜晚整銅鑼灣短棍變相延長尾車，去到1993年城巴接手延長尾班車先取消
EX-TL 發表於 2026-2-19 20:21
101R 102R係四個位, 所以唔應該用現有眼光解讀同一系列要用同一號碼, 101分支出111 121 141就已經可以解讀 ...
嗰時公共交通協調政策啱啱放寬無耐,但之前已經培養到d人出市區搭巴士、小巴轉地鐵/火車出入
當年地鐵觀塘線可以直接過海,唔使油塘站轉車,九龍東居民過海可以避開彌敦道走廊
加埋又有通用儲值票一大堆優惠又綁死一班人 已經2026年，606仲係8點收工，係咪傻㗎 tommy14D 發表於 2026-2-19 22:16
已經2026年，606仲係8點收工，係咪傻㗎
606條走線根本唔得
tommy14D 發表於 2026-2-19 22:16
已經2026年，606仲係8點收工，係咪傻㗎
110都係啦