原帖由 Wright---AVW16 於 2007-9-9 11:47 發表 http://www.hkitalk.net/HKiTalk2/images/common/back.gif
But last time NFB's own cross-harbor tunnel route ( Like 682 ) also hadn't increase the fare
I just refer to the current fare increase.Don't get mixed up, thanks
原帖由 EE9255 於 2007-9-9 07:25 發表 http://www.hkitalk.net/HKiTalk2/images/common/back.gif
大把路線如 82K 想 cut 線, 大把線想 cut 車, 可以嗎?
作為一個行外人, 對巴士公司運作認識有限而空談重組,
講到巴士公司唔識得你識咁樣...講出街真係得啖笑
唔通個個非繁忙時間, 通宵時間出街就要截的士?
架架巴士 ...
簡略而言，我有兩個好重要既觀點同你地並無衝突：
1. 巴士確係夕陽行業。
一個城市既集體運輸發展到咁上下始終會傾向又快
又載運率高既交通系統，而呢個系統毫無疑問係鐵路
優先，巴士客量流失係理所當然。
2. 上市確實令到九巴好大掣肘，因為個盈利表現往往
牽涉到外圍投資者利益。前面回應 hjhj 兄時我亦有
加以闡述。
但係而家九巴面對既流失問題，好大程度上牽涉到其他
道路交通經營者去趁九巴服務不足之處既可乘之機。
所以我覺得係呢兩個前提下九巴仍然有進步空間。
如果九巴認為無的話，咁我認為陳祖澤口中的「執笠」
亦無不可：既然咁多人咁鍾意搶九巴生意，咪由佢地做囉。
由頭到尾，我都無話我好了解巴士運作。
而且，出得聲既，都係基於自己對巴士運作既理解，
我唔覺得我講出口就一定係客觀上正確
──但我唔講出來，又點知呢 D 野有咩岩有咩錯？
原帖由 hjhj 於 2007-9-9 02:25 發表 http://www.hkitalk.net/HKiTalk2/images/common/back.gif
你們只會將專利巴士公司盈利最高的路線去跟類似村巴比
根本就沒有意思
因村巴除不用負擔非繁忙時段的蝕本生意
更不需負起營運一些長期虧蝕的路線
只要比較兩者整體營運成本,不難發現哪一個較低!
又係呢一句，好多人都以「村巴不用負擔非繁忙時段的蝕本生意」為理由，以佐證村巴經營成本較專利巴士低。
我倒想反問，專利巴士中的繁時路線、馬場路線、假日消閒線等，都係「不用負擔非繁忙時段的蝕本生意」，繁時路線唔使講，馬場同假日消閒時都係只限多人去馬場同郊外既時候至有，少人去馬場同郊外既時候係唔會有。點解收費唔見得平，反而馬場路線、假日消閒線等，收費反而會比相若既常規路線貴好多？
都仲未計專利巴買油免燃油稅
點解同樣係「不用負擔非繁忙時段的蝕本生意」，村巴會平，專利巴會貴？
原帖由 mckhgc 於 2007-9-8 14:08 發表 http://hkitalk.net/HKiTalk2/images/common/back.gif
車長「超安全」(尾班車除外)既駕駛態度，見離遠綠燈，就慢慢碌過去，埋到去燈位，仲可以趕到綠燈尾都唔過，一見黃燈就話知你大半架車過左界都即dup，有時仲離譜到未轉黃燈都dup，埋站上落完客，前面有另一巴士上落客，就慢慢等前車開走至跟著走........(唔敢話一定， 不過十次有七八次都係咁)
受慣九巴呢種駕駛態度，有時搭下城新(都已經唔同村巴小巴比)，感覺上真係完全兩種層次 ...
雖然係咁,不過近年九巴涉及o既嚴重車禍
不見得比新巴城巴少
原帖由 mckhgc 於 2007-9-9 13:00 發表 http://www.hkitalk.net/HKiTalk2/images/common/back.gif
又係呢一句，好多人都以「村巴不用負擔非繁忙時段的蝕本生意」為理由，以佐證村巴經營成本較專利巴士低。
我倒想反問，專利巴士中的繁時路線、馬場路線、假日消閒線等，都係「不用負擔非繁忙時段的蝕本生意」，繁時路線唔使 ...
唔同規模點比較呢?
淨係admin cost e樣野都差一大截啦
有時成日見話多人搭的路線點解唔加車, 唔想賺錢? 可能加左車每一環成本層聯鎖起來可能仲賺得少過加車前, d financial controller都真係計到傻:lol
p.s. 張八仔地鐵學生優惠下個月expire之後, 巴士加左價都仲係平少少, 唉..食野又貴, 搭車又貴, 真係俾人按住搶都冇計
原帖由 mckhgc 於 2007-9-9 13:00 發表 http://www.hkitalk.net/HKiTalk2/images/common/back.gif
又係呢一句，好多人都以「村巴不用負擔非繁忙時段的蝕本生意」為理由，以佐證村巴經營成本較專利巴士低。
我倒想反問，專利巴士中的繁時路線、馬場路線、假日消閒線等，都係「不用負擔非繁忙時段的蝕本生意」，繁時路線唔使 ...
你拿出這些路線來指專利巴士不用負擔非繁忙時段的生意
不就是以偏蓋全?
看看你提出的路線
巴士多要不載客前往車站候命,俗稱私牌
因要準時開出,都要額外預留時間先到達車站等候
萬一誤了時間開出,害了別人遲到,又要被人投訴了!
例如紅館"散場"的消閒路線
都不知是預早了多久便到車站等候
萬一該表演延遲散場,巴士都只能繼續乾等
但司機的超時加班可以不發?
加上人和車都放棄了該時段的原有收入來預早恭候,
這些消閒路線收費不貴便奇怪了
我上次最後不是提及要公平比較兩者營運成本
是要從兩者的整體成本去作出比較嗎?
非法村巴會"協助"專利巴士公司營運客量欠佳的路線嗎?
只見得有這些非法村巴出現的相近路線
盈利和客量都是很好!更甚他們只在繁忙時間服務吧!
即使收費較低,盈利也可能更高!
柴油稅真的可令非法村巴的成本高得這麼厲害?
現時超低硫柴油優惠稅是每公升$1.11
柴油零售價為$8.97
只是比免稅柴油貴不足一成半
撇開繁忙時間的用油
專利巴士公司因要負擔的蝕本生意
拉勻的平均成本,肯定已經比非法村巴多出遠超兩成
只要想想非繁忙時段佔全日多少個小時便可知曉
[ 本帖最後由 hjhj 於 2007-9-9 15:59 編輯 ]
個人認為加價冇問題,因為講到明平均加5 毫,可以接受
而家市道好左,大多數打工仔都有合理的薪金,每日用多5毫都唔係好過份.平時食飯加左一都仲比多2 蚊貼士啦,冇理由5 毫子比唔起掛.更何況而家有即日回程九折,加左個5 毫子轉個頭都比番你啦,仲想點?
原帖由 FD_8592 於 2007-9-9 20:34 發表 http://www.hkitalk.net/HKiTalk2/images/common/back.gif
而家市道好左,大多數打工仔都有合理的薪金,每日用多5毫都唔係好過份.平時食飯加左一都仲比多2 蚊貼士啦,冇理由5 毫子比唔起掛.更何況而家有即日回程九折,加左個5 毫子轉個頭都比番你啦,仲想點?
大多數打工仔即唔係全部人，無保障低下階層，呢個point唔成立
有人帶飯盒食飯，"比多2 蚊貼士"呢個point唔成立
唔係條條線都有即日回程九折，呢個point唔成立
原帖由 hjhj 於 2007-9-9 15:48 發表 http://www.hkitalk.net/HKiTalk2/images/common/back.gif
你拿出這些路線來指專利巴士不用負擔非繁忙時段的生意
不就是以偏蓋全?
看看你提出的路線
巴士多要不載客前往車站候命,俗稱私牌
因要準時開出,都要額外預留時間先到達車站等候
萬一誤了時間開出,害了別人遲到,又要 ...
專利巴做全日就話佢要負擔非繁忙時段的生意，同村巴一樣淨做最多肉食既時間又話要做咁多高成本行政工作，既然做專利巴生意咁慘，味不如學陳生話齋，執左佢囉
你以上講既一切，話專利巴做特別線點慘點慘，如果由村巴(不論合法非法)黎做又何嘗唔係？尤其你講既紅館散場線，根本就係非法村巴競爭下至出現既產物，唔通非法村巴做紅館散場線又唔使預先去「恭候」，個show遲完場又要繼續等？專利巴放棄原有收入去恭候，非法村巴亦係可能放棄租車生意去恭候。所以o係呢個特別線既比較上，根本唔存在邊個比較難做。反而同樣係「最多肉食」既時間至做生意，一個平一個貴，就係事實？
不過有D人就係要雙重標準，同一件事，專利巴去做就叫高成本既特別服務，村巴(不論合法非法)去做就叫「最多肉食既時間就黎爭生意」。