包括有人話香港仔無咁多位擺
或者咁講，我見香港仔970條坑，一般可以擺5部車
另外2部可以擺公廁放食飯用
現時970X行車時間62分鐘
就當呢個係南行時間
而我個方案只係得2條線，而且係走線近乎100%相同
可以用1份更表就可以完成整體派車
(下繁d order車可以直接踢去瑪麗開就得)
因為香港仔擺唔到咁多巴士
我個人傾向減少司機香港仔休息時間
同時間蘇屋加返D時間
南行當62分鐘行車，非繁比75分鐘南行連休息
北行連休息比夠85分鐘
13+23=36分鐘，160分鐘抖36分鐘唔太過份吧~
而且D司機渣得快已經多左時間..照計可以再減
就當160分鐘1轉，如果非繁970A/B聯合班次5分鐘1班
160除5
即係要32部車
依家970+970X計埋差唔多40部
我當合併後有40部車
非繁佢鐘意既減到35-37部都可以
反正九巴6/6A合併最後因協同效應減左2部
而我又再研究過，你班司機都要放食飯ga
返早個D，4點幾5點已經要出車，如果返8-9粒鐘收2、3點既
都要比餐飯佢食..
有D可能返8、9點，但可能係收夜晚9點或10點
過12個鐘，你又要攝多一個break比佢
7-10高峰放食飯死得人多，所以無可能
變相早繁後要開始輪住放食飯同放break
有D可能10點食、之後11點、12點又放，1點又有
變相非繁可用既車一路少左..點都要出多幾部車頂食飯
或者非繁加order(但學校放學時間黃昏係有970/970X order 94A先死..)
當然，如果想收買早更司機人命既，可以5、6點開車，尾車收下午1點幾，放食飯後收工
之後下繁問題，下繁多數16-19就慢慢開始到高峰再慢慢減退
如果返全日個D，朝早放break，仲要食多次飯架嘛，呢個情況下多數要下繁後先食飯
返夜個班，一係4點前食完，一係7點或8點後先慢慢食
如果返12收24/25個D，你又要攝個break
個批可能就早D食，之後接上更收工車做
可能你覺得我有D多餘
但事實係非繁香港仔一路都有keep住擺970X食飯車
有時開10分鐘1班，都有幾部970X總站排隊開
我係新巴係咪好應該減行車時間盡量做密D班次?又唔見佢做
最抵死係新巴一路放係970X既資源少過970好多
其實成個建議下繁唔太傾向拆線
我就係要令下繁整體車隊多成倍，盡量減少脫班
減少沿途積聚過多乘客.唔頂人變頂人
如果非繁唔拆下繁拆，下繁乘客等車都係同以前一樣無改善
同依家有咩分別?
下繁如果970+特車，你又要考慮聯合班次
仲未計去到美孚之後，究竟係白行定係多左客
前者白行，即係浪費時間，減少班次
後者既話，多左客，多到現有個pool做唔切，又要加車..
中巴/新巴都算叻，一路放蘇屋，過SSP後多數清晒客咁濟
佢都有自知之明，無咁大個頭，唔好戴咁大頂帽
如果970合併返做一條，改善營運後又有車剩，先考慮拉長至美孚都唔遲
[ 本帖最後由 kay 於 2012-3-7 20:28 編輯 ]
回復 62# 的帖子
1. 拉去美孚，差五分鐘，一來一回都已經係十分鐘，要加起碼三架車先維持到而家個班次。值唔值得？
仲有美孚無咁多位擺一條個位數字班次的巴士線。
2. 你可以話路上塞一塞，聯合班次都變唔聯合，
但係唔同總站開車，問題只會更差。
情況就正如九巴條98A，本來已經因為燈位同塞車搞到下繁將軍澳方向脫班脫得好勁，
而家加左幾班牛頭角起載特車後，因為特車固定時間開，
而正常班次控制唔到幾時到站，結果反而仲衰，0-20分鐘一班。
仲有好重要一點，南行本來可以一線走天涯，
3-4分鐘一班的線拖卡唔係太大問題，
反而可以做到梅花間竹埋站，唔使站站停，節省行車時間。
南行夾硬要拆的話，結果咪要站站停。
3. 你#56個方案真係越搞越複雜，越搞越衰，
仲要搞到上下繁中段幾種唔同行法。
好多野本來有簡單方法做的話，用簡單方法搞掂係最好，
費事增加混亂，令乘客無所適從，運作上又增添變數。
同埋我明你想食長沙灣，但係而家自己本身班客都顧唔掂的時候，
諗埋長沙灣係咪本末倒置？
如果第時能夠解決而家所有問題，再傾拉去美孚都未遲。 頻密班次，過密都唔係咁好
有時聽到站長話減慢速度，同前車保持距離
費時拖卡黐埋一齊，兩前車未滿、後車打爆既畸形現象
咁密乘客會揀車坐，隧道前尾站打唔爆就弄巧反拙，浪費資源
有時仲抵死，後車見到前車死都要埋站唔過佢
要車都唔洗搵著971/數碼港黎搞
斬左914/692，已經有唔少車 原帖由 GL3789 於 2012-3-8 00:09 發表 http://www.hkitalk.net/HKiTalk2/images/common/back.gif
頻密班次，過密都唔係咁好
有時聽到站長話減慢速度，同前車保持距離
費時拖卡黐埋一齊，兩前車未滿、後車打爆既畸形現象
咁密乘客會揀車坐，隧道前尾站打唔爆就弄巧反拙，浪費資源
有時仲抵死，後車見到前車死都要埋站唔過佢
要車都唔洗搵著971/數碼港黎搞
斬左914/692，已經有唔少車
我唔係刻意製造拖卡，不過如果拖卡可以做到梅花間竹埋站，其實真係無壞。
當然拖卡拖得太勁係問題，事實上整太多唔同總站/地點開的班次只會令呢個問題惡化。
我上面提到的98A已經係上佳例子，整左特車後，
下繁成日都特車同正常班次同時埋站上客，於是搞到一D車爆，一D又未滿，
但係之後果班乘客就慘，又要等多一大輪先有車，而且例必上爆。
當然你可以話搵稽查在旺角站頭控制班次，如果幾架同時埋站，
一架走之後過幾分鐘先放第二架，但係咁只會塞住條路，阻住地球轉。
拖卡係避免唔到，問題係點樣減少拖卡對乘客的壞影響。
至於你話搵到914/692喇喎，唔好意思，914都話勉強，
但係將軍澳絕對唔會俾你抽692車去第二個區，抽692車去970呢種情節無可能發生。
事實係，數碼港真係唔多客，尤其是非繁，而行域多利道/薄扶林道兩邊時間差唔多，
但係香港仔一定係行薄扶林道快，佢地唔需要一條行域多利道/堅城先過到海的971，
反而加密970對佢地仲著數，所以將971縮去數碼港係好合理。
當然我同意971繁忙時間可以加到10分鐘一班，
食多D堅尼地城客，而九龍區走線都可以微調，
來回改行荔枝角道、欽洲街，
但係真係嚴重唔夠載果條係970，有資源唔該先解決970的問題。 原帖由 dippy 於 2012-3-8 00:02 發表 http://www.hkitalk.net/HKiTalk2/images/common/back.gif
2. 係依家因為塞車搞到班次不穩先有人上唔到有車上唔滿
將來分拆左970P至少下繁有幾個渠道供車比旺角->南區/西區
是旦一邊塞車都仲有另一邊有車番, 機會成本已經細左
用番你98A個例子, 以前係0-45分一班, 依家最少20分鐘會有一班
至少我可以預期二十分內會有車到, 其至喺雅麗道等車仲可以預時間去坐特車
套番落970系
以前唔知幾時有970/970X
依家無970都仲有970P, 大家入旺角路線唔同, 是旦一邊塞都仲有一半班次撐住
而970P走線又短D, 去旺角又快D, 番南區又容易有車D
梅花間竹停站都唔見對車程有大影響, 反而會令司機特登拖卡(撘開隧道線或者會明我講乜)
你坐後車行得快固然開心, 坐前車果個都幾無奈
反而970正車有970P可以夾埋停站
970特車車程快, 早早上爆仲可以飛站潻
3. 好多線都係有N種行法
720/720A/720P咪又係N種行法
有時行太安樓, 有時行太古, 有時行金鐘, 有時唔行
習慣左就無問題嫁喇
依家970都有特車做短途, 又有970X同970X既特車
962更加係拆到不亦樂乎
拆細佢本身無問題, 我條條都有定位有客源
根本互不相干
根據實際經驗，唔同總站開車的確會令到拖卡問題惡化，更難夾到班次。上文已述。
或者咁講，蘇屋到深水步一段點都唔會有彌敦道咁塞，
長沙灣道如果交通正常的話，只要蘇屋控制到班次，咁起碼太子、旺角都唔使等好耐一定有車
（呢個都解釋左970A/B兩邊同總站的原因，正正就係令到車輛可以靈活調配，
唔使好似而家，970唔可以調去970X，反之亦然）
但係如果你下繁970C美孚開，970B做循環線的話，
even交通正常，error bar已經可以好大，你點確保太子、旺角唔會拖幾架？
仲未計970C上石排灣，970B只到香港仔，已經唔可以玩梅花間竹埋站，同而家970/X南行無分別。
至於你話d線有N種行法，問題係：人地堆特快線，拆得咁細係work，
係咪代表970呢D過海流水線都適合拆得咁細？
我自己唔反對上繁九龍方向可以再拆細D，一村一線，但係亦只限上繁九龍方向，
其他時間跟樓主的方案，谷密班次，一定係最好。
尤其是你點拆都無可能令到行車時間明顯縮減。
我一直都強調，拆線後如果節省的行車時間唔保證多過等車花多的時間，唔值得拆。
仲有，我發覺你好鍾意將簡單問題複雜化。
一件事可以有好多唔同方法去做，但係如果有兩個方法，
效果差唔多，但係一個方法簡單好多，點解捨易取難？
仲未計你咁拆做唔到樓主想要的理想效果。