誠然，論列車性能、路況、班次、轉乘、接駁、人流控制等等，香港係做得非常好，
尤其是人流控制方面，MTR比KCR更為細心，大型地鐵站內或明或暗將兩個方向的人潮隔開，
乘客本身流動加快固然得益，鐵路公司也因為夠快而吸引到更多人選搭。
把人當車去分流，這些管理的細節，是很多外地營運者想不到的。
我2007年去日本自由行，一落機去池袋，拎住個行李，人生路不熟，已經夠受，
落到大堂，周圍都係閘機，又出站又入站又JR又地鐵又私鐵，
四方八面都有人潮湧至，一時間又搵唔到要去的出口，都幾「頻能」。
在這方面，香港的鐵路公司以致港式思維整體上做得比較好，是值得肯定的。
但這不代表沒有需要改善的地方。
之前我都詬病過，港鐵只顯示下班車大約幾時到站，冇錯大部分乘客的確只需要知道部車幾時到，
但沒有向外公開時間表，則公眾無法驗證上市公司香港鐵路0066在網頁及刊物內所指的準點率是否屬實。
假設所有乘客都是無知愚民，這就是透明度低的問題，是其中一個應該改善的方向。
又例如，用樓梯機代替升降機，就叫做傷殘人士可以出入，我真係接受唔到囉。
香港人口老化，我覺得有必要所有車站都加裝升降機抵達大堂，這是港鐵有無「心向著你」的問題。
至於月台半身閘門，而家見佢已經開始做野，又的確有關車站原先沒有設計會裝門，
架空站同地底站的力學會唔同，我不懂就不要亂說，我傾向不太介懷這方面。
少少OT：
我在號稱最準時的德國同日本都遇過誤點，我甚至覺得日本在這方面比德國遜色少少。
在德國，你在月台等車時已經會顯示班車誤點、誤點幾多，
例如15分鐘，真係exactly 15分鐘後架車出現在你面前。
日本則是在松本等Wideview Shinano去長野，知道有誤點而不知何時到站（可能只用日文口講），
到了上車後聽廣播先知道大約會幾時到目的地，又不幸地，篠ノ井線係單線雙程，
架車誤點，對頭車就會佔用路軌，結果架Shinano的誤點一路累積，好彩我已預留充裕時間駁車。
香港鐵路唔係最好，亦唔係最差，我明白樓主的用意，有些人的批評的確係吹毛求疪，
但不代表其他人的批評同樣也是吹毛求疪，記住香港的鐵路不設指定席。
原帖由 herman15hk 於 2010-7-16 03:40 發表 http://www.hkitalk.net/HKiTalk2/images/common/back.gif
東鐵拋下拋下拋到MLR行起上來身心齊震,震到操勞過度
你話勁唔勁
東鐵頂多係乘客感覺拋，
外面睇係唔會見到成架車拋
但墨爾本METRO外面睇係會見到成架車拋離拋去，
車內乘客唔扶穩就算係直路都會失重心，轉軌唔扶住隨時命都冇，
不過車內係冇扶手咁濟
留意0:15-0:22，仲衰過巴士
http://www.youtube.com/watch?v=1KbpW9ILffU
原帖由 AVW56 於 2010-7-16 08:18 發表 http://www.hkitalk.net/HKiTalk2/images/common/back.gif
如果當年MTR真係好似你咁, 覺得已經好過好多地方啦, 而唔改進,
MTR今日會得到其他國家的認同嗎?
讚賞/自豪=唔改進??
原帖由 DIH 於 2010-7-16 15:38 發表 http://www.hkitalk.net/HKiTalk2/images/common/back.gif
又例如，用樓梯機代替升降機，就叫做傷殘人士可以出入，我真係接受唔到囉。
香港人口老化，我覺得有必要所有車站都加裝升降機抵達大堂，這是港鐵有無「心向著你」的問題。
依件事又值得講一講，其實大部份車站都想裝升降機，
問題係路政署同埋私人樓既業主都有唔少既阻力，根本唔係個個站都可以順利裝得到，
有時候，唔係想裝就裝到。