原帖由 pakchi70 於 2008-1-6 01:51 發表 http://www.hkitalk.net/HKiTalk2/images/common/back.gif
衝門呢個問題其實都講咗好耐好耐
地鐵亦都改咗幾次廣播,加長dodo,試月台dodo
但都未見成效
我都覺得地鐵響關門方面可以做得更好
淨係重開指定車門呢樣應該唔難做啦,硬係搞到架地鐵好似白痴咁一度門夾就全部都開,究竟 ...
其實前kcr 都做到只重開夾到人門...
係地鐵點都唔肯做, 但暫時都未聽過
正式的解釋.原因....只是批評乘客衝門..
我係第一版的回文都講過, 香港鐵路最有問題,
就係關門, 我諗全世界無乜鐵路系統, 可以一班車,
關4次門, 都未開到車....仲要唔係少見的...
呢方面, 的確係好有問題....比起之前D咩時間顯示...
而睇返個情況....其實全世界都有乘客衝門,
雖然乘客有責任, 但鐵路亦有一定程度的責任
[ 本帖最後由 3ASV196 於 2008-1-6 08:10 編輯 ]
原帖由 fcfhkmelb 於 2008-1-6 00:43 發表 http://www.hkitalk.net/HKiTalk2/images/common/back.gif
如果d人係趕時間，
點都會衝門
搭遲一班車表面上只係遲1分鐘，
但遲個1分鐘可以令你過馬路等多陣燈位、miss左部升降機等等，
經驗得知搭遲1分鐘車可以令人最終遲2-5分鐘甚至更多
叫人唔好衝門根本不設實際，
諗下點改 ...
唔同意....
咁你驚遲一分鐘又點, 最弊就係連累全車人同你一齊遲囉....
那個人唔識早D出門口嗎?
我相信呢個一定係乘客的操守問題....
原帖由 pakchi70 於 2008-1-6 01:51 AM 發表 http://hkitalk.net/HKiTalk2/images/common/back.gif
班次疏落唔係乘客衝門的藉口....
咁如果對面列車車長等埋轉車的乘客先開車, 我想問要用多幾多時間先開到車?
仲有, 都要諗下車廂的空間同埋對下一班列車到站時間的影響(即係前一班車裝晒兩班車的乘客,
後一班車空空如也, 咁會影響班次準確性)
若果車滿仍然迫上車，我覺得不算衝門，因為以香港人習慣，車內一定還有不少空間給人進入，但若果不去迫，人們並不太願意行入一些。但很多時又被人當為衝門。
另外，車滿走去衝係抵打，我所指的情況，係上一班車見有轉車客就開車走人，等了數分鐘，下一班車不但食了上一班車的轉車客，還好好心又等埋下一班轉車客，上一班轉車客有什麼感受？
遲1分鐘的連鎖反應我並不認同，因為預時間時就應該計劃好有延誤。但上文所寫的「不合理延誤」，就是鐵路公司的責任。
另外，非常認同，香港的月台助理，真的有多餘的感覺。
[ 本帖最後由 superay 於 2008-1-6 12:10 編輯 ]
原帖由 張偉沖 於 2008-1-6 11:56 發表 http://www.hkitalk.net/HKiTalk2/images/common/back.gif
唔同意....
咁你驚遲一分鐘又點, 最弊就係連累全車人同你一齊遲囉....
那個人唔識早D出門口嗎?
我相信呢個一定係乘客的操守問題....
呢個本身係操守問題, 但本身都係人性 心急的問題,
全世界大部分人都係咁ga 喇
過馬路見閃燈, 衝la, 等巴士見有車, 衝la, 地鐵, 當然亦一樣...
基本上, 唔可以將衝門數字減到零...
鐵路公司, 除左要教導乘客唔好衝門外, 亦應該去定立一個較好的系統,
將人衝門的機會減到最低, 亦係有人衝門下, 將受影響情況減到最低...
(前)地鐵除左第一樣有做外, 其餘2樣都做得唔好.....好似 關門dodo聲
車箱內播, 外面d人根本聽唔到, 加上車長關門時間不一, 肯定係增加左d人
意外衝門的機會 (呢d 野好多人講過), 同樣, 一夾到人, 全車開門,
亦係大大惡化左有人衝門下受影響的情況....
即我講, 唔係乘客無責任, 但明顯鐵路公司可以做得更好, 好簡單, 坐東鐵的,
一樣香港人(操守應該一樣la), 東鐵一樣好多人坐, 一列東鐵12卡, 比一列地鐵
的車門數目多50%, 點解東鐵唔會關好多次門? 又唔會成日開唔到車?
呢個明顯反映鐵路本身系統問題的影響性...
一味只係將責任推晒去乘客, 不但解決唔到實際問題(直言, 無改善過), 更反映
一鐵路公司對問題責任的推卸...
[ 本帖最後由 3ASV196 於 2008-1-6 12:41 編輯 ]
關門問題，我都見識過地鐵在月台播嘟嘟聲，因為地鐵大部分係島式月台，幕門又困住啲聲，
呢邊月台播，對面都聽到，好混淆，如果有兩班車差幾秒咁播真係頭都暈埋，所以呢個方法在島式月台車站不可行。
西鐵線的島式月台因為空間較多，而且播音器係對準某一邊月台，比較容易分辨到。
我覺得前九鐵那種「嘟到關門開車先收聲」的做法比前地鐵那種「固定嘟聲數量」更有用。
地下月台可以在幕門頂、地下，甚至幕門上加裝顯眼的閃燈或燈牌提示（成個月台一齊閃都幾壯觀:lol），
配以兩邊月台採用不同的警示聲（例如呢邊係嘟嘟，對面係東涌綫那種beep聲），
要嘟到關門為止，直情連說話都唔使，慳返時間亦避免混淆。
絕情一點可以臨關門時在門位豎起一塊板阻止乘客衝入去。
架空月台，可以用有人聲的廣播加嘟嘟聲（好似東鐵那種），或者統一起見照用上面個方法，
但係一定要對準個播音器，同埋唔使太大聲。
台北捷運都係冇人聲的，冇幕門添，列車臨到時月台地上有紅色燈閃爍，
臨開時會先有「焦焦焦」的「玩具槍」聲提示月台上的乘客，然後列車關門時伴以「bibubibu」的「消防車聲」，
一句說話都唔使講（佢個報站係兩文四語:L），我覺得幾有效。
呢個係2004年的體驗，唔知而家係咪咁。
[ 本帖最後由 DIH 於 2008-1-6 13:02 編輯 ]
原帖由 3ASV196 於 2008-1-6 12:18 PM 發表 http://hkitalk.net/HKiTalk2/images/common/back.gif
即我講, 唔係乘客無責任, 但明顯鐵路公司可以做得更好, 好簡單, 坐東鐵的,
一樣香港人(操守應該一樣la), 東鐵一樣好多人坐, 一列東鐵12卡, 比一列地鐵
的車門數目多50%, 點解東鐵唔會關好多次門? 又唔會成日開唔到車?
呢個明顯反映鐵路本身系統問題的影響性...
一味只係將責任推晒去乘客, 不但解決唔到實際問題(直言, 無改善過), 更反映
一鐵路公司對問題責任的推卸...
其實九鐵的關不到門問題較少，除了廣播外，關門權也是一問題，九鐵的車長即使心急開車，亦無權隨意關門
反而地鐵的關門權在手長手上，心急開車也可能導致關門時間不一的問題，坐開地鐵的人也許偶然會見到車長實在太心急關門，廣播都未播完，乘客都未上好就關門，連月台助理都搖搖頭。
另外本人見過有次車長不熟習廣播系統，未開門先播關門廣播，播完先開門，然後就關門了......最後當然是夾人收場，亦反映地鐵關門權的問題。
原帖由 DIH 於 2008-1-6 01:01 PM 發表 http://hkitalk.net/HKiTalk2/images/common/back.gif
台北捷運都係冇人聲的，冇幕門添，列車臨到時月台地上有紅色燈閃爍，
臨開時會先有「焦焦焦」的「玩具槍」聲提示月台上的乘客，然後列車關門時伴以「bibubibu」的「消防車聲」，
一句說話都唔使講（佢個報站係兩文四語:L），我覺得幾有效。
呢個係2004年的體驗，唔知而家係咪咁。
部分車站已加裝半身月台幕門(大站優先加裝)，其餘和你所講的相同。
不過台北捷運車站不知為何環境十分寧靜(大站亦然)，車箱內的消防車聲傳到月台上好應聲，但車內又不覺刺耳。
反而香港地鐵o都o都聲車內覺刺耳，車外卻聽不到。
其實根據個人觀察，
九鐵列車夾人夾得比較少，唔係因為無人衝門
而係因為關門速度較慢，令衝門的「成功率」比較高，唔需要重開車門
地鐵既列車（尤其係M-train），關門速度又快又大力
就算唔係衝門，入面太迫行慢兩步都會夾親，搞搞下咪要成日重開車門