板友咁重視新巴定九巴開,
因為新巴開都好大機會係觀塘大站(APM同德福)插旗, 唔會再多
九巴既話就真係要等新40喇:lol
而將軍澳居民黎講, 服務範圍大同快就得(而家既坑口唔太吸引...) ...
而家問題唔係話要起 692 抽車出黎開線嗎,
好啦, 新記仲要放水去 798 度,
佢邊有咁多車仲走去開將荃線丫,
觀塘道點都係等 40 架啦 (早前唔係有板友話已經過左, 而家只係差細節咩),
如果係咁, 預期點都係新 40 出現快過將荃,
有得 40 個陣根本就已經唔需要去理會將荃線究竟經唔經所謂大站的了 ~ 將觀荃又好, 將秀荃又好, 最致命既就係入將軍澳, 某程度上係呃錢賤招
如果新線上秀/寶達/安達臣道做尾站, 收貴42一級, 應該係收8.x, 但入左將軍澳, 就貴過10蚊
如果將軍澳要開荃灣線, 我認同應該比將軍澳直出, 尚德坑口寶林康盛出又得, 掉返轉康盛寶林坑口尚德亦得,
因為首先係公平, 將軍澳人比將軍澳價, 而唔係要屈觀塘班客比一個本身唔需要既價錢, 正如旺角去馬頭圍竟然要比將軍澳價錢係唔合理既事.
將軍澳直出亦係maximize左新線係將軍澳既吸引力, 如果咁都唔夠客, 就可以大條道理摺埋, 即係796B. 如果夠客咪皆大歡喜.
不過問題出於將軍澳直出本身吸引力都唔係咁大就真. 好多人一聽到條線行四順o個邊出去就合埋眼鬧條將荃「兜山」，根本都未知架車入咩位唔入咩位，既然條路線都見晒光咁濟，我都唔怕貼 RDP 實際走線出黎：
由坑口北往荃灣如心廣場，31.6 公里：
由荃灣如心廣場往坑口北，30.9 公里（回程係經順景街入利安道，唔係經新利街，但 Google map 有錯畫唔到）：
站友 FF 路線，經觀塘道、將軍澳隧道、寶康路接回原線，全程 33.3 公里，一轉燒多 6 公里油，拒載山上超過 200,000 乘客，並與即將變特快的 40 80% 路段重疊：
上圖可以見到，其實由將軍澳寶林開始計，條路線都好畢直，本身都無左兜右兜去搵客，
山上基本上都係一條大路直行，大家都係行出大路搭車，來回程都唔經秀明道。
反而過左寶林之後，點睇都係兜路，特別係尚德一段，即使縮到咁細比例都仍然好礙眼，
當然啦，點都好過行隧道出黎接返原線，因為咁樣真正兜到反胃，對坑口而言，兜路感覺仲難受過爬山。
事實上條線如果經寶琳路出，而最終係去九龍西，除非你去尖沙咀，
否則就算你搭的士，司機都會經順利邨過去，而唔會咁弱智行觀塘道甚至最低能既觀塘繞道。
當然如果你話條線應該死塞將軍澳隧道、觀塘道（東行唔停都一定會塞爆，西行上龍翔道一樣塞到九龍灣），咁就另計。
否則條線既然行左寶琳路，行順利係最順路，當然入唔入利安道係另一回事。
新巴想點我唔知，亦無乜風聲聽到佢想做將荃，
但九巴不止一次提出既將荃方案，其實除今次呢個版本係取消 692 外，其他版本都大同小異，
走線大致同依家一樣，只係總站係坑口定尚德既分別。
從九巴 98P 加開回程時都竟然意外地係經寶琳路而唔經將軍澳隧道，可以睇出佢有心試呢個市場，
而一向無乜人提 98P 回程表現係點。
雖然 98P 回程開 1800，擺明唔會好似 40P 咁爆，但我相信佢比九巴預期係多客，
條線依家已經要企人返秀茂坪，但有一樣野我都估唔到，係 98P 竟然係會滿窗口位咁落返寶林，
對比 98A、98C 過完翠林已經差唔多吉車，九巴或者都有點始料不及。
而事實亦都證明，雖然有些巴士迷同部份小眾會對任何爬山線都放聲咆哮，但乘客用腳證明，
當有 98P 埋站時，98D 其實都有成一半客會照上，大部份人根本就對爬山無真係好反感。
同樣情況亦適用於 Megabox 返寶林，搭爬山 106、111 既人都遠比 297 多。
又睇返 796P，走線好多人都拍手，
但條線做左年半，平均客量都係得 37%，平均每班車更只得 8 人在日出康城上車，
相反 98P 回程做左好短時間客量已經有 65%，依家仍然增長中，早上單在與康城人口相約既康盛翠林一班車已可以上 40-50 人，
亦都反映山上係好做，但有人唔肯接受現實。
其實有些別有用心既人話議會會 ban，
但其實理性分析條線在區議會角度，係唔會有人夠膽建議飛走無港鐵服務既康盛翠林，卻同港鐵完全重疊經寶林坑口尚德觀塘九龍灣，
最多只會要求佢改放康盛，經翠林落山行隧道。
更甚者，其實當年 E22A 提改道方案時，西貢區將南亦只夠膽叫 E22A 經完寶琳路後，經將軍澳道、觀塘繞道同啟祥道返龍翔道，
或者只經秀茂坪道同順利邨道，無人講「飛起翠林康盛」，
只係城巴唔肯只上山但唔入秀明道、利安道，成件事先作罷。
但有左 98P 回程呢個超乎預期既經驗，
巴士公司只會更唔願意將條線放康盛兜落山，因為放康盛落山，不單油燒更多、車程長左亦令車派得更多，
最致命只可以做到康盛翠林 30,000 人，
但如果爬寶琳路出，里數反而更低，最重要係至少可以做埋寶達邨、秀茂坪南邨、安達臣南邨非鐵路競爭地區，
呢度加埋居民都成 100,000，而係 798 沿線人口 1/3。
另一樣重要野，係寶林、坑口本身已經有 4 條村巴線去荃灣，班次本身已好多（講緊將荃開密計劃一倍都唔夠村巴班次多），仲要同港鐵競爭，
相反山上一條直達線都無，呢樣亦有一定誘令巴士公司將條線爬山出去。
我知一定會有人又撲出黎話「山上有客就一早有村巴啦」，所以唔差在講埋，
翠林至荃灣村巴係已經有過村巴公司入紙申請，時間在將軍澳線通車後，但運輸署唔批准先作罷。
再者，雖然 RDP 寫 692 九巴派 7 架車、新巴派 4 架，
但大家心知肚明 692 實際九巴只得 4 架掛牌，4 架車做將荃，就算經隧道之後不停站去荃灣，都無可能做到 30 分鐘一班車。
呢條將荃線，就算坑口開到去翠林先有第 1 個客上車，30 分鐘一班都一定唔會夠載，
根本一開已經係一個炸彈要搵車撲火，若然不爬山，到時應該取消 98D、296C、296D 定 297 救亡好？
[ 本帖最後由 3ASV174 於 2013-3-5 21:30 編輯 ] 原帖由 Lost 於 2013-3-5 21:01 發表 http://www.hkitalk.net/HKiTalk2/images/common/back.gif
將觀荃又好, 將秀荃又好, 最致命既就係入將軍澳, 某程度上係呃錢賤招
如果新線上秀/寶達/安達臣道做尾站, 收貴42一級, 應該係收8.x, 但入左將軍澳, 就貴過10蚊
如果將軍澳要開荃灣線, 我認同應該比將軍澳直出, 尚德 ...
不過,將秀荃線對荃灣來往觀塘山上的吸引力的確存在,就算要收11蚊一樣大把人坐.
再者,現在該線需要投標,雖然定線是九巴構想出來的,但最終由誰投到將秀荃,也是未知數,要視乎雙方的投標.
我估巴士公司應該計過數,知道將軍澳來往荃葵青唔夠客,又唔想新巴咁易過到骨,所以先加入插旗,做埋四順. 原帖由 3ASV174 於 2013-3-5 21:06 發表 http://www.hkitalk.net/HKiTalk2/images/common/back.gif
好多人一聽到條線行四順o個邊出去就合埋眼鬧條將荃「兜山」，根本都未知架車入咩位唔入咩位，既然條路線都見晒光咁濟，我都唔怕貼 RDP 實際走線出黎：
由坑口北往荃灣如心廣場，31.6 公里：
214319
由荃灣如心廣場往坑口北，30.9 ...
雖然今次九巴個建議較傳統,但勝在保到有穩定客源.
聽番葵青討論RDP,將軍已表明,班次疏過15分鐘的路線會陸續推出像城巴的"開車時間表",確保各街坊可以依時間等車.
因此,既然觀塘山上有大量的街坊要落山轉MTR,開拓山上空間是可以令本身搭VAN搭鐵的人轉投九巴.
除了將秀荃外,我也建議九巴整條將觀直去上水的巴士,方便經羅湖過境的乘客,因為現時坐東鐵又逼又慢.
回復 324# 的帖子
其實事實就係 692 一定要盡快搞掂佢但係條中九龍幹線又唔可以搭時光機嚟 2013 行車
荃葵又唔係吸引過沙田
如果唔係我都會贊成將軍澳一條過不入東九龍入荃葵
而家就唯有等將秀荃做起咗，繁時拆線，將軍澳直落荃灣
不過其實條將秀荃由將軍澳站開會唔會順路啲? 原帖由 HF3204@243M 於 2013-3-5 21:32 發表 http://www.hkitalk.net/HKiTalk2/images/common/back.gif
其實事實就係 692 一定要盡快搞掂佢
但係條中九龍幹線又唔可以搭時光機嚟 2013 行車
荃葵又唔係吸引過沙田
如果唔係我都會贊成將軍澳一條過不入東九龍入荃葵
而家就唯有等將秀荃做起咗，繁時拆線，將軍澳直落荃灣
不過 ... 條線坑口、尚德既走線固然有執既空間，
因為 692 依家咁行，要入隧道坑口都無人想上車，其實尚德開經坑口、寶林的確係比較順路，
有說九巴曾經諗過條線放尚德，但意味有條線要讓條坑出黎。 原帖由 3ASV174 於 2013-3-5 21:35 發表 http://www.hkitalk.net/HKiTalk2/images/common/back.gif
條線坑口、尚德既走線固然有執既空間，
因為 692 依家咁行，要入隧道坑口都無人想上車，其實尚德開經坑口、寶林的確係比較順路，
有說九巴曾經諗過條線放尚德，但意味有條線要讓條坑出黎。 ...
擺乜鬼尚德,一於擺入去調景嶺彩明苑,塞埋陳繼偉,梁里等把口.
不過,到時珊姐又會要求開康城出荃灣特車!