◆ 青沙公路 KMB 86系 建議 (第4頁有新建議: 包括87系) ◆
◆青沙公路 KMB 86系 建議◆請按 : 第4頁有新建議~包括87系
前言
幾個月前, 小弟曾經建議拉 86a 入西九龍新區, 善用 86a 資源
去服務海麗村 + 四小龍 = 泓景臺、昇悅居、宇晴軒、碧海藍天
基於之前 0既建議, 再考慮到長沙灣係一個重要 0既商貿區, 所以
今次建議將 86系 0既 86A 同 86C 改行青沙公路, 需要更改兩條
路線九龍區 0既總站, 並且將 86A 沙田區總站延長至沙田鐵路站;
而 87A 會作出適當 0既配合將博康總站移至沙田圍 .
目標
經改動行車路線後, 希望可以令 86A 同 86C 加快連接兩地 0既
住宅區同商貿區::time:
住宅區 > 商貿區
馬鞍山 > 長沙灣
深水土步/長沙灣 > 小瀝源/石門
沙田圍 > 長沙灣
深水土步/長沙灣 > 沙田市中心/新城市廣場
另外, 兩條路線沙田區內第一個分站就係大圍站, 可以方便九龍區
乘客接駁東鐵進出內地. :victory:
詳情
86A -- 沙田鐵路站 <> 大坑東
~ 九龍方向 ~
睇行車路線
~ 沙田方向 ~
睇行車路線
(沙田區內走線類似 170)
86C -- 利安 <> 又一村
~ 九龍方向 ~
睇行車路線
~ 沙田方向 ~
睇行車路線
(入恆安村路線未能繪畫)
另外, 關於繁忙時段輔助路線 86P 同 86X, 因主路線改動, 所以暫時未能
有一個較好0既方式處理, 請諒! :((希望可以補上)
(87A -- 沙田圍 <> 柏景灣 : 來回方向都行經沙角街, 即係用 89B 沙田區內走線)
保留兩條路線原有獅子山隧道轉乘, 方便受影響 0既乘客. :handshake
86A 九龍入沙田要服務海麗 + 四小龍, 所以行車路線比 86C 迂迴,
86C 變 0左 86A 沙田圍特快版本, 當然乘客要畀多D車費!
總結
九巴/運輸局話改動 86 系行青沙公路唔可以服務最多 0既乘客, 無可否認
某程度上係正確; 當一大堆 86系87系湧入南昌街上山去沙田, 深水土步區
0既乘客好似有好多選擇, 但實際 0既服務又係唔係 0甘好呢?
長沙灣商貿區、西九龍新區 0係正青沙公路長沙灣出入口, 巴士乘客仲
點解要慢慢碌入沙田呢? :Q
重組真係有 0甘大困難同阻力? 不過喱度 C1版, 可以出小弟 2009年最後
一個路線建議; 大家可以睇下可行唔可行.
不足請補充, 有錯請更正, 多謝大家!
::
[ 本帖最後由 karnarcy 於 2010-1-30 14:27 編輯 ] 我覺得影響乘客的定義，係在乎全面睇。
86A同86C乘客的使用情況，長沙灣乘客佔幾多，行車時間需要幾長。
深水埗乘客佔幾多，行車時間需要幾長。石硤尾，九龍塘......如此類推。
如果路線乘客最大佔有率中得不到最大的受惠，重組來都沒有意思，
反而趕走乘客幫襯其他對手，得不償失，才是斟酌的地方。
另一方面還要顧及使用者對改站的適應程度，如果整條路線都係長者乘客較多的話，
他們對路線改變行車方向的接受性會較低，所以我自己認為應該全盤地看。
如果獅子山隧道好像十多二十年前那麼擠塞的話，這樣的路線優勢一定存在。
如果照總站的設定，又一村總站看來並不可行，因為又一村總站已經計劃縮細以擴建又一城，
到時巴士好似得2-3條坑，其餘全部係小巴泊位。
大坑東總站一定要踢走2C，而且以現場環境，看來返沙田方向需經棠蔭街比較安全。
沙田鐵路站都滿座，亦都不宜放多條新路線。
我個人對86A改線偏向支持，但對閣下定線有保留。起碼石硤尾還有87A。
而且大坑西街係咪真係適宜巴士行呢？
86C我則認為唔適合改線，反而改86X可能會好一點。 86C唔應該要走.青沙..
始終石硤尾會真係慢左好多...
而且86A冇需要兜落去海麗到....
若果係要行青沙既話
我覺得寧願循環咁走好過... 86C改到吾行亞公角街?
回復 2# 的帖子
首先多謝 3555兄 0既意見.其實小弟好同意你 0既想法, 要掌握每個區 0既客量分佈, 令到改動後
有最多乘客受惠. :)
或者用巴士公司個角度諗, 86A 86C 逆走有有一定 0既理由 :
白田、石硤尾基本上係純住宅區, 商業活動較少; 而深水土步、長沙灣
除 0左係住宅區, 仲有好多商廈、貨倉、大型購物中心、政府合署等等
商業活動頻繁, 人流自然大.
小弟唔係歧視住宅區客 (普通客), 但巴士公司在商言商, 一定會先照顧
商貿區客 (大客/VIP客);就好似銀行設立特別服務台去優先處理D
XX理財客 0既交易一樣
雖然無實質數據有D紙上談兵, 但小弟相信商業活動先至會帶起更大
0既人流, 而商貿區就係喱度站友所講 0既 '客倉'.
沙田圍出去白田石硤尾都仲有 87A; 祇有馬鞍山與沙田圍之間出去
白田石硤尾要兜圈.
正如先前所講住宅區與住宅區之間人流較細, 希望轉乘可以減低
對乘客 0既影響.
::
回復 3# 的帖子
多謝 Snoopy@FB8617 兄 0既意見.小弟個人意見:
86C 走青沙公路, 白田、石硤尾必然會成為尾站; 就好似而今 86C
走獅隧, 長沙灣會成為尾站一樣.
權衡巴士公司/乘客利益, 86C '逆走' 青沙公路利多於弊; 或者真係要
乘客適應樓上 3555兄提及, 改變乘車方向 0既習慣.
或者你可以睇番觀塘去沙田市中心 89 89X 0既尷尬情況. :loveliness:
又甚至你可以諗番當年大老山隧道通車, 路線重組, 黃大仙變站尾,
沙角街兩邊都有車出觀塘, 土瓜灣客要遊半粒鐘先至入隧道去
大埔, 等等. :o
至於 86A, 放棄 0左白田、大窩坪 0既客, 就需要增加新客源;
而小弟相信喱個新客源比舊 0既更有潛質. :victory:
:: 首先，因Google Map沒有顯示巴士專線，令閣下繪畫了一些較迂迴的路線。按照你的建議，86A往沙田是可從南昌街直行，然後入元洲街；86C往沙田也可從南昌街直接轉入鴨寮街，這也是兩線現時出九龍的行車路線。
86A基本上沒甚麼意見，但86C九龍總站我認為應改到大角咀，利用31B線的行法往返深水埗及大角咀。因大角咀是新興商業區，該區的需求應較石硤尾的大，而且由深水埗到大角咀及又一村的車程也相距不遠。86C在九龍塘的客量其實偏低，就算是在繁時，我都只是試過有一次在則仁中心有一乘客登車 其實路線無完美
ｃ１版有邊個建議唔會比人提出反建議呀
三個新總站都有問題
原因樓上已有師兄提及（ＰＳ：頭先睇番巴典 沙田站唔係完全無位，但係要將８６Ｓ搬去８６Ｋ ＳＨＡＲＥ坑／留係原位同８６Ａ ＳＨＡＲＥ）
我唔知樓主出建議係出於咩理由還是為行青沙而改行青沙啦
不過都係斗膽提出意見
小弟認為新８６ａ感覺有少少吊鹽水ｆｅｅｌ
名正言順行經海麗四小龍，以南昌站／欽州街／麗閣做總站會比較好
唔支持８６ｃ改線，除非ＭＯＳ有第二條全日雙向既西九線
（離題：印象中馬鞍山大部分線都係孖公仔，出同一區係錦英路沿線一條、恆康街沿線一條，但８６ｃ要拉上利安，一線碌天下，有無高人知道當中原因呢？）
返返去整個重疊問題，
個人認為可以將８６ａ８７ａ拉上青沙，前者經海麗四小龍去南昌站／欽州街／麗閣，後者深旺道落旺柏
[ 本帖最後由 流星☆雨 於 2009-12-15 06:23 編輯 ] 原帖由 karnarcy 於 2009-12-13 01:03 發表 http://hkitalk.net/HKiTalk2/images/common/back.gif
多謝 Snoopy@FB8617 兄 0既意見.
小弟個人意見:
86C 走青沙公路, 白田、石硤尾必然會成為尾站; 就好似而今 86C
走獅隧, 長沙灣會成為尾站一樣.
權衡巴士公司/乘客利益, 86C '逆走' 青沙公路利多於弊; 或者真係要
...
但唔忘記現時既區會係山頭...
石硤尾做返頭站容易俾人ban上天...
That's why 86C始終唔適合改
除非有一係類似87A/87B既物體入MOS
其實又唔駛怕佢冇客...
基本上冇左條86C既
86A就已經可以好返唔少....
咁硬兜落去四小龍只會拖低深水埔既客...