原帖由 AVD1 於 2013-3-10 08:37 發表 http://www.hkitalk.net/HKiTalk2/images/common/back.gif
問題係究竟有幾多人會起非繁時由荃景圍出市區 ?
荔枝角個邊而家衰極都叫有 D 工廠大廈起度, 我自己就知大涌道都有唔小人上車去到荔枝角附近就落車 ~
第二點
如果要過海, 點解唔揀 930 要走去揀出旺角轉紅隧過海 ...
我係一個經常來往工業區既,主要係柴灣角,楊屋道,大連排同荔枝角
搭巴士比地鐵多得多,
其中荔枝角去楊屋道就搭得我最肉赤
238X快但貴
33A平但係兜到死
重點係係荔枝角,等極都未有車
30就更加唔好提啦
原帖由 snake128 於 2013-3-10 22:26 發表 http://www.hkitalk.net/HKiTalk2/images/common/back.gif
頭先出左街,一次過回晒佢啦,AVD1兄,兜唔兜我用新30X同現時30X比較,而唔係用你條定線比,不過就算同你而家定線比,新30X都一定唔會係兜,而家要提速係想吸引返荃景圍人,就算現行30X里數同你建議30X里數唔差得多,快左都好 ...
係我眼中,234X,238X,30X同33A係非繁既班次客量都係差到無眼睇,目前以30X最差
原帖由 20030311 於 2013-3-10 16:17 發表 http://www.hkitalk.net/HKiTalk2/images/common/back.gif
唔兜唔夠客玩尖咀特快
唔通行大涌道上橋會夠客開12分一班咩?
根本密車,平,唔兜三樣你最多只會得到2樣,如果大貪就只會係無得郁
但係而家嘅30X三樣都冇囉...
個人只要「唔兜」就夠了
唔想油麻地上車坐20分鐘先到美孚
原帖由 snake128 於 2013-3-10 22:54 發表 http://www.hkitalk.net/HKiTalk2/images/common/back.gif
你估九巴對客量定位清楚啲定係你地對客量定位清楚啲丫拿
而家定線係九巴交上去架,如果佢行呢步係想CUT班,最多咪CUT到全日廿分鐘,唔CARE囉,還掂而家小人搭多數啲街坊都係覺得等車耐同埋唔知幾時嚟
試過有車長玩到係錢 ...
你承唔承認30X行西廊可以加快旺角到荃景圍行程, 又能穩定班次,
咁我比你選, 一係就行番長沙灣道, 唔經荃灣市中心,
一係就行西廊, 經荃灣市中心, 相信你都應該知道邊個車程比較快
現時30X油麻地最起碼25分鐘先到美孚, 星期六長沙灣道南行塞起上黎, 荃威上車個半鐘都未到旺角,
如果搬上西廊, 彌敦道尾站15分鐘內飛到美孚, 行埋荃市, 30-35分鐘就返到荃景圍啦
你一直視兜荃灣市中心為眼中釘, 卻隻字不提上西廊可以慳到幾多時間,
行西廊真係咁無吸引力?
我就唔信個個荃景圍居民因為新30X繼續"兜"荃灣市中心, 而唔搭呢條快左足足15分鐘既西廊快線,
荃景圍居民而家唔搭30X的原因係車程耐, 班次嚴重失準,
最影響車程正正就係行長沙灣道,
最影響班次就係漆咸道北, 加士居道, 尤其係下繁, 無4個字走唔到,
兜荃灣市中心的車程相比起長沙灣道的燈位, 漆咸道北的塞死根本係蚊同牛比,
而家兩個死位都唔再會經, 車程肯定可以改善唔少,
而你就一直只著眼於兜荃灣市中心的問題
假如你話早繁荃景圍已經坐滿, 唔應該兜荃灣市中心, 咁咪繼續開230X由大涌道上橋出旺角.
根本好多荃景圍居民由市區出街, 放工, 都唔會即刻衝返屋企, 通常係市中心一帶行街買餸買定第二朝早餐咁,
以搭地鐵果班轉車客最多係咁活動, 30X改快繼續經市中心的話, 可以吸引佢地係市中心落車,
買埋野食埋飯先上荃景圍, 你係街坊都知半山上面無餸賣, 又無飯開架啦
俾多個類似個案, 點解930A回程一直都做唔起, 客量仲有下降趨勢,
因為車站係市中心邊緣, 完全唔經市中心旺區, 放工客又無返工客咁集中,
返荃灣果班客因為嫌棄930A D站落車行得遠, 而搭番西荃紅小,
如果930A經大河道出青山公路, 開個富華街站, 相信情況會好得多
原帖由 s3n354 於 2013-3-10 23:58 發表 http://www.hkitalk.net/HKiTalk2/images/common/back.gif
根本好多荃景圍居民由市區出街, 放工, 都唔會即刻衝返屋企, 通常係市中心一帶行街買餸買定第二朝早餐咁,
以搭地鐵果班轉車客最多係咁活動, 30X改快繼續經市中心的話, 可以吸引佢地係市中心落車,
買埋野食埋飯先上荃景圍, 你係街坊都知半山上面無餸賣, 又無飯開架啦
如果係返工放工既人應該唔會咁做...
有好多人即刻衝去巴士站/小巴站架,可能係行去地鐵站/巴士站途中見到去左買
咁如果直接上到去,咁未改為係第二日坐車前買,或者返到公司樓下先買都可
買餸呢樣野,我諗而家放工一族,放左工唔會去買餸啦,到荃灣都7點8點啦.
街市都收晒檔,個人又散晒,最多係超市買飯盒或者係食市買飯食多啦
買餸多數都係半日工、家庭主婦又或者4點5點放工放D人啦,
咁佢地要去街市都要去到街市街...
========
而930A同地鐵價錢差好遠,入力生個邊競爭力唔高唔會多好多客,仲有灣荃,西荃都仲要經葵涌先到荃灣。
因應客量下降,咁三寶客都減少左D,我反建議係德士古道走沙咀道直到大涌道轉右返愉景新城啦...
原帖由 20030311 於 2013-3-10 21:46 發表 http://www.hkitalk.net/HKiTalk2/images/common/back.gif
我係一個經常來往工業區既,主要係柴灣角,楊屋道,大連排同荔枝角
搭巴士比地鐵多得多,
其中荔枝角去楊屋道就搭得我最肉赤
238X快但貴
33A平但係兜到死
重點係係荔枝角,等極都未有車
30就更加唔好提啦 ...
依你的意見，
非繁時柴灣角工廠區會有幾多人需要搭車出油尖旺呢類商業區，
據我所見，工廠區工作的人士通常都係工廠區之間活動，
我見現時好多信差都係長沙灣廣場上車，祁德尊落車
原帖由 s3n354 於 2013-3-11 00:29 發表 http://www.hkitalk.net/HKiTalk2/images/common/back.gif
依你的意見，
非繁時柴灣角工廠區會有幾多人需要搭車出油尖旺呢類商業區，
據我所見，工廠區工作的人士通常都係工廠區之間活動，
我見現時好多信差都係長沙灣廣場上車，祁德尊落車 ...
唔多,一個鐘最多可能得十幾二十人次,一班車先得2~4個
我非繁長廣等車,等去荃灣既唔及係郵局等去西環同黃竹坑既多
宜家工廠區好多都係寫字樓,人員流動性質同尖咀商業區既分別唔大
[ 本帖最後由 20030311 於 2013-3-11 00:43 編輯 ]